ထိုင်းနိုင်ငံ ကော်တောင်ကျွန်းတွင် အသတ်ခံခဲ့ရသည့် ဗြိတိန် စုံတွဲ၏ နောက်ဆုံးမိနစ်များ

အောက်တိုဘာ ၄ ၊ ၂၀၁၄
M-Media

– စက်တင်ဘာ၏ ကြည်လင်သော သန်းခေါင်းယံအချိန်၌ ၀င်း၊ စောနှင့် မောင်တို့မှာ ကော်တောင်ဆိုင်းရီ ကမ်းခြေစွန်းရှိ ထင်းရှူးပင်များအောက်၌ ဆေးလိပ်နှင့် ယမကာများ မှီဝဲရင်း သီချင်းဆိုကာ လူငယ်ဘ၀ကို အေးအေးလူလူဖြတ်သန်းနေကြသည်။

ထိုအချိန်တွင် ဒေးဗစ်မီလာနှင့် ဟန်နာ ၀ှိုက်ရစ်ဂ်ျတို့ စုံတွဲက စီစဉ်ထားသည့်အတိုင်း လူသူကင်းရှင်းသည့် ကမ်းခြေတစ်နေရာသို့ ဦးတည်သွားနေ၏။

သူငယ်ချင်းများကဲ့သို့ မြန်မာပြည်မှ ရွှေ့ပြောင်းလုပ်သားတစ်ဦးဖြစ်သည့် မောင်မောင်က ၎င်းတို့ ထိုင်နေရာသစ်တုံးမှထကာ ဒယီးဒယိုင်ဖြင့် နေထိုင်သည့် ဘန်ဂလိုသို့ ပြန်လာခဲ့သည်။ ၂၁ နှစ်ရွယ်ရှိ ၎င်း၏ သူငယ်ချင်းနှစ်ယောက်ကတော့ လေးတွဲဖင့်နွဲ့စွာ ကျန်ခဲ့လေသည်။ ရွှေရောင်ဆံပင်နှင့် ဆွဲဆောင်မှုရှိသည့် ၀ှိုက်ရစ်ခ်ျနှင့် ဒေးဗစ်တို့စုံတွဲကို တွေလိုက်သည့် အခါတွင်တော့ ၎င်းတို့ နှစ်ဦးစလုံးထကာ ဒေးဗစ်တို့နောက်သို့ လိုက်ကြလေ၏။

ဝင်းကျော်ထွန်း နှင့်  ဇော်လင်း တို့မှာ အောက်တိုဘာ ၂ ရက်နေ့ ကြာရှည်သည့် စစ်ဆေးမေးမြန်းမှုအတွင်း စက်တင်ဘာ ၁၅ ရက်နေ့ နံနက်အစောပိုင်းက ၀ှိုက်ရစ်ချစ်အား မုဒိမ်းကျင့်ခဲ့ကာ ၎င်းတို့ ၂ ဦးစလုံးအား ပေါက်ပြားဖြင့် မသေမချင်း ထုသတ်ခဲ့ကြောင်း ၀န်ခံခဲ့သည်ဟု ရဲတပ်ဖွဲ့က သတင်းထုတ်ပြန်ခဲ့လေသည်။

ရဲတပ်ဖွဲ့မှာ အခင်းဖြစ်ပွားရာနေရာမှ ရရှိခဲ့သည့် DNA ကို အလျင်အမြန်ပင် စစ်ဆေးခဲ့၏။ အောက်တိုဘာ ၃ ရက်နေ့ နံနက် ၁၀ နာရီ သတင်းစာရှင်းလင်းပွဲမလုပ်မီ ထို DNA မှာ ထိန်းသိမ်းစစ်ဆေးနေသော မြန်မာလုပ်သားတစ်ဦး၏ DNA နှင့် တူညီနေသည်ဟူသော သတင်းများမှာ ပေါက်ကြားပြီးဖြစ်နေ၏။

“ဒီစုံတွဲကို သတ်ခဲ့တယ်လို့ သံသယရှိသူ မြန်မာ ၂ ယောက်က ဖြောင့်ချက်ပေးခဲ့ပါတယ်။ ကျွန်တော်တို့ စစ်ဆေးခဲ့တဲ့ DNA ဟာ သေဆုံးသွားသူအမျိုးသမီးရဲ့ ကိုယ်ပေါ်က DNA နဲ့ တူညီနေတယ်ဆိုတာ တွေ့ရပါတယ်” ဟု ထိုင်းရဲတပ်ဖွဲ့ အကြီးအကဲ စွမ်ယွတ် ပန်ပွန်မောင်က သတင်းစာရှင်းလင်းပွဲမတိုင်ခင် AP သတင်းဌာနသို့ ပြောကြားခဲ့သေည်။

အခင်းဖြစ်ပွားရာနေရာအနီးတွင် တွေ့ရသည့်  L&M စီးကရက်တိုက မြန်မာအလုပ်သမားနှစ်ဦးနှင့် လူသတ်မှု ဆက်စပ်ရာတွင် အဓိက သက်သေအထောက်အထား ဖြစ်ခဲ့လေ၏။

လူသတ်မှု မဖြစ်ပွားခင် နာရီပိုင်းအလို၌ ၀င်းကျော်ထွန်း မှာ  L&M စီးကရက်ကို ကျွန်းနားရှိ ကုန်စုံဆိုင်တွင် ၀ယ်ယူခဲ့ခြင်းကို ထိုဆိုင်ရှိ လုံခြုံရေးကင်မရာမှ တစ်ဆင့် တွေ့ခဲ့ရသည်။

မျက်မြင်သက်သေများ၊ သဲလွန်စများနှင့် စုံစမ်းစစ်ဆေးမှုများတွင် တွေ့ရှိခဲ့ရသည့် အချက်များကို ကြည့်ခြင်းဖြင့် မြန်မာနိုင်ငံမှ ရွှေ့ပြောင်းအလုပ်သမား ၂ ဦးမှာ လူသတ်သမားများဖြစ်ကြသည်ဟု ယုံကြည်ကြောင်း ၎င်းက ထည့်သွင်းပြောကြားခဲ့သည်။

သတင်းစာရှင်းလင်းပွဲပြီးနောက် စွမ်ယွတ်ဦးဆောင်သော ရဲတပ်ဖွဲ့က သံသယရှိသူ မြန်မာနှစ်ဦးကို ကမ်းခြေသို့ခေါ်ဆောင်သွားကာ မုဒိမ်းမှုနှင့် လူသတ်မှုကို မည်ကဲ့သို့ ကျူးလွန်ခဲ့ကြောင်း သရုပ်ပြစေခဲ့သည်။

ထိုသရုပ်ပြမှုတွင် နိုင်ငံခြားသားတစ်ဦးမှာ ဒေးဗစ်အဖြစ် သရုပ်ဆောင်ပေးခဲ့ပြီး ယူကေ Sky TV မှ သတင်းထောက်တစ်ဦးကတော့ ၀ှိုက်ရစ်ဂ်ျအဖြစ် သရုပ်ဆောင်ပေး ခဲ့သည်။ လာရောက်ကြည့်ရှုသူ များပြားခဲ့ကာ သရုပ်ပြမှုများကို ဗီဒီယိုဖြင့် မှတ်တမ်း တင်ခဲ့လေသည်။

ဒေးဗစ်တို့ စုံတွဲနှစ်ဦးကို ကျောက်တုံကြီးများနောက်၌ မည်ကဲ့သို့တွေ့ခဲ့သည့်ကို ဇော်လင်း က ပြောပြသည်။ နီးစပ်ရာ ဟင်းသီးဟင်းရွက်ခြံမှ ပေါက်ပြားကို ယူကာ ဒေးဗစ်၏ နောက်စေ့ကို ရိုက်၍ အလောင်းတွေ့ရှိရာ ကမ်းခြေသို့ ဆွဲယူ သွားခဲ့ကြောင်းကိုလည်း သရုပ်ပြခဲ့သည်။ အလောင်းအား ခွဲစိတ်စစ်ဆေးမှုများ အရ ဒေးဗစ်မှာ မသေခင် ရေများကို ရှူသွင်းမိခဲ့သည်ဟု တွေ့ရှိခဲ့ရသည်။

ထို့နောက် ၎င်းတို့နှစ်ဦးစလုံးမှာ ၀ှိုက်ဘရစ်ဂ်ျဘက်သို့ လှည့်လာလေတော့သည်။ တစ်ယောက်တစ်လှည်စီ ဆေးလိပ်သောက်ရင်း ၀ှိုက်ဘရစ်ဂ်ျအား မုဒိမ်းကျင့်ကြသည်။ ထို့နောက် ၀င်းကျော်ထွန်း  က ၀ှိုက်ဘရစ်ဂ်ျ၏ ဦးခေါင်းကို ပေါက်ပြားဖြင့် ထပ်ခါတလဲလဲ ရိုက်သတ်ခဲ့လေသည်။

ပေါက်ပြားတွင် ၀ှိုက်ဘရစ်ဂ်ျ၏ DNA ကို သာတွေ့ရှိခဲ့ရသည်ဟု ရဲတပ်ဖွဲ့က စောစောပိုင်းတွင် ပြောကြားခဲ့ပြီး အခင်းဖြစ်ပွားရာနေရာအနီးတွင် တွေ့ရသည့်  L&M စီးကရက်တိုက မြန်မာအလုပ်သမားနှစ်ဦးနှင့် လူသတ်မှု ဆက်စပ်ရာတွင် အဓိက သက်သေအထောက်အထား ဖြစ်ခဲ့လေ၏။

လူသတ်မှု မဖြစ်ပွားခင် နာရီပိုင်းအလို၌ ၀င်းကျော်ထွန်း မှာ  L&M စီးကရက်ကို ကျွန်းနားရှိ ကုန်စုံဆိုင်တွင် ၀ယ်ယူခဲ့ခြင်းကို ထိုဆိုင်ရှိ လုံခြုံရေးကင်မရာမှ တစ်ဆင့် တွေ့ခဲ့ရသည်။

အဆိုပါ စီးကရက်တိုတွင် တွေ့ရှိခဲ့ရသည့် DNA နှင့် ၀ှိုက်ဘရစ်ဂ်ျ၏ ကိုယ်ပေါ်၌ တွေ့ရသော သုတ်သွေးမှ DNA တို့မှာ တူညီနေသည်။ ထိုအမှုအား အထောက်အပံ့ဖြစ်စေမည့် အခြားသော CCTV မှတ်တမ်းများနှင့် မျက်မြင်သက်သေများကိုလည်း စုဆောင်းခဲ့သည်ဟု ရဲတပ်ဖွဲ့အကြီးအကဲ စွမ်ယွတ်က မီဒီယာများသို့ ပြောကြားခဲ့သည်။ ထို့ပြင် ၀ှိုက်ဘရစ်ဂ်ျ၏ မိုဘိုင်းဖုန်းကို ၀င်းကျော်ထွန်း နေထိုင်ရာ ပတ်ဝန်းကျင်တွင် တွေ့ရှိခဲ့ရသည်ဟုလည်း ၎င်းက ဆိုလေသည်။

ထိုအမှုအတွက် မြန်မာနိုင်ငံသားများ၊ ထိုင်းအရက်ဆိုင် ပိုင်ရှင်များ၊ ကျေးရွာအကြီးအကဲ၏ ဆွေမျိုးများနှင့် ဒေးဗစ်၏ သူငယ်ချင်းများ စသည်တို့ထံမှ DNA နမူနာပေါင်း ၂၀၀ ကျော်ကို ရဲတပ်ဖွဲ့ ရယူခဲ့သည်။

ကမ်းခြေတစ်ဝှမ်း တပ်ဆင်ထားသော CCTV ကင်မရာ ၃၆၆ လုံးအား ၆ နာရီမှ ၁၀ နာရီကြာ တစ်ခုချင်းစီ စစ်ဆေးခဲ့ပြီးနောက်တွင်မှ အာရှသားများ လမ်းမကိုဖြတ်၍ ကမ်းခြေသို့ ပြေးသွားကြသည်ကို တွေ့မြင် ခဲ့ရလေသည်။ နောက်ဆုံးတွင်တော့ ကုန်စုံဆိုင်မှ CCTV မှတ်တမ်းက အမှုအတွက် လမ်းစဖြစ်ခဲ့လေသည်။

စက်တင်ဘာ ၁၄ ရက် ည ၁၁ နာရီ၁၂ မိနစ်က ကုန်စုံဆိုင် CCTV မှတ်တမ်းတွင် တွေ့ရှိခဲ့ရပြီး အခြား ဗီဒီယို မှတ်တမ်းတစ်ခုတွင်လည်း သံသယဖြစ်ဖွယ်ကောင်းသည့် အပြုအမူကို ပြုလုပ်ခဲ့သည့် ၀င်းကျော်ထွန်း အား ထိုင်းရဲတပ်ဖွဲ့က စက်တင်ဘာ ၃၀ ရက်နေ့တွင် စတင်စောင့်ကြည့်ခဲ့လေသည်။

မောင်မောင်နှင့်  ဇော်လင်း မှာ ရွာလူကြီးပိုင် အပန်းဖြေဟိုတယ်တစ်ခုတွင် အလုပ်လုပ်ကြပြီး ၀င်းကျော်ထွန်း မှာ အခင်းဖြစ်ပွားရာ နေရာအနီးရှိ စားသောက်ဆိုင် တစ်ခုတွင် အလုပ်လုပ်ကြောင်း၊ ၎င်းတို့သုံးဦးမှာ ရင်းနှီးသော သူငယ်ချင်းများဖြစ်ပြီး ကမ်းခြေသို့သွားကာ ဂစ်တာတီးခြင်းကို ကြိုက်နှစ်သက်ကြကြောင်း ရဲတပ်ဖွဲ့က သိရှိခဲ့ရသည်။

ရဲတပ်ဖွဲ့က အပူတပြင်း ရှာဖွေမှုများ ပြုလုပ်နေကြသော်လည်း ၎င်းတို့ ၃ ဦးမှာ ကော်တောင်ကျွန်းမှ ထွက်ပြေးကြခြင်း မပြုကြ။ ၎င်းတို့ထဲမှ တစ်ဦးကမူ ဆံပင်အား အနက်ရောင်ပြောင်းဆိုးခဲ့သေးသည်။ အောက်တိုဘာ ၁ ရက် ဗုဒ္ဓဟူးနေ့တွင်တော့ ၀င်းကျော်ထွန်း က ကမ်းခြေမှ ထွက်ပြေးဖို့ကြိုးစားခဲ့ပြီး ၎င်းအား နက်ခွန် ဆူရက်တာနီရှိ အဓိက သင်္ဘောဆိပ်တွင် အောက်တိုဘာ ၂ ရက်နေ့ နံနက် ၆ နာရီက ရဲတပ်ဖွဲ့မှ ဖမ်းဆီးခဲ့လေသည်။

ဝင်းကျော်ထွန်း အား ရဲတပ်ဖွဲ့ဒေသ ၈ စုံစမ်းစစ်ဆေးရေး စင်တာသို့ ခေါ်ဆောင်လာခဲ့ပြီး ၅ နာရီကြာ စစ်ဆေးမေးမြန်းခဲ့သည်။ စုံစမ်းစစ်ဆေးမှု ပြုလုပ်နေစဉ်အတွင်း မီဒီယာများကို ၀င်ခွင့်မပြု၊ ဓာတ်ပုံရိုက်ခွင့်မပြုခဲ့။ မောင်မောင်နှင့်  ဇော်လင်း တို့ကိုတော့ အောက်တိုဘာ ၂ ရက်နေ့ည ၉ နာရီတွင် ဖမ်းဆီးခဲ့သည်။ ထိုအချိန်မှာ လူသတ်မှုအတွက ၀င်းကျော်ထွန်းက ဖြောင့်ချက်ပေးခဲ့သည်ဟု သတင်များပြန့်နှံ့ပြီး ၃ နာရီကျော်အကြာတွင် ဖြစ်လေသည်။

ထိုင်းနိုင်ငံတွင် ဖြစ်ပွားသည့် အမှုများအတွက် မြန်မာနှင့် ကမ္ဘောဒီးယားမှ ရွှေ့ပြောင်းအလုပ်သမားများကို မကြာခဏ အမှုဆင်သည်ဟု ထိုင်းအာဏာပိုင်းများ စွပ်စွဲခြင်းခံကြရသည်။ သို့သော်လည်း လူသတ်မှုများတွင် မည်သူ့ကိုမှ ဓားစာခံမလုပ်ဟု ရဲတပ်ဖွဲ့က ပြန်လည်တုန့်ပြန်ခဲ့လေသည်။

ရဲတပ်ဖွဲ့က ဖမ်းဆီးမှုများပြုလုပ်ခဲ့သည့်အတွက် ဒေသခံများ စိတ်သက်သာရာ ရခဲ့ကြသည်ဟု ကော်တောင်အုပ်ချုပ်ရေးမှူး ချိုင်ယန့် သူရာစာကူက ပြောကြားလေသည်။ ကျွန်းရှိ နိုင်ငံခြားအလုပ်သမားများအားလုံး မှတ်ပုံတင်ရန် သူက အလိုရှိနေ၏။

ကော်တောင်နှင့်ကပ်လျက်ရှိသည့် ကိုဖန်ဂန်ဒေသ ခရီးသွားလာရေး အဖွဲ့မှ ဥက္ကဌဖြစ်သူ ၀န်နီး ထိုင်းပါနစ်က ကော်တောင်ကျွန်းမှာ ခက်ခဲသော အခြေအနေကို ကျော်လွှားနိုင်မည်ဟု သူမက ထင်မြင်မိကြောင်း ပြောကြားခဲ့သည်။ သို့သော် အာဏာပိုင်များအနေဖြင့် CCTV ကင်မရာများတိုးချဲု့ တပ်ဆင်ခြင်း၊ နိုင်ငံခြားခရီးသွားများထံမှ ယုံကြည်မှု ပြန်လည် ရရှိလာစေရန် လှုပ်ရှားမှုများ စသည်တို့ကို လုပ်ဆောင်ပေး ရမည်ဟု မှတ်ချက်ပေးခဲ့လေသည်။

“ခရီးသွားတွေရဲ့ ယုံကြည်မှု တိုးတက်လာလိမ့်မယ်လို့ ကျွန်မထင်ပါတယ်။ ခရီးသွားတွေရဲ့ လုံခြုံရေးဟာ ကျွန်မတို့အတွက် အရမ်းကိုအရေးကြီးပါတယ်” ဟု ထိုင်း ခရီးသွားလာရေးနှင့် အားကစားဝန်ကြီး ကော့ဘ်ကန်း ၀တ်တာနာဗရန်ကူလ်က အောက်တိုဘာ ၂ ရက်နေ့ည သတင်းစာရှင်းလင်းပွဲအပြီးတွင် AP သတင်းဌာနအား ပြောကြားခဲ့လေသည်။

————————————————–
** ဘန်ကောက်ပိုစ် သတင်းစာတွင် Supapong Chaolan and Bob James တို့ ပူးတွဲရေးသားသည့် မှုခင်းသတင်းဆောင်းပါးကို လေးမောင်(M-Media) မှ ဆီလျော်အောင် ဘာသာပြန်ဆိုပါသည်။