ဆွီဒင် ပညာရေးဝန်ကြီး အဖြစ် မွတ်စလင် အမျိုးသမီး ခန့်အပ်ခံရ၊ အသက် အငယ်ဆုံး ဝန်ကြီးဖြစ်လာ

အောက်တိုဘာ ၁၀ ၊ ၂၀၁၄
M-Media
im
– ငယ်ရွယ်ပြီး တက်ကြွသော မွတ်စလင်များ အတွက် အတုယူစရာအဖြစ် ဘော့စနီးယားနွယ်ဖွား မွတ်စလင် အမျိုးသမီးတစ်ဦးမှာ ဆွီဒင် ပညာရေးဝန်ကြီးအဖြစ် ခန့်အပ်ခံလိုက်ရသည်ဟု သိရသည်။

အသက် ၂၇ နှစ်အရွယ်ရှိ အိုင်ဒါ ဟဒ်ဇီယာလစ်ဆိုသူဖြစ်ပြီး ဆွီဒင် ၀န်ကြီးချုပ် စတီဖန် လုဖ်ဗန်၏ ကတ်ဘိနတ် အဖွဲ့တွင် ပညာရေးဝန်ကြီးအဖြစ် အောက်တိုဘာ လဆန်းပိုင်းက ခန့်အပ်ခံခဲ့ရခြင်း ဖြစ်သည်။

Lund တက္ကသိုလ်မှ ဥပဒေပညာဖြင့် ဘွဲ့ရခဲ့သည့် ဟဒ်ဇီယာလစ်မှာ အသက် ၂၃ နှစ်အရွယ်ကပင် ဆွီဒင်ရှိ Malmstad မြို့၏ မြို့တော်ဝန်ဖြစ်ခဲ့သည်။ ဟဒ်ဇီယာလစ်မှာ နိုင်ငံရေးသမား တစ်ဦးလည်းဖြစ်ပြီး ဆွီဒင်တွင် အသက်အငယ်ဆုံး ၀န်ကြီးလည်းဖြစ်သည်။

ဘော့စနီးယားပြည်တွင်းစစ်ကြောင့် အသက် ၅ နှစ်အရွယ်ထဲက ဆွီဒင်နိုင်ငံသို့ ပြောင်းရွှေ့လာခဲ့သည့် ဟဒ်ဇီယာလစ်မှာ ဆွီဒင်နိုင်ငံတွင်ပင် ပညာသင်ယူခဲ့သည်။ ဆွီဒင်မှာ ဘော့စနီးယားပြည်တွင်း စစ်တွင် ဘော့စနီးယား ဒုက္ခသည်များအား အင်တိုက်အားတိုက် အကူအညီပေးခဲ့သည့် နိုင်ငံလည်းဖြစ်သည်။

ထို့ပြင် နိုင်ငံရပ်ခြားမှ ဒုက္ခသည်များကိုလည်း ဆွီဒင်က လက်ခံကာ ပြုစုပျိုးထောင်ပေးခဲ့ပြီး ဆွီဒီလူဦးရေ ၉ သန်း၏ ၁၅ ရာခိုင်နှုန်းမှာ နိုင်ငံခြား နွယ်ဖွားများဖြစ်သည်။

ဆွီဒင်တွင် အစ္စလာမ်ဘာသာဝင်ဦးရေမှာ လေးသိန်းခွဲမှ ငါးသိန်းကြားအထိရှိသည်ဟု ၂၀၁၁ ခုနှစ်တွင် အမေရိကန်အစိုးရမှ ထုတ်ပြန်သော အစီရင်ခံစာအရ သိရသည်။

ref_ OnIslam & News Agencies