ကာ့တ်လန်ဒေသ စပိန်မှ ခွဲထွက်ရေး ဘာကာနောက်ခံလူ ပီကေး ထောက်ခံ

အောက်တိုဘာ ၁၂ ၊ ၂၀၁၄
M-Media

– ကာ့တ်လန်ပြည်သူများ ဆန္ဒရှိပါက  စပိန်နိုင်ငံအတွင်းမှ ခွဲထွက်ရေး ဆုံးဖြတ်ရန် အခွင့်အရေးရှိသည်ဟု ဘာစီလိုနာအသင်း နောက်ခံလူ ပီကေးက ပြောကြားလိုက်ပြီး စပိန်နိုင်ငံအား အစိတ်စိတ်မွှာကွဲအောင် လုပ်နေသည်ဆိုသည့် ပြောဆိုမှုကို ငြင်းဆိုလိုက်သည်။

ဘာစီလိုနာအသင်း အခြေစိုက်သည့် ဘာစီလိုနာမြို့ရှိရာ ကာ့တ်လန်ဒေသ စပိန်မှခွဲထွက်ရေးအတွက် လှုပ်ရှားမှုများကို ပြည်သူများက ပြုလုပ်လျက်ရှိပြီး နိုဝင်ဘာ ၉ ရက်နေ့တွင် ပြည်သူ့ဆန္ဒခံယူပွဲ ကျင်းပရန် စီစဉ်ထားသည်။

ထိုကဲ့သို့ ခွဲထွက်ခဲ့ပါက ကာ့တ်လန်အခြေစိုက်အသင်းများဖြစ်သည့် ဘာစီလိုနာနှင့် အက်စ်ပန်ညိုအသင်းတို့မှာ လာလီဂါတွင် ၀င်ရောက်ယှဉ်ပြိုင်ခွင့် ရရှိတော့မည်ဟုတ်ချေ။ သို့သော်လည်း ဘာစီလိုနာမှ ကာ့တ်လန်ဒေသဖွား ကစားသမားအချို့မှာ ခွဲထွက်ရေးကို သဘောတူကြပြီး ပီးကေးကလည်း ထောက်ခံကြောင်း ဖွင့်ဟခဲ့သည်။

“ကာ့တ်လန်ပြည်သူတွေရဲ့ (လွတ်လပ်စွာ) ပြောဆိုခွင့်ကို ကျွန်တော် ကာကွယ်ပါတယ်။ ဒါဟာ သူတို့ရဲ့ ဒီမိုကရေစီအခွင့်အရေးပါ။ ဒါက တစ်ဖက်ပါ။ အခြားတစ်ဖက်ကတော့ ကျွန်တော်ဟာ စပိန်အသင်းအတွက် ကစားရတာကို အမြဲတမ်း နှစ်ခြိုက်ခဲ့ပါတယ်။ တကယ်လို့ သူတို့အနေနဲ့ လက်ရွေးစင်အသင်းအတွက် ကျွန်တော့်ကို ဆက်ကစားစေချင်ရင်လည်း ကျွန်တော်ဟာ ပျော်ရွှင်စွာ ပါဝင်သွားမှာပါ” ဟု ပီကေးက လူဇင်ဘတ်နှင့် ယူရို ၂၀၁၈ ခြေစစ်ပွဲမကစားမီ ပြုလုပ်ခဲ့သော သတင်းစာရှင်းလင်းပွဲတွင် ပြောကြားခဲ့သည်။

စပိန်လက်ရွေးစင်အသင်းအတွက် ၆၁ ပွဲ ကစားပေးခဲ့သည့် ပီကေးမှာ ကာ့တ်လန်ဒေသရှိ ဘာစီလိုနာမြို့တွင် မွေးဖွားကြီးပြင်းခဲ့သူဖြစ်ပြီး၊ နိုင်ငံအသင်းနှင့်အတူ အဓိက ဖလားအများအပြာကို ဆွတ်ခူးရရှိခဲ့သူဖြစ်သည်။