အစိုးရ၏ သတိပေးမှုကို ဖီဆန်၍ ဟောင်ကောင်တွင် ဆက်လက်ဆန္ဒပြ

အောက်တိုဘာ ၆ ၊ ၂၀၁၄
M-Media

– အောက်တိုဘာ ၆ ရက်နေ့ နံနက်နောက်ဆုံးထား၍ ဆန္ဒပြမှုကို ရုပ်သိမ်းပေးရမည်ဟု ဟောင်ကောင်အစိုးရ၏ အမိန့်အား ဖီဆန်ကာ ဒီမိုကရေစီလိုလားသူများက လမ်းမများပေါ်တွင် ဆက်လက် ဆန္ဒပြလျက်ရှိနေကြသည်ဟု သိရသည်။

ဟောင်ကောင်အုပ်ချုပ်ရေးမှူး Leung Chun-ying က ဥပဒေစိုးမိုးရေးကို  ထိန်းသိမ်းရန်အတွက် လိုအပ်သော အရေးယူမှုများကို ပြုလုပ်သွားမည်ဟု သတိပေးခဲ့ပြီး တနင်္လာနေ့ နံနက်နောက်ဆုံးထား၍ ဆန္ဒပြမှုကို ရပ်တန့်ပေးရန် တောင်းဆိုခဲ့သောကြောင့် ရဲတပ်ဖွဲ့က အင်အားသုံး လူစုခွဲမည်ကို စိုးရိမ်၍ ဆန္ဒပြသူများမှာ ယခင်နေ့များထက်စာလျှင် နည်းပါးသွားခဲ့သည်။

သို့သော်လည်း ဆန္ဒပြသူများမှာ ယနေ့နံနက်တွင် အဓိက အစိုးရရုံးများသို့ ချီတက်ွားကြပြီး ၀င်ပေါက်အစိတ်အပိုင်းများကို အတားအဆီးများဖြင့် ပိတ်ဆို့ခဲ့ကာ တာဝန်ရှိသူများ ၀င်ရောက်ရန် လမ်းကျဉ်းတစ်ခုကိုသာ ထားရှိပေးခဲ့သည်။

၂၀၁၇ ခုနှစ် ရွေးကောက်ပွဲတွင် ဟောင်ကောင်အုပ်ချုပ်ရေမှူးအား ဟောင်ကောင်ပြည်သူများ၏ သဘောဆန္ဒဖြင့် တင်မြှောက်ခွင့်ရရန် တောင်းဆိုမှုကို တရုတ်အစိုးရက ပယ်ချခဲ့ပြီးနောက် ဟောင်ကောင်တွင် ဆန္ဒပြမှုများမှာ တစ်ပတ်ခန့် ရှိလာပြီဖြစ်သည်။

ဟောင်ကောင်ရဲတပ်ဖွဲ့မှာ အစပိုင်းတွင် ငရုပ်ကောင်းအရည်များ၊ မျက်ရည်ယိုဗုံးများဖြင့် လူစုခွဲခဲ့ပြီး နောက်ပိုင်းတွင် တရုတ်အစိုးရ လိုလားသူများနှင့် ဆန္ဒပြသူများအကြား တိုက်ခိုက်မှုများဖြစ်ပွားခဲ့သည်။