အာဏာသိမ်းမှု ထပ်မလုပ်ဟု ထိုင်းစစ်တပ် အကြီးအကဲသစ်ဆို

အောက်တိုဘာ ၁ ၊ ၂၀၁၄
M-Media

– ထိုင်းစစ်တပ်အကြီးအကဲသစ်အဖြစ် ခန့်အပ်ခြင်း ခံခဲ့ရသည့် ဗိုလ်ချုပ် ယူဒွမ်ဒက်ဂ်ျ စီတာဘူတ်ရ်က ၎င်းအနေဖြင့် ထပ်မံ၍ အာဏာသိမ်းမှုကို ပြုလုပ်သွားမည် မဟုတ်ဟု ပြောကြားလိုက်သည်။

ယမန်နေ့က ထိုင်း စစ်ဌာနချုပ်တွင် ပြုလုပ်ခဲ့သည့် ရာထူးခန့်အပ်ပွဲ အခမ်အနား၌ စီတာဘူတ်ရ်က ယခုကဲ့သို့ ပြောကြားခဲ့ခြင်းဖြစ်ပြီး တိုင်းပြည်ကိုယ်စား တော်ဝင် အသိုင်းအ၀ိုင်းနှင့် အစိုးရအား ကာကွယ်သွားမည်ဟုလည်း ကတိပြုခဲ့သည်။

“ထိုင်းစစ်တပ်ဟာ အစိုးရနဲ့ နိုင်ငံတော် ငြိမ်ဝပ်ပိပြားရေးကောင်စီတို့နဲ့အတူ ရပ်တည်သွားမှာ ဖြစ်တာကြောင့် နောက်ထပ် အာဏာသိမ်းတာမျိုးတွေ မဖြစ်တော့ဘူးလို့ ကျွန်တော် အတည်ပြု ပြောဆိုပါတယ်” ဟု ၎င်းက ဆိုသည်။

အာဏာသိမ်း ထိုင်းစစ်တပ်အကြီးအကဲ ပရာယွတ် ချန်အိုချာမှာ ထိုင်းဝန်ကြီးချုပ်သစ် ဖြစ်လာပြီးနောက် လစ်လပ်နေသည့် ထိုင်းစစ်တပ်အကြီးအကဲနေရာအတွက် စီတာဘူတ်ရ်အား ခန့်အပ်ခဲ့ခြင်းဖြစ်သည်။

စစ်တပ်အကြီး စီတာဘူတ်ရ်မှာ နိုင်ငံအတွင်း အကြမ်းဖက်မှုများနှင့် မတည်ငြိမ်မှုများကို ရှောင်ရှားရန်အတွက် မိမိမှာ မတူညီသော နိုင်ငံရေးအုပ်စုများနှင့် ဆွေးနွေးသွားမည်ဖြစ်ပြီး ထိုင်းတောင်ပိုင်းရှိ လက်နက်ကိုင်များနှင့်လည်း ငြိမ်းချမ်းရေးရအောင် ညှိနှိုင်းမှုများ ပြုလုပ်သွားမည်ဟု ထည့်သွင်းပြောကြားခဲ့သည်။

ထို့ပြင် ပရာယွတ်မှာ ပြည်သူများ၏ အကျိုးစီးပွားနှင့် နိုင်ငံ၏ ပြဿနာများအား ဖြေရှင်းရန်အတွက် သဘောတရားတစ်ခုကို တည်ဆောက်ပေးခဲ့သည့် ပရော်ဖက်ရှင်နယ် စစ်သားတစ်ယောက်ဖြစ်သည်ဟု စီတာဘူတ်ရ်က ချီးကျူးခဲ့သည်။

ဆင်ဟွာ