အနောက်ဘက်ကမ်းတွင် ၁၃ နှစ်သား ပါလက်စတိုင်း ကလေးတစ်ဦးအား အစ္စရေး စစ်တပ် ပစ်သတ်

အောက်တိုဘာ ၁၇၊ ၂၀၁၄
M-Media

– အစ္စရေးက ပိတ်ဆို့ထားသော ပါလက်စတိုင်းပိုင် အနောက်ဘက်ကမ်းခြေတွင် အစ္စရေးစစ်သားများမှာ ပါလက်စတိုင်း လူငယ်တစ်ဦးအား ပစ်သတ်ခဲ့သည်ဟု ဒေသတွင်း ကျန်းမာရေးဝန်ထမ်းများက ပြောကြားခဲ့သည်။

သေဆုံးသွားသူမှာ အသက် ၁၃ နှစ်အရွယ် ဘဟာ ဘာဒါဆိုသူဖြစ်ပြီး အစ္စရေးက ကာရံထားသည့် နံရံအနီး ဘီအစ်လစ်က်ယာရွာသို့ ၀င်ရောက်စဉ် ယမန်နေ့က ပစ်သတ်ခံခဲ့ရခြင်း ဖြစ်သည်။ အဆိုပါရွာတွင် ပါလက်စတိုင်းလူငယ်များမှာ အစ္စရေး စစ်တပ်အား ကျောက်ခဲများဖြင့် ပစ်ပေါက်ခဲ့သည့်ဟု သတင်းများ ထွက်ပေါ်ခဲ့ပြီး ထိုပစ်ပေါက်မှုတွင် ဘာဒါ ပါဝင်ခြင်း ရှိ၊ မရှိကိုမူ သိရှိရခြင်း မရှိသေးပေ။

ရာမာလာဆေးရုံမှ ဒါရိုက်တာ အဟ်မဒ် ဘီတာဝေကမူ ဘာဒါမှာ ရင်ဘတ်တွင် သုံးချက် ပစ်ခတ်ခြင်း ခံခဲ့ရပြီး အခင်းဖြစ်ပွားပြီး ၂ နာရီကြာပြီးနောက် အဆိုပါ ဒဏ်ရာဖြင့်ပင် သေဆုံးခဲ့သည်ဟု ပြောကြားခဲ့သည်။

ဂါဇာအား အစ္စရေးတို့က ၂ လနီးပါးကြာ ကျူးကျော်တိုက်ခိုက်မှုများ ပြုလုပ်ခဲ့ပြီးနောက် အနောက်ဘက်ကမ်းခြေတွင် အစ္စရေးစစ်သားများနှင့် ပါလက်စတိုင်းပြည်သူများအကြား တင်းမာမှုများ မြင့်တက်လာခဲ့သည်။

မကြာမီရက်ပိုင်းအတွင်းကလည်း အက်ဆွာဗလီဝတ်ကျောင်းတော်သို့ ပါလက်စတိုင်းများ ၀င်ရောက်မှုကို အစ္စရေးစစ်တပ်က ထိန်ချုပ်ခဲ့သည့်အတွက် အစ္စရေးစစ်တပ်နှင့် ပါလက်စတိုင်းတို့အကြား ရုန်းရင်းဆန်ခတ်မှုများ ဖြစ်ပွားခဲ့သည်။

အစ္စရေးမှာ ၁၉၆၇ ခုနှစ် စစ်ပွဲပြီးနောက်ပိုင်း ပါလက်စတိုင်းပိုင်နက်များဖြစ်သည့် အနောက်ဘက်ကမ်းခြေနှင့် ဂါဇာကမ်းမြှောင်ဒေသတို့အား ပိတ်ဆို့ထားပြီး တရားမ၀င် အခြေချ အိမ်ယာများကို တိုးချဲ့ဆောက်လုပ်လျက်ရှိနေသည်။

ref_ AP And Reuters