အစ္စလာမ်သာသနာ အတွင်းမှ မတူခြားနား ကွဲပြားမှုများ

အောက်တိုဘာ ၁၈ ၊ ၂၀၁၄
M-Media

လွန်ခဲ့တဲ့ရက်အနည်းငယ်က ကျွန်တော်ဟာ HBO က Bill Maher ရဲ့ တီဗွီတင်ဆက်ပွဲဆိုင်ရာအုပ်စုထဲ ရောက်ခဲ့ရတယ်။ အဲ့ဒီမှာ ဘာသာရေးစစ်ပွဲတစ်ခု ဖြစ်နေခဲ့တယ်။

အစ္စလာမ်သာသနာကိုယ်တိုင်က ပဋိပက္ခဖြစ်ပေါ်လာစေတာ ဟုတ်မဟုတ် အငြင်းအခုံ အချေအတင် ဖြစ်ရတယ်။ ကျွန်တော်တို့ရဲ့အပြန်အလှန် ဆွေးနွေးပြောဆိုမှုက အော်ကြီးဟစ်ကျယ် စကားဝိုင်းအဆင့်အထိဖြစ်သွားခဲ့ပြီး အင်တာနက် ၀က်ဘ်ဆိုဒ်ပေါ်အထိ ကူးစက်ရောက်ရှိသွားတယ်။ Maher နဲ့ ဧည့်သည်တော်တစ်ဦးဖြစ်သူ Sam Harris တို့က အစ္စလာမ်ဟာ အန္တရာယ်ကြီးတဲ့သာသနာဖြစ်ပေမယ့် နိုင်ငံရေးအရ ကွဲလွဲမှုကိုခွင့်ပြုထားတယ်လို့ ဆိုကြတယ်။ အဲ့ဒီအပေါ် သရုပ်ဆောင် Ben Affleck က သူတို့ရဲ့မှတ်ချက်ဟာ အခြေအမြစ်မဲ့ပြီး လူမျိုးရေးဆန်လွန်းတယ်လို့ ရှုတ်ချခဲ့တယ်။ Ben Affleck ဖက်မှာ ကျွန်တော် ရပ်တည်ခဲ့တယ်။

ပြပွဲပြီးတဲ့နောက် ဒီအစီအစဉ်ထဲပါဝင်တဲ့ ကျွန်တော်တို့ဟာ ကင်မရာနောက်ကွယ်မှာ ဒီအကြောင်းအရာနဲ့ပတ်သက်ပြီး နောက်ထပ်တစ်နာရီကြာတဲ့အထိ အချေအတင် ဖြစ်ခဲ့ကြပါတယ်။ Maher က ဒီအငြင်းအခုံဖြစ်လာအောင် မီးမွှေးခဲ့ပြီ။ ရှေ့ဆက် ဂယက်ရိုက်လာပါတော့မယ်။ ဒါ့ကြောင့် ကျွန်တော့်အနေနဲ့ သံတူကြောင်းကွဲအချက်သုံးခုကို အသိပေးတင်ပြပါရစေ။

ပထမဆုံးအချက်ကတော့ – သမိုင်းကြောင်းအရ အစ္စလာမ်ဟာ (သူတို့ထင်မြင်နေသလို) သဘောထားသေးသိမ်မှု မရှိခဲ့ဘူး။ ဒါ့အပြင် အမျိုးသမီးတွေရဲ့အခန်းကဏ္ဍကို စဦးမြှင့်တင် ပေးခဲ့တဲ့ သာသနာဖြစ်နေတယ်။ ၂၀ ရာစုနှစ်သမိုင်းတွေလောက်လာ ကြည့်ရှုသုံးသပ်သူမည်သူမဆို အစ္စလာမ်သာသနာကို သွေးဆာနေတဲ့သာသနာအဖြစ် အပေါ်ယံရှပ်ပြီးတွေးမိပါလိမ့်မယ်။ သမိုင်းမှတ်တမ်းတွေကို ပြန်ကြည့်လိုက်ပါ။ ဥရောပက ခရစ်ယာန်၊ နာဇီ၊ ကွန်မြူနစ်တွေ၊ အာရှတိုက်က ဗုဒ္ဓ၊ တာအို(တောက်)၊ ဟိန္ဒူနဲ့ ဘုရားမဲ့ဝါဒီတွေရဲ့ တအုံတကျင်းသတ်ဖြတ်မှုများကို တွေ့ကြရပါလိမ့်မယ်။

အလားတူစွာ ကျမ်းမြတ်ကုရ်အာန်မှာ (အကြမ်းဖက်မှုလို့ မဆင်မခြင်သမုတ်ကြတဲ့) စာပိုဒ်များပါဝင်တာ အမှန်ပါ။ သို့သော် ခရစ်ယာန်များရဲ့ Bible ကျမ်းဂန်မှာလည်း ပါဝင်နေတာ၊ ထာဝရဘုရားရှင်က မျိုးဖြုတ်ရှင်းလင်းဖို့ အမိန့်ပေးထားတာကို တွေ့ရပါလိမ့်မယ်။ ဒါက မကောင်းသူပယ် ကောင်းသူကယ်ခြင်းတစ်မျိုးလို့ ဆိုရပါလိမ့်မယ်။

ဒုတိယအချက်ကတော့ – ယနေ့အစ္စလာမ့်လောကမှာ အနည်းနဲ့အများ သဘောထားသေးသိမ်ချက်၊ ဖိနှိပ်ချက် ဆိုတဲ့ အစွန်းအထင်းတစ်ရပ် အမှန်တကယ်ကို  ရှိနေပါတယ်။ IS က လူရမ်းကားတွေဟာ သူတို့ရဲ့ ဆိုးသွမ်းတဲ့အမူအကျင့်တွေကို သာသနာ့အယူဝါဒလို့ အကြောင်းပြလိုက်ကြတယ်။ သိပ်မကြာသေးခင်က ဗြိတိသျှ ကူညီရေးလုပ်သားတစ်ဦးကို ခေါင်းဖြတ်သတ်ဖြတ်ခြင်းဟာ မွတ်စ်လင်မ်တွေရဲ့ဘ၀တွေကို ကယ်တင်ဖို့လို့ ဆိုပြီး အစ္စလာမ်ကို အမည်ပျက်စေခဲ့တယ်။ ထပ်ပြီးပြောရရင် ကမ္ဘာ့စီးပွားရေးဖိုရမ်အစီရင်ခံစာမှာ အဆင့်အနိမ့်ဆုံး ၁၀ နိုင်ငံစာရင်းအနက် ၉ နိုင်ငံဟာ မွတ်စ်လင်မ်လူများစုတိုင်းပြည်တွေ ဖြစ်နေတယ်။ Pew ရဲ့စစ်တမ်းမှာလည်း အာဖဂန်နစ္စတန်၊ အီဂျစ်၊ ဂျော်ဒန်က သုံးပုံတစ်ပုံအထက် မွတ်စ်လင်မ်တွေဟာ သေဒဏ်ပေးခြင်းကို ပိုမိုလက်ခံကြတယ်လို့ ဖော်ပြတယ်။

ခရစ်ယာန်၊ အဟ်မဒီ၊ ယဇီဒီ၊ ဘဟာအီနဲ့ ရှီအိုက်(ရှီအဟ်)တွေရဲ့ တစ်ဖက်စောင်းနင်း ဆက်ဆံပြုမူပုံတွေကိုလည်း အစ္စလာမ့်ကမ္ဘာထဲမှာ တွေ့နေတယ်။ ဒီအကြောင်းကို ကျွန်တော်တို့ အသံထုတ်ပေးသင့်ပါတယ်။

တတိယအချက်ကတော့ – အစ္စလာမ့်ကမ္ဘာမှာ လူဦးရေ အင်မတန်များပြားတယ်၊ အသွင်မတူမှုနဲ့ကွဲလွဲမှုတွေ ကြီးမားတယ်။ အာဖဂန်နိုင်ငံသား ၅ ဦးမှာ ၄ ဦးက အယူဝါဒဖောက်ပြန်မှုအတွက် သေဒဏ်ပေးခြင်းကို နှစ်သက်ကြတယ်။ ကမ္ဘာ့မွတ်စ်လင်မ် လူဦးရေအများဆုံးရှိတဲ့ အင်ဒိုနီးရှားက မွတ်စ်လင်မ်တွေအနက် ၁၆ ရာခိုင်နှုန်းသာလျှင် အဲ့ဒီလိုပြစ်ဒဏ်ပေးခြင်းကို လက်ခံကြတယ်။ အယ်လ်ဘေးနီးယား၊ အဇာဘိုင်ဂျန်နဲ့ ကာဇက်စတာန်မှာဆိုရင် ၂ ရာခိုင်နှုန်းသာသာပဲ ဒီစနစ်ကို လက်ခံတာတွေ့ရတယ်။ ဒါလည်း Pew ရဲ့ စစ်တမ်းဖော်ပြချက်ပါပဲ။

အဓိက ကွာခြား ကွဲပြားနေမှုက ယုံကြည်ချက်ဆိုင်ရာ ကိစ္စတွေမှာ မဟုတ်ပါဘူး။ ဘယ်ယဉ်ကျေးမှုနဲ့ အသိုင်းအ၀ိုင်းမှာမဆို သဘောထားသေးသိမ်တဲ့ တဇောက်ကန်းတွေရှိပါတယ်။ ယဉ်ကျေးမှုတိုင်း အသိုင်းအ၀ိုင်းတိုင်းမှာ ငြိမ်းချမ်းစွာနေထိုင် ရှင်သန်တဲ့ ယုံကြည်သက်ဝင်သူတွေလည်း ရှိကြပါတယ်

ဘယ်ဘာသာ တရားမှာမဆို အချို့သူတွေဟာ လူမျိုးရေးကို ဘာသာရေးနဲ့ တန်းညှိပစ်တဲ့ ဖန်တီးချက်များရှိတယ်ဆိုတာ သတိပြုရပါမယ်။ ဟိန္ဒူဘာသာဝင်ထဲမှာ ဂန္ဒီလို လူမျိုးရှိသလို၊ ဂန္ဒီကို လုပ်ကြံသတ်ဖြတ်လိုက်တဲ့ အယူသည်း အစွန်းရောက်သူလည်း ရှိတယ်။ လက်ရှိ ဒလိုင်းလားမားက လူသားဝါဒအပေါ် သူမတူအောင် ရပ်တည်နေပေမယ့် ၁၆၆၀ ခုနှစ်က ပဉ္စမမြောက် ဒလိုင်းလားမားကတော့ ကျောက်တုံးပေါ် ကြက်ဥတွေ ပစ်ခွဲသလို ကလေးသူငယ်တွေ အစုလိုက်အပြုံလိုက် သတ်ဖြတ်ပစ်ဖုိ့ အမိန့်ပေးခဲ့လေရဲ့။

ခရစ်ယာန်လောကမှာဆိုရင်လည်း ဒေါက်တာ မာတင်လူသာကင်း ဂျူနီယာ လို လေးစားလောက်ဖွယ် ပုဂ္ဂိုလ်မျိုးရှိသလို၊ ၁၃ ရာစုနှစ် ပြင်သစ်ပြည်က ပုပ်ရဟန်း ကတော့ အမျိုးသား၊ အမျိုးသမီးနဲ့ ကလေးငယ်ပေါင်း နှစ်သောင်းလောက်ကို လမ်းမှားသူတွေလို့ တံဆိပ်ကပ်ပြီး စုပြုံ သတ်ဖြတ်ပစ်ဖို့ အမိန့်ပေးခဲ့တယ်။ “သူတို့အားလုံးကို အရှင်မထားနဲ့၊ သတ်ပစ်လိုက်၊ (ဒီလိုလုပ်တာ) ထာဝရ ဘုရားသခင် ကိုယ်တိုင် သိလာလိမ့်မယ်”လို့ လူသိရှင်ကြားပြောဆိုခဲ့တဲ့ အထိပါပဲ။

အင်မတန်ကြောက်စရာကောင်းတဲ့ အုပ်စုတွေကို ကျွန်တော် ကြုံဆုံဖူးတယ်။ အဲ့ဒီထဲက တစ်ယောက်က ဂျာဗားကျွန်းသား မွတ်စ်လင်မ်ပါ။ သူတို့ဟာ စုန်း၊ ကဝေ၊ အောက်လမ်းပညာရှင်လို့ စွပ်စွဲခံရသူတွေကို ခေါင်းဖြတ်သတ်ပြီး အဲ့ဒီဦးခေါင်းတွေကို တောင်ကုန်းပေါ် သွားပစ်ထားလေ့ရှိတယ်။ အဲ့ဒီလို ရက်စက်တတ်တဲ့ စိတ်အခံရှိတဲ့ ကွန်ဂို စစ်ဘုရင်ကြီးကိုလည်း ဆုံဖူးတယ်။ သူက သူ့ကိုယ်သူ (၁၉၀၁ ခုနှစ် အမေရိကန်မှာ ပေါ်ထွက်ခဲ့တဲ့ Bible ထဲကအချက်မှန်သမျှ သစ္စာတရားလို့ ခံယူတဲ့ ခရစ်ယာန်ဂိုဏ်းခွဲ တစ်ခု) Pentecostalism ရဲ့ ဂိုဏ်းအုပ်လို ပုံဖမ်းထားသူပေါ့။ ဒါပေမယ့် စစ်ရာဇ၀တ်မှုကို ရင်ဆိုင်နေရချိန်ကာလ ကျွန်တော့်ကို ညစာစားပွဲဖိတ်ခေါ်တဲ့အခါမှာ တကယ့် သူတော်စင် ပုံစံအတိုင်း ပြုမူဆက်ဆံတာကို တွေ့ခဲ့ရတယ်။

အစ္စလာမ်သာသနာကို အကြမ်းဖက်ဘာသာ၊ သဘောထားသေးသိမ်တဲ့ ဘာသာအဖြစ် ပုံပျက်ပန်းပျက်ရုပ်လုံးဖော်ခြင်းက တော်တော့်ကို လွဲချော်ဆိုးဝါးလွန်းပါတယ်။ ပါကစ္စတန်မှာ မွတ်စ်လင်မ် အမျိုးသား အုပ်စုတစ်စုဟာ Mukhtar Mai ဆိုတဲ့ မွတ်စ်လင်မ် မိန်းကလေးတစ်ဦးကို အုပ်စုဖွဲ့အဓမ္မကျင့်ကြံခဲ့တယ်။ တရားရုံးအမှုမှာ သူမ အနိုင်ရရှိခဲ့တယ်။ သူမဟာ (အဲ့ဒီလူတွေကို သေဒဏ် မတောင်းဆိုဘဲ) လျော်ကြေးငွေကိုသာ အစိုးရဆီက လက်ခံရယူခဲ့ပြီး သူမရဲ့ရွာသူမိန်းကလေးတွေ အတွက် ကျောင်းတစ်ကျောင်းဖြစ်လာအောင် မတည်ပေးခဲ့တယ်။ ပညာရေး ကဏ္ဍအတွက်လှုပ်ရှားဆောင်ရွက်ခဲ့တဲ့ မာလာလာ မိန်းမရွယ်လေးကို တာလီဘန်တွေက သေနတ်နဲ့ပစ်ခတ်ခဲ့ကြတယ်။ အဲ့ဒီ သေနတ်သမားတွေကလည်း မွတ်စ်လင်မ်တွေပါပဲ။ ကောင်းကျိုးကို သက်စွန့်ဆံဖျား ဆောင်ရွက်ခဲ့သူ မာလာလာကလည်း မွတ်စ်လင်မ်ပါပဲ။

အီရန်မှာ ခရစ်ယာန်နဲ့ ဘဟာအီတွေကို ညှင်းပန်းနှိပ်စက်ကြတယ်။ ဒါပေမယ့် မွတ်စ်လင်မ် ရှေ့နေတစ်ဦးဖြစ်တဲ့ Mohammad Ali Dadkhah အဲ့ဒီဖိနှိပ်မှုအပေါ် ရဲရဲတောက် စိန်ခေါ်အာခံခဲ့တယ်။ ခရစ်ယာန်ဂိုဏ်းအုပ်တစ်ဦးကို လွတ်မြောက်အောင် ဆောင်ကြဉ်းပေးခဲ့တယ်။ ခုအချိန်မှာ သူဟာ ထောင်ဒဏ် ၉ နှစ် ကျခံနေရဆဲပါ။

ပါကစ္စတန်က ကျွန်တော့်မိတ်ဆွေ ရှေ့နေကြီး  Rashid Rehman ဆိုရင် လူ့အခွင့်အရေးနဲ့ ဘာသာပေါင်းစုံသဟဇာတဖြစ်ရေးတွေမှာ အကြီးအကျယ် စွမ်းဆောင်နိုင်သူပါ။ ဒီနှစ်အတွင်း အစွန်းရောက်သူများက သူ့ရုံးခန်းကို ၀င်ဖျက်ပြီး သူ့ကို သတ်ဖြတ်ပစ်ခဲ့ပါတယ်။

ရက်စက်ကြမ်းကြုတ်မှု၊ လိင်ခွဲခြားမှု၊ သဘောထားသေးသိမ်မှုတွေနဲ့ သက်ဝင်လှုပ်ရှားနေတဲ့  – အစ္စလာမ်ကို အကျည်းတန်အောင် ဖန်တီးနေတဲ့ IS ကို ဝေဖန် ရှုတ်ချနိုင်ပါတယ်။ ဒါပေမယ့် အစ္စလာမ်၊ မွတ်စ်လင်မ်မှန်သမျှကို အဲ့ဒီအရာတွေနဲ့ မရောထွေးလိုက်ပါနဲ့။ Mukhtar ၊ Malala ၊ Dadkhah နဲ့ Rehman တို့လို သူရဲကောင်းတွေဟာ အလွန်အရေးပါတဲ့ အခန်းကဏ္ဍများကို ကိုယ်စားပြုထားတာကိုလည်း ထည့်တွက်စေချင်ပါတယ်။

ကြောက်စရာပုံရိပ်များကိုသာ ဇောင်းပေးဖော်ပြပြီး အစ္စလာမ်ကို တစ်ဖက်သတ် မုန်းတီးရွံကြောက်နေသူများရဲ့ လူမျိုးရေး/ဘာသာရေး တစ်ယူသန်မှုများကို အားပေးအားမြှောက် မပြုကြပါနဲ့လား။ အခြားတစ်ဖက်မှာလည်း သဘောထားကြီးမှု၊ ခေတ်အမြင်ရှိမှု၊ လူ့အခွင့်အရေးတွေမှာ စွမ်းစွမ်းတမံဆောင်ရွက်သူများ အပါအ၀င် သန်း ၁၆၀၀ သော အစ္စလာမ်ဘာသာဝင် မွတ်စ်လင်မ်တွေ အတွင်း မတူကွဲပြားမှုရှိနေတဲ့ အချက်ကိုလည်း လျစ်လျူမရှုလိုက်ပါနဲ့လား။ အဓိက ကွာခြား ကွဲပြားနေမှုက ယုံကြည်ချက်ဆိုင်ရာ ကိစ္စတွေမှာ မဟုတ်ပါဘူး။ ဘယ်ယဉ်ကျေးမှုနဲ့ အသိုင်းအ၀ိုင်းမှာမဆို သဘောထားသေးသိမ်တဲ့ တဇောက်ကန်းတွေရှိပါတယ်။ ယဉ်ကျေးမှုတိုင်း အသိုင်းအ၀ိုင်းတိုင်းမှာ ငြိမ်းချမ်းစွာနေထိုင် ရှင်သန်တဲ့ ယုံကြည်သက်ဝင်သူတွေလည်း ရှိကြပါတယ်။ ဒီအုပ်စုနှစ်ရပ်ရဲ့ အစဉ်အဆက် ကွဲပြားကွာခြားမှု လို့ပဲ ဆိုချင်ပါတယ်။

ဒီလိုအကြောင်းအရာက တီဗွီအစီအစဉ်တစ်ခုတည်းအတွင်းမှာ ရှင်းလင်းတင်ပြဖို့ အလွန်အင်မတန် မလွယ်ကူလှအောင် ရှုပ်ထွေးနက်နဲလှပါတယ်။ ဒါပေမယ့် ဒါဟာ အမှန်တရားဖြစ်စဉ်ပါပဲခင်ဗျာ။

xxxxxxxxxxxxxxxxxxxxxxx
NewYork Time မှ Nicholas Kristof ရေးသားသော  The Diversity of Islam ကို  မင်းထွဋ်ခေါင် မှ ဆီလျော်အောင် ပြန်ဆိုရေးသားသည်။