Ebola : အီဘိုလာ ကူးစက်သူ သူနာပြု တစ်ဦးကို စပိန်တွင်တွေ့

အောက်တိုဘာ ၇ ၊ ၂၀၁၄
M-Media

– ပြီးခဲသည့်လက အီဘိုလာကြောင့် သေဆုံးခဲ့ရသည့် စပိန်ဘုန်းတော်ကြီး မန်နျူယဲလ် ဂါစီယာအား ကုသပေးခဲ့သော ဆေးအဖွဲ့မှ စပိန်သူနာပြုတစ်ဦးမှာ အီဘိုလာရောဂါပိုး ရှိနေသည်ဟု သိရသည်။

အသက် ၆၉ နှစ်အရွယ် ဘုန်းတော်ကြီး ဂါစီယာမှာ ဆီရာလီယိုနီနိုင်ငံတွင် အီဘိုလာ ရောဂါသည်များအား သွားရောက် ကူညီပေးခဲ့သူဖြစ်ပြီး ရောဂါပိုး ကူးစက်ခံရပြီးနောက် စပိန်သို့ လာရောက်၍ ဆေးကုသမှု ခံယူခဲ့ကာ သေဆုံးခဲ့ခြင်းဖြစ်သည်။

“စစ်ဆေးမှုကို နှစ်ကြိမ်ပြုလုပ်ခဲ့ပြီး နှစ်ကြိမ်စလုံး ရောဂါပိုးရှိကြောင်း တွေ့ခဲ့ရပါတယ်” ဟု အဆိုပါ စပိန်သူနာပြုတစ်ဦး ရောဂါကူးစက်နေမှုနှင့် ပတ်သက်၍ မက်ဒရစ်မြို့ ကျန်းမာရေးဌာနမှ ပြောရေးဆို ခွင့်ရှိသူတစ်ဦးက ပြောကြားခဲ့သည်။

ထိုကိစ္စနှင့် ပတ်သက်၍ ယမန်နေ့က သတင်းစာရှင်းလင်းပွဲ ပြုလုပ်ခဲ့ပြီး ရောဂါပိုး ပြန့်နှံ့မှုနှင့် ပတ်သက်၍ စိုးရိမ်ကြောက်ရွံမှု မရှိစေရန် ရှင်းလင်းခြင်းဖြစ်သည်ဟု ဂျာနယ်လစ်တစ်ဦးက ဆိုသည်။

အဆိုပါ သူနာပြုမှာ ရောဂါလက္ခဏာ မပြခင် လူနားပေါင်းများစွာအား ကုသခဲ့သည့်အတွက် အီဘိုလာကူးစက်သူများ နောက်ထပ် ထွက်ပေါ်လာမည်ကို စိုးရိမ်မှုများရှိနေသည်။

သို့သော်လည်း ကျွမ်းကျင်သူများကမူ ရောဂါ လက္ခဏာများ ပြသမှပင် ရောဂါပိုးမှာ အခြားသူတစ်ဦးသို့ ကူစက်နိုင်သည်ဟု ပြန်လည်ဖြေရှင်းခဲ့သည်။

အမေရိကန်ပြည်ထောင်စုတွင်လည်း ပြီးခဲ့သည့် တစ်ပတ်က အီဘိုလာဗိုင်းရပ်စ်ပိုးရှိသူ တစ်ဦးကို တွေ့ရှိခဲ့ရပြီး ၎င်း၏ အခြေအနေမှာ ဆိုးရွားလျက်ရှိနေသည်။

အနောက်အာဖရိကနိုင်ငံများတွင် အီဘိုလာကြောင့် သေဆုံးသူဦးရေမှာ ၃၅၀၀ နီးပါး ရှိလာပြီဖြစ်ပြီး၊ လက်ရှိကူးစက်နေသူမှာ ၇၅၀၀ ခန့် ရှိနေသည်။ ကျွမ်းကျင်သူများကမူ အီဘိုလာမှာ အောက်တိုဘာလကုန်ပိုင်းတွင် ပြင်သစ်နှင့် ယူကေသို့ ရောက်ရှိနိုင်ခြေ ၇၅ ရာခိုင်နှုန်းနှင့် ၅၀ ရာခိုင်နှုန်းရှိနေသည်ဟု ခန့်မှန်းတွက်ချက်ထားသည်။