ဟဂ်ျ မသွားလိုက်ရသူများအား ပတ်စ်ပို့များပြန်ပေး၊ ငွေကြေးများ ပြန်ပေးမည်ဟုသိရ

အောက်တိုဘာ ၂၁ ၊ ၂၀၁၄
M-Media
ချမ်းငြိမ်းအေး

၂၀၁၄-ခုနှစ် ဟဂ်ျခရီးစဉ် သွားရောက်ရန် လိမ်လည်ခံရသူများအတွက် ဟဂ်ျခရီးစဉ် ကူညီရေးအဖွဲ့ချုပ်မှ ကူညီ၍ဆောင်ရွက်ပေးနေရာ ယခုအခါ ပတ်စ်ပို့ များကို ပြန်လည် ပေးအပ်နေပြီဖြစ်ပြီး ကူညီရေး အဖွဲ့သို့ တိုက်ရိုက် ဆက်သွယ်လာသူများအား ငွေကြေးများ ပြန်လည် ပေးအပ်တော့မည်ဖြစ်ကြောင်း သိရသည်။

“ဟဂ်ျ ခရီးစဉ်အတွက် နစ်နာသွားသူတွေ အနေနဲ့ ကျွန်တော်တို့ဆီကို ၁၉-ရက်နေ့နောက်ဆုံးထား ဆက်သွယ်ဖို့ ကျွန်တော်တို့ စာထုတ်ခဲ့ပါတယ်။ အခုထိ စာရွက်စာတမ်းတဲ့ တင်ပြ ဆက်သွယ်လာသူ ၁၄၀ ကျော်ရှိပါတယ်။

ကျွန်တော်တို့ ပထမအဆင့် အနေနဲ့ မနေ့ ၂၀-ရက်နေ့ကစပြီး ပတ်စ်ပို့တွေကို ပြန်ပေးနေပါတယ်။ ပတ်စ်ပို့ ၂၆၀၊ အိမ်ထောင်စု စာရင်းမူရင်း ၉-ခု ကျွန်တော်တို့ လက်ခံရရှိထားတယ်။ အဲ့ဒါတွေကို ကာယကံရှင်တွေ ကိုယ်တိုင်ထံပြန်ပေးနေပါတယ်။ ဒီပတ်စ်ပို့တွေက ဟာဂျီရော်နီ ကုမ္ပဏီတစ်ခုတည်းက မဟုတ်ပဲ တခြား ကုမ္ပဏီတွေကလည်းပါပြီး ဟာဂျီရော်နီရဲ့ ကုမ္ပဏီ တာဝန်ရှိသူက ကျွန်တော်တို့ဆီ လာပြန်အပ်ထားတာပါ။ ကျွန်တော်တို့က လက်ခံသိမ်းဆည်းပြီး ကာယကံရှင်တွေကို အကြောင်းကြားပြီး ပြန်ပေးနေတာပါ။”လို့ ဟဂ်ျခရီးစဉ်ကူညီရေး အဖွဲ့ချုပ်မှ တာဝန်ရှိသူတစ်ဦးက ဖြေကြားခဲ့သည်။

နစ်နာသူများအနေနှင့် ငွေကြေး ကုန်ကျမှုများလည်း ရှိခဲ့သည့်အတွက် ငွေကြေးပြန်လည် ရရှိနိုင်မှုအား မေးမြန်းရာတွင် ဟဂ်ျခရီးစဉ် ကူညီရေးအဖွဲ့သို့ ဟာဂျီရော်နီကုမ္ပဏီက လာရောက်ပေးအပ်ထားသည့် သိန်းနှစ်ထောင့် ကိုးရာကျော်အား အဖွဲ့ထံ ဆက်သွယ်ထားသည့် လူ ၁၄၀ ကျော်သို့ အချိုးကျ ပြန်လည်ပေးအပ်သွားမည်ဟုလည်း သိရသည်။

“ငွေကြေးကတော့ ၂၄-ရက်နေ့ နောက်ပိုင်းကို ပြန်ပေးမယ်။ ဟာဂျီရော်နီကုမ္ပဏီ တာဝန်ရှိသူက ကျွန်တော်တို့ဆီကို သိန်းနှစ်ထောင့်ကိုးရာကျော် လာလွှဲပေးထားတယ်။ အဲ့ဒါကို ကျွန်တော်တို့ဆီ ဆက်သွယ်ထားတဲ့ လူ ၁၄၀ ကျော်ကို သူတို့ပေးထားတဲ့ ငွေပမာဏအလိုက် စနစ်တစ်ခုသတ်မှတ်ပြီး ပြန်ပေးမယ်။ ဒီသိန်းနှစ်ထောင့်ကိုးရာကျော်ကို လူ ၁၄၀ ကျော်ကို ပထမအရစ်အနေနဲ့ အချိုးကျ ပြန်ပေးမှာပါ။

နောက်ပြီးတော့ ကျွန်တော်တို့ဆီမှာ လေယာဉ်လက်မှတ် အစောင် ၁၈၀ ရှိတယ်။ အဲ့ဒါအတွက် သက်ဆိုင်ရာ လေယာဉ်တွေနဲ့ဆက်သွယ်ပြီး ဘယ်လိုလုပ်ပေးနိုင်မလဲဆိုတာ ဆက်သွယ်မေးမြန်းပြီး အဲ့ဒီက ငွေပြန်ရလာရင် ဒုတိယအရစ် အနေနဲ့ ထပ်ပေးမယ်။

တတိယအရစ်ကတော့ ဟာဂျီရော်နီတို့ကုမ္ပဏီတွေနဲ့ တိုက်ရိုက် ဆက်ပြီး ရှင်းပေးမယ်။”ဟု ဟဂ်ျခရီးစဉ်ကူညီရေး အဖွဲ့ချုပ် ရုံးအဖွဲ့မှူး ဦးသန်းဦးက ပြောသည်။

ဟဂ်ျမသွားလိုက်ရပဲ နစ်နာသူ ၃၀၀ ကျော်ရှိသည့်အနက် ၁၄၀ ကျော်ပဲ ငွေကြေးပြန်လည် ရရှိနိုင်မည်လားဟု မေးမြန်းမှုအား “ဟဂ်ျမသွားလိုက်ရပဲ နစ်နာသူ ၃၀၀ ကျော်ဆိုပေမယ့် ကျွန်တော်တို့ ဟဂ်ျခရီးစဉ် ကူညီရေးအဖွဲ့ကို ဆက်သွယ် အကူအညီတောင်းလာတာက ၁၄၀ ကျော်ပဲရှိပါတယ်။ ကျွန်တော်တို့ဆီ ဆက်သွယ်လာသူတွေ အတွက်သာ ကျွန်တော်တို့ လုပ်ပေးခြင်းဖြစ်လို့ ၁၄၀ ကျော်ကို ကျွန်တော့်တို့ဘက်ကနေ ကူညီပြီး ငွေကြေးပြန်လည် ပေးအပ်မယ်လို့ ဆိုလိုတာပါ။ ကျွန်တော်တို့ ကြေညာထားတဲ့ အောက်တိုဘာ ၁၉-ရက်နေ့အတွင်း ကျွန်တော်တို့ဆီ ရောက်လာတဲ့ လူ ၁၄၀ ကျော်ကိုပဲ ကျွန်တော်တို့ လုပ်ဆောင်ပေးနိုင်တာပါ။”ဟု ဟဂ်ျခရီးစဉ်ကူညီရေးအဖွဲ့ချုပ် ရုံးအဖွဲ့မှူး ဦးသန်းဦးကပင် ထပ်မံ ရှင်းလင်းပြောသည်။

လာမည့်နှစ် ဟဂ်ျရာသီကာလတွင် ယခုကဲ့သို့ လိမ်လည်မှုများ မပေါ်ပေါက်စေရေးအတွက် ကုမ္ပဏီများအား ချုပ်ကိုင်သည့် ဟဂ်ျအေးဂျင့်တစ်ခု အကောင်အထည်ပေါ်လာရန် လိုအပ်နေပြီဖြစ်ကြောင်းလည်း သိရသည်။