အစိုးရအထက်မှ အမိန့်ပေးနေသူများ

အောက်တိုဘာ ၃ ၊ ၂၀၁၄
M-Media

ကမ္ဘာတဝှမ်း အစ္စလာမ်ဘာသာဝင် နှစ်စဉ် ကျင်းပပြုလုပ်တဲ့ ပါ အီဒွလ်အဿွာဟာ ပွဲတော်ကို မြန်မာပြည်အတွက် အောက်တိုဘာ ၆ ရက်နေ့မှာ ကျရောက်မှာဖြစ်ပါတယ်။ ဒါကို အမျိုးဘာသာ သာသာနစောင့်ရှောက်ေ၇း အသင်းကနေပြီးတော့ ပိတ်ပင် တားဆီးပေးဖို့ ကြေငြာချက်တစောင်ကို ယမန်နေ့က ထုတ်ပြန်ခဲ့ပါတယ်။

မွတ်ဆလင်တွေရဲ့ ပါ အီဒွလ်အဿွာဟာ (ဘက္ကရီးအိဒ်) ပွဲတော်ဟာ ခိုးကြောင်ခိုးဝှက်လုပ်ရတဲ့ ပွဲ မဟုတ်ပါဘူး။

ခေတ်အဆက်ဆက် နိုင်ငံတော်အစိုးရ တရားဝင်ရုံးပိတ်ရက်အဖြစ် သတ်မှတ်ပေးခြင်းခံရတဲ့ မွတ်ဆလင်တွေရဲ့ ပွဲတော်ရက် ဖြစ်ပါတယ်။

နှစ်အသီးသီးမှာလည်း ဘာပြသနာမှ ဖြစ်ပေါ်ခဲ့ခြင်း မရှိဘဲ အာဏာပိုင်အဆင့်ဆင့်က လုံခြုံရေးပေးကာ လူမျိုးပေါင်းစုံ ဘာသာပေါင်းစုံ ၀င်ရောက်ဆင်နွှဲကြတဲ့ ပွဲတော်လည်း ဖြစ်ပါတယ်။

နိုင်ငံတော်အစိုးရက ခွင့်ပြုချက်ပေးထားတဲ့ တရားဝင် ကျင်းပခွင့်ရထားတဲ့ ပွဲတော်တစ်ခုကို တရားမ၀င်တဲ့ အဖွဲ့အစည်းတစ်ခုက တရားမ၀င်တဲ့ကြေညာချက်တွေ ထုတ်ပြန်ကြေညာကာ နည်းလမ်းအမျိုးမျိုးနဲ့ တားဆီးပိတ်ပင်ခွင့် ရှိပါသလား။

မြန်မာနိုင်ငံမှာ ဘာသာရေး လွတ်လပ်ခွင့်ဆိုတာ စာရွက်ပေါ်မှာပဲ နိုင်ငံတကာကြားကောင်းရုံ ရှိနေသလား။ အရှေ့က လူုမြင်ကောင်းရုံ ခွင့်ပြုပြီး နောက်က ပြသနာ မဖြစ်ဖြစ်အောင် တရားမ၀င်တဲ့ အဖွဲ့အစည်းတွေကို လက်သိပ်ထိုးခိုင်းနေသလား တွေးကြည့်စရာပါ။

အမှန်တကယ်ဆိုရင် “မဘသ” က ဒီလိုစာ ထုတ်ခွင့်မရှိပါဘူး။ စာထုတ်ခဲ့ရင်လည်း ဒီစာထုတ်တဲ့ အဖွဲ့ အစည်းကို အရေးယူပြီး ဒီစာကို ပိတ်ပင်တားဆီးရမှာ သာသနာရေးဝန်ကြီးဌာနရဲ့ အလုပ်ပဲ ဖြစ်ပါတယ်။ အစိုးရအာဏာပိုင်တွေရဲ့ အလုပ်ပဲဖြစ်ပါတယ်။

ဘယ်လိုနည်းနဲ့ ဖြစ်စေ အစိုးရ ခွင့်ပြုထားတာကို ဘုန်းကြီးက တားလို့မရပါဘူး။ ဘုန်းကြီးတင်မဟုတ်၊ ဘယ်သူမှတားခွင့် မရှိပါဘူး။

တားခွင့်မရှိတာကို “မဘသ” တွေ စာထုတ်တားမြစ်နေတာကို သိပါလျှက် မြင်ပါလျှက် မတားမဆီး နှာစေး မျက်စိပိတ်ထားပြီး အောက်ခြေ အဆင့်မှာ ပြသနာ မဖြစ်ဖြစ်အောင် လွှတ်ပေးထားတဲ့ တာဝန်ရှိတဲ့ သာသနာရေးဝန်ကြီးဌာနရဲ့ ပြုမူဆောင်ရွက်မှုက ရည်ရွယ်ချက်ရှိရှိလုပ်ဆောင်နေတာလို့ မြင်စရာ အများကြီး ရှိနေပါပြီ။

ဘုန်းကြီိးတွေ အုပ်ချုပ်နေပြီလား၊ ဒါမှမဟုတ် ဘုန်းကြီးနဲ့ ရောပြီး အုပ်ချုပ်နေတာလား။ ဘုန်းကြီးကို မလွန်ဆန်နိုင်စရာတော့ မရှိပါဘူး။ လိုအပ်ရင် ဘုန်းကြီးကို တုတ်နဲ့ဆော်၊ သင်္ဃန်းချွတ် လူဝတ်လဲ၊ ထောင်ချ၊ မီးဆွမ်းကပ်တဲ့ ဒီအစိုးရဟာ မွတ်ဆလင်တွေကိုပဲရွေးပြီး တစ်မျိုးပြီး တစ်မျိုး မရိုးရအောင် ပြသနာမီးထွန်းရှာနေတဲ့ “မဘသ” ဘုန်းကြီးတွေကိုမှ ရွေးပြီး အချစ်ဝင်ပြနေတာကတော့ မြန်မာ့နိုင်ငံရေး သမိုင်းရဲ့ “ထူးခြားဖြစ်စဉ်” လို့ပဲ ခေါ်တွင်ရမှာပါ။

အမှန်ဆို ရှေ့ကခွင့်ပြု၊ နောက်က လက်သိပ်ထိုးပြသနာရှာတဲ့ အဖွဲ့အစည်းတွေကို မလွန်ဆန်နိုင်သယောင် မျက်စိမှိတ်ပြနေခြင်းဟာ ၂၀၁၅ အမှီ ပြည်သူကို “နားလှည့် ပါးရိုက်”နေခြင်း လို့ပဲ မြင်မိပါတယ်။

မွတ်ဆလင်တွေ သတိထားကြပါ။ အစိုးရခွင့်ပြုချက်နဲ့ ပြသနာရှာသူတွေ ရှိနေပါတယ်။

မိမိလုပ်ချင်ကိုင်ချင်စိတ်ကို အသိတရားအပြည့်ထားကြပါ။ သတိတရားအပြည့်ထားကြပါ။ လုံခြုံရေးသတိ မိမိဘာသာရှိကြပါလို့ပဲ ပြောချင်ပါတော့တယ်။

ဆွေမွန်
၃ အောက်တိုဘာ