အစ္စလာမ့် တန်ဖိုးကို ထိခိုက်စေသည့် ဘီယာပွဲတော်ကို ပိတ်ပင်ရန် မလေးမွတ်စလင် အဖွဲ့အစည်းများ တောင်းဆို

အောက်တိုဘာ ၉ ၊ ၂၀၁၄
M-Media

– အစ္စလာမ်၏ အမှတ်သညာကို ထိန်းသိမ်းရန်ရည်ရွယ်၍ မလေးရှား မွတ်စလင်အဖွဲ့များက ဘီယာပွဲတော်ကျင်းပရန် စီစဉ်ထားမှုကို ပိတ်ပင်ရန် တောင်းဆိုလိုက်ပြီး ထိုပွဲတော်က မွတ်စလင်များ၏ ဘာသာရေးဆိုင်ရာ ယုံကြည်မှုကို ထိခိုက်စေသည်ဟု ပြောကြားလိုက်သည်။

Oktberfest ဟုအမည်ပေးထားသည့် အဆိုပါ ဘီယာပွဲတော်ကို မလေးရှား၏ အချမ်းသာဆုံးနှင့် လူနေအထူထပ်ဆုံး ဆီလန်ဂေါပြည်နယ်တွင် ယခုလနှောင်းပိုင်း၌ ကျင်းပပြုလုပ်ရန် စီစဉ်ထားသည်။

“ဆိုးရွားတဲ့အကြောင်းအရင်းနဲ့ မကျေနပ်ရတဲ့အချက်ကတော့ ဘီယာပွဲတော်ကို အစ္စလာမ်ဘာသာဝင်တွေ ဟဂ်ျကျင့်စဉ်နဲ့ ကုရ်ဘာနီစွန့်လှူမှုကို ပြုလုပ်တဲ့ ဇွလ်ဟစ်ဂျဟ်လမှ ကျင်းပပြုလုပ်လို့ ဖြစ်ပါတယ်။ ဒီပွဲတော်နဲ့ ပတ်သက်လို့ ကျွန်တော်တို့မှာ ဘာပြဿနာမှမရှိပါဘူး။ ဒါပေမယ့် မွတ်စလင်လူများစုရဲ့ ယဉ်ကျေးမှုနဲ့ သိမ်မွေ့နူးညံ့မှုကိုတော့ သတိပြု ကျင်းပဖို့ လိုပါလိမ့်မယ်” ဟု ဆီလန်ဂေါမြို့နယ် Ikatan Kebajikan dan Dakwah အဖွဲ့မှ ဥက္ကဌ ရိုစ့်ဒီ လွန်၏ ပြောကြားမှုကို Malay Mail သတင်းစာက အောက်တိုဘာ ၈ ရက်နေ့တွင် ဖော်ပြခဲ့သည်။

အဆိုပါ ဘီယာပွဲတော်ကျင်းပမည့် ကြော်ငြာဆိုင်းဘုတ်များကိုလည်း မလေးမွတ်စလင် အဖွဲ့အစည်းများမှ ကန့်ကွက်ခဲ့ပြီး အာဏာရပါတီ UMNO မှ နူဟ် အိုမာရ်ကမူ ထိုဆိုင်းဘုတ်များကို ဖယ်ရှားရန် ဆီလန်ဂေါ အုပ်ချုပ်ရေးမှူး မန်တာရီ ဘာဆာရန် အဇ်မင် ကို တိုက်တွန်းခဲ့သည်။

မလေးရှားရှိ ဥပဒေရေးရာ ကျွမ်းကျင်သူများကလည်း အဆိုပါ ဘီယာပွဲတော်မှာ နိုင်ငံ၏ ဖွဲ့စည်းပုံနှင့် ဆန့်ကျင်နေသည်ဟု သတိပေးခဲ့ပြီး၊ အခြေခံဥပဒေတွင် အရက်ပွဲတော်များအား လူမြင်ကွင်းတွင် ကျင်းပခွင့်မပေးထားဟု ပြောကြားခဲ့သည်။

“လွတ်လပ်စွာ စုရုံးခွင့် ၂၀၁၂ အက်ဥပဒေအရ လူမြင်ကွင်းမှာ ဒါမျိုးတွေလုပ်မယ်ဆိုရင် ပွဲကျင်းပမယ့်သူဟာ ကျင်းပခွင့် ပါမစ် ယူရပါမယ်။ ဒါပေမယ့် ဒီ(အရက်ပွဲတော်လို) ကိစ္စမျိုးဆိုရင်တော့ ပါမစ်ထုတ်ပေးမှာ မဟုတ်ပါဘူး။ ဒါဟာ အခြေခံဥပဒေကို ချိုးဖောက်နေလို့ပါ” ဟု Kebangsaan Malaysia တက္ကသိုလ်မှ ဥပဒေရေးရာ ပါမောက္ခ ဒါတင် နူရ် အဇီယဟ် မိုဟာမက် အောင်ဝလ်က ပြောကြားခဲ့သည်။

အဆိုပါဘီယာပွဲတော်နှင့် ပတ်သက်၍ အခြားသော မွတ်စလင်အဖွဲ့အစည်းများဖြစ်သည့် Isma၊ PAS တို့ကလည်း ဝေဖန်ခဲ့ကြသည်။ သို့သော်လည်း အစ္စလာမ်ဘာသာဝင် မဟုတ်သူများ၏ အခွင့်အရေးကို နားလည်သည်ဟုလည်း ၎င်းတို့က ဆိုသည်။

“အစ္စလာမ်ဘာသာဝင်မဟုတ်တဲ့သူတွေ ယမကာသောက်သုံးခွင့်ကို ငြင်းပယ်တာ မဟုတ်ပါဘူး။ ဒါပေမယ့် အစ္စလာမ်ဘာသာဝင်အများစုရှိတဲ့ နိုင်ငံမျိုးမှာ ဒီအခွင့်အရေးကို ကိုယ်တိုင်ရယူတာမျိုးပဲဖြစ်သင့်ပြီး၊ ဒီလိုပုံစံမျိုးနဲ့ အထိမ်းအမှတ်ပွဲတော်တွေလုပ်တာ အရက်သောက်သုံးဖို့ လှုံ့ဆော်တာမျိုးတွေတော့ မဖြစ်သင့်ပါဘူး” ဟု လွှတ်တော်အမတ်တစ်ဦးဖြစ်သည့် နတ်စရူဒင်က ပြောကြားခဲ့သည်။

ref_ OnIslam