သြစတြေးလျတွင် မွတ်စလင် မဟုတ်သူများမှ ဟီဂျဘ် ပွဲတော်ပြုလုပ်ပြီး မွတ်စလင် များနှင့် တသားထဲ ရှိကြောင်းပြသ

အောက်တိုဘာ ၁၂ ၊ ၂၀၁၄
M-Media

– မီဒီယာများမှ မှားယွင်းစွာဖော်ပြမှုများနှင့် ပတ်သက်၍ မွတ်စလင်များနှင့် တစ်သားတည်းရှိကြောင်း ပြသသည့်အနေဖြင့် သြစတေးလျမှ မွတ်စလင် မဟုတ်သူများမှာ ဟီဂျဘ် ပွဲတော်တစ်ခုကို ပြုလုပ်ခဲ့ကြသည်ဟု သိရသည်။

အဆိုပါ ဟိဂျဘ်ပွဲတော်ကို မြို့တော် ကန်ဘာရာ၌ အောက်တိုဘာ ပထမသီတင်းပတ်အတွင်း ပြုလုပ်ခြင်းဖြစ်ပြီး မွတ်စလင်မဟုတ်သူ အမျိုးသမီးများက ဟီဂျဘ်ဝတ်ဆင်ခြင်း၊ အီဒွလ်အသွဟာ အထိမ်းအမှတ် မေတ္တာလက်ဆောင် ပန်းများပေးအပ်ခြင်း စသည့် လှုပ်ရှားမှုများကိုလည်း ပြုလုပ်ခဲ့ကြသည်။

အဆိုပါ ပွဲတော်ကို စီစဉ် ကျင်းပသူများက ထိုပွဲတော်မှာ မွတ်စလင် အမျိုးသမီးများအား မေတ္တာ သတင်းစကားပေးရန်နှင့် တစ်သားတည်း ရှိကြောင်း ပြသသည့်အနေဖြင့် ပြုလုပ်ခဲ့ခြင်းဖြစ်သည်ဟု ဆိုသည်။

“မီဒီယာတွေမှာ ဆိုးဝါးစွာဖော်ပြခံနေရတဲ့အတွက် တောင်းပန်ပါတယ်လို့ ကျွန်မတို့ ပြောခဲ့ပါတယ်။ ပြီးတော့ ကျွန်မတို့တွေ မွတ်စလင်တွေနဲ့ တစ်သားတည်း ရပ်တည်နေတယ်လို့ ပြောချင်ပြီး အမုန်းတွေ အစား မေတ္တာတရားတွကို မျှဝေပေးချင်ပါတယ်လို့လည်း ပြောချင်ပါတယ်” ဟု ပွဲစီစဉ်သူများထဲမှ အန်နာဘီလီ လီက The Canberra Times သတင်းစာသို့ အောက်တိုဘာ ၈ ရက်နေ့တွင် ပြောကြားခဲ့သည်။

ထို့ပြင် နိုင်ငံတစ်ဝှမ်း မကြာမီ သီတင်းပတ်များအတွင်း အစ္စလာမ် ဆန့်ကျင်ရေး ၀ါဒဖြန့်မှုများ ပြန့်နှံ့လာစဉ်တွင် မိမိတို့ မွတ်စလင် မိတ်ဆွေများအနေဖြင့် အထီးကျန်မှုကို မခံစားစေချင်ဟုလည်း အဆိုပါ ဟီဂျဘ်ပွဲတော်ကို ဦးဆောင်ပြုလုပ်ခဲ့သူများက ထည့်သွင်း ပြောကြားခဲ့သည်။

ဘရုစ်မြို့ရှိ AIS အားကစားကွင်းတွင် ပြုလုပ်ခဲ့သည့် အီဒွလ်အသွဟာ ၀တ်ပြုမှုတွင် ပါဝင်ခဲ့သော မွတ်စလင်အမျိုးသား၊ အမျိုးသမီးများနှင့် ကလေးများအားလုံး အတွက် ပြုလုပ်သော စားသောက်ပွဲတွင် ဟီဂျဘ်ပွဲတော်ကျင်းပသည့်အဖွဲ့မှ အမျိုသမီး ၁၀ ဦး တက်ရောက်ခဲ့ပြီး လမ်းတစ်လျှောက်တွင် ပန်းများ ကြဲခဲ့ကြသည်။

“ဒါကိုသူတို့ကြားတဲ့အခါမှာ ပီတိဖြစ်ခဲ့ကြပြီး တစ်ချို့အမျိုးသမီးတွေဆိုရင် ပွေ့ဖက်တာမျိုးတွေ ပြုလုပ်ကြပါတယ်။ တစ်ချို့တွေဆိုရင် မျက်ရည်တောင် ကျခဲ့ကြပါတယ်” ဟု လီက ထပ်လောင်း ပြောကြားခဲ့သည်။

မွတ်စလင်မဟုတ်သူများ၏ ထိုကဲ့သို့ ဆောင်ရွက်ချက်များကို မွတ်စလင်များကလည်း ကြိုဆိုခဲ့ကြသည်။

“လူတွေက ကျွန်တော်တို့ဆီလာပြီး လက်တစ်ဖက်ကို ပုခုံးပေါ်မှာတင်ကာ “ကြည့်ပါဦး။ ကျွန်တော်တို့ ဒီမှာ ခင်ဗျားတို့နဲ့ အတူရှိနေပြီ။ ခင်ဗျားတို့ဟာလဲ ကျွန်တော်တို့လိုပဲ လူကောင်းတွေဆိုတာ ကျွန်တော်တို့သိပါတယ်။ ကျွန်တော်တို့အားလုံးဟာ လူ့အဖွဲ့အစည်း တစ်ခုထဲကပါ” လို့ ပြောကြပါတယ်။ သိပ်ကောင်းတဲ့ ခံစားမှုမျိုးပါပဲ။ ဒီလုပ်ရပ်ဟာ လူတွေရဲ့ နှလုံးသားကို ထိစေခဲ့ပါတယ်” ဟု Belconnen အစ္စလာမ့်လူ့အဖွဲ့အစည်းမှ ဒုတိယဥက္ကဌ ဟာဆန် ၀ါဆီက ပြောကြားခဲ့သည်။

အစ္စလာမ်သာသနာမှာ သြစတေးလျသို့ လွန်ခဲ့သည့် နှစ်ပေါင်း ၂၀၀ ကျော်ကတည်းက ရောက်ရှိလာခဲ့ခြင်းဖြစ်ပြီး ယခုလက်ရှိတွင် သြစတေးလျ လူဦးရေ၏ ၁.၇ ရာခိုင်နှုန်းမှာ အစ္စလာမ်သာသနာကို သက်ဝင်ယုံကြည်ကြသူများ ဖြစ်သည်။

ပြီးခဲ့သည့်လတွင် သြစတေးလျ သမိုင်း၌ အကြီးဆုံး အကြမ်းဖက်ဆန့်ကျင်ရေး စီးနင်းမှုများ ပြုလုပ်ခဲ့ပြီး သံသယရှိသူ ၁၅ ဦးကို ဖမ်းဆီးခဲ့ပြီးနောက် သြစတေးလျ နိုင်ငံတစ်ဝှမ်းတွင် အစ္စလာမ် ဆန့်ကျင်ရေးလှုပ်ရှားမှုများ ကြီးထွားလာခဲ့သည်။

ref_ OnIslam & Newspapers