နေးမာမှာ ဘရာဇီးလ်အသင်း ခေါင်းဆောင်အသစ် ဖြစ်ကြောင်း နည်းပြ ဒွန်ဂါပြော

အောက်တိုဘာ ၁၆ ၊ ၂၀၁၄
M-Media

– တိုက်စစ်မှူးနေးမာမှာ ဘရာဇီးလ်အသင်း၏ ခေါင်းဆောင်သစ်ဖြစ်ပြီး အသင်း၏ အနာဂတ်အား လမ်းညွှန်ပေးမည်ဟု ဘရာဇီးလ်လက်ရွေးစင်အသင်း နည်းပြ ဒွန်ဂါက ပြောကြားလိုက်သည်။

ယနေ့နံနက်တွင် ကစားခဲ့သည့် ဂျပန်အသင်းနှင့် ခြေစမ်းပွဲတွင် နေးမာမှာ အသင်းအတွက် အနိုင်ဂိုး ၄ ဂိုး စလုံးကို သွင်းယူပေးခဲ့ပြီး ဒွန်ဂါလက်ထက် ၄ ပွဲဆက်နိုင်ပွဲရအောင် ကူညီပေးနိုင်ခဲ့သည်။

ကမ္ဘာ့ဖလားပြိုင်ပွဲ အပြီး နည်းပြဟောင်း စကိုလာရီ၏ နေရာကို ဆက်ခံခဲ့သည့် ဒွန်ဂါမှာ သီယာဂို ဆေးလ်ဗား ဒဏ်ရာရသွားခဲ့ပြီးနောက် ပြီးခဲ့သည့်လမှစ၍ အသက် ၂၂ နှစ်အရွယ် နေးမာအား အသင်းခေါင်းဆောင်အဖြစ် တာဝန်ပေးခဲ့ပြီး ထိုအချိန်က အမြဲတမ်းခန့်အပ်ခြင်း ဟုတ်မဟုတ် မသေချာခဲ့ပေ။

သို့သော်လည်း ဂျပန်နှင့်ပွဲအပြီးတွင် ဒွန်ဂါက

“နေးမာဟာ ကျွန်တော်တို့ရဲ့ အသင်းခေါင်းဆောင် အသစ်ပါ။ လက်ရွေးစင်အသင်းအတွက် သူရဲ့ ရာထူးအသစ်လည်းဖြစ်ပါတယ်။ သူဟာ ဘောလုံးကစားရတာကို နှစ်သက်ပြီး ကွင်းထဲမှာလည်း ပျော်ရွှင်အောင် လုပ်နိုင်ပါတယ်” ဟု ပြောကြားခဲ့သည်။

ဂျပန်နှင့် မကစားမီ အာဂျင်တီးနားနှင့် ကစားခဲ့သည့်ပွဲတွင်လည်း ဘရာဇီးလ်မှာ ၂ ဂိုး ပြတ်ဖြင့် အနိုင်ရရှိခဲ့ပြီး ဒွန်ဂါကမူ အာရှ တစ်ခွင်ခြေစမ်းပွဲများ၌ အသင်း၏ ခြေစွမ်းကောင်းမွန်မှုများအား ကျေနပ်မိသည်ဟု ထည့်သွင်းပြောကြားခဲ့သည်။