အိမ်ရှင်ရဲ့ လက်ဆောင်ဂိုးတွေနဲ့ အနိုင်ရတဲ့လီဗာပူးလ်၊ စတုတ်တို့ ၃ မှတ်ရခဲ့တဲ့ EPL ပွဲစဉ် ၈ တနင်္ဂနွေည

အောက်တိုဘာ ၂၀၊ ၂၀၁၄
M-Media

– ပရီးမီးယားလိဂ်ပွဲစဉ် ၈ ရဲ့လက်ကျန် ၂ ပွဲကို ယမန်နေ့မှာ ကစားခဲ့ပြီး ရော်ဂျာရဲ့လီဗာပူးလ်တို့ အိမ်ရှင်အသင်းရဲ့ လက်ဆောင်ဂိုးတွေနဲ့ အနိုင်ရခဲ့ကာ စတုတ်စီးသီးအသင်းဟာလည်း အိမ်ကွင်း ပရိတ်သတ်ရှေ့မှာ အဖိုးတန် အနိုင် ၃ မှတ် ရခဲ့ပါတယ်။

ယခုနှစ်ပရီးမီးယားလိဂ်မှာ ရုန်းကန်နေရတဲ့ လီဗာပူးလ်တို့ မနေ့က ကစားခဲ့တဲ့ပွဲမှာလည်း ကံတရားရဲ့ တစ်ဖက်သက်အသာစီးပေးမှုကိုခံခဲ့ရပါတယ်။ လီဗာပူးလ်တို့ ဘောလုံးပိုင်ဆိုင်မှု အသာရခဲ့ပေမယ့် ကစားပုံကတော့ စွဲမက်စရာမရှိခဲ့ဘဲ ဂိုးသွင်းခွင့်ကိုလည်း အိမ်ရှင်ကျူပီအာရ်အသင်းလောက် မရရှိခဲ့ပါဘူး။ ပိုဆိုးတာက လီဗာပူးလ်ရသွားတဲ့ ဂိုး ၃ ဂိုးမှာ ၂ ဂိုးက ကျူပီအာရ်ကစားသမားတွေ ကိုယ့်ဂိုးကိုယ် သွင်းမိခဲ့တာကြောင့် ရခဲ့တာဖြစ်ပါတယ်။ ပွဲအပြီးမှာတော့ လီဗာပူးလ်အသင်းနည်းပြ ရော်ဂျာကိုယ်တိုင်က မိမိတို့အသင်းဟာ ကံကောင်းခဲ့တာပါလို့ ၀န်ခံခဲ့ပါတယ်။

ဘရစ်တားနီးယားမှာ ကစားခဲ့တဲ့ စတုတ်နဲ့ ဆွမ်ဆီးတို့ရဲ့ပွဲမှာတော့ ရာသီအစက ခြေစွမ်းပြခဲ့တဲ့ ဆွမ်ဆီးတို့  ၃၄ မိနစ်မှာ ဘိုနီရဲ့ ပင်နယ်တီဂိုးနဲ့ ဦးဆောင်နိုင်ခဲ့ပေမယ့် ၄၃ မိနစ်မှာ ပင်နယ်တီ ပြန်ပေးလိုက်ရပြီး ၇၆ မိနစ်မှာ ဝေါလ်တာရဲ့ ဂိုးကို ခွင့်ပြုလိုက်ရတာကြောင့် အဝေးကွင်းမှာ အရေးနိမ့်ခဲ့ပါတယ်။

ပွဲစဉ် ၈ ရဲ့ နောက်ဆုံးလက်ကျန်ပွဲဖြစ်တဲ့ ၀က်စ်ဘရွန်းနဲ့ မန်ယူတို့ပွဲကိုတော့ မနက်ဖြန်မှာ ကစားမှာပါ။ ပွဲစဉ် ၈ အနိုင်အရှုံးရလဒ်များကတော့ အောက်ပါအတိုင်းဖြစ်ပါတယ်။

ကျူပီအာရ် ၂-၃ လီဗာပူးလ်
စတုတ် ၂-၁ ဆွမ်ဆီး
မန်စီးတီး ၄-၁ စပါး
အာဆင်နယ် ၂-၂ ဟားလ်စီးတီး
ဘန်လေ ၁-၃ ၀က်စ်ဟမ်း
ခရစ္စတယ်ပဲလေ့စ် ၁-၂ ချယ်ဆီး
အဲဗာတန် ၃-၀ အက်စတွန်ဗီလာ
နယူးကာဆယ် ၁-၀ လက်စတာ
.ဆောက်သက်တမ် ၈-၀ ဆန်းဒါးလန်း