အစ္စရေးကို သပိတ်မှောက်ဖို့ အာဂျင်တီးနား လူ့အခွင့်အရေး လှုပ်ရှားသူများ မှ အစိုးရကို တောင်းဆို

အောက်တိုဘာ ၂၃ ၊ ၂၀၁၄
M-Media

အစ္စရေး၏ ယဉ်ကျေးမှုဆိုင်ရာလှုပ်ရှားမှုများကို သပိတ်မှောက်ရန် အာဂျင်တီးနား လူ့အခွင့်အရေး လှုပ်ရှားသူများ တိုက်တွန်း

– ပါလက်စတိုင်းများအပေါ် ပြုမူဆက်ဆံမှုများအား ရှုတ်ချသည့်အနေဖြင့် အစ္စရေး၏ ယဉ်ကျေးမှုဆိုင်ရာ လှုပ်ရှားမှုများကို သပိတ်မှောက်ရန် အာဂျင်တီးနားရှိ လူ့အခွင့်အရေး လှုပ် ရှားသူများက အစိုးရအား တိုက်တွန်းလိုက်သည်။

လူ့အခွင့်အရေးလှုပ်ရှားသူများမှာ မြို့တော်ဗျူနိုအေရီးစ်တွင် ယမန်နေ့က စုရုံးခဲ့ကြပြီး ယခုကဲ့သို့ တိုက်တွန်းခဲ့ခြင်းဖြစ်ကာ အစ္စရေး၏ ယဉ်ကျေးမှုဆိုင်ရာ လှုပ်ရှားမှုများမှာ ပါလက်စတိုင်းများအပေါ် ကျူးလွန်သည့် ရာဇ၀တ်မှုများကို ကာကွယ်ရန် အသုံးချခြင်းဖြစ်သည်ဟု ပြောကြားခဲ့သည်။

“အစ္စရေးရဲ့ ဒီဗျူဟာကို ဇီယွန်ဝါဒီ အစ္စရေးအစိုးရရဲ့ အပြုသဘောဆောင်တဲ့ ပုံရိပ်တွေကို ပြသတဲ့ အဖွဲ့တွေက ထောက်ပံ့ပေးထားတာပါ။ ဒီအဖွဲ့တွေဟာ ပါလက်စတိုင်းမြေမှာ လုပ်ခဲ့တဲ့ သတ်ဖြတ်မှုတွေ၊ ငြှင်းပန်းနှိပ်စက်မှုတွေကို ရှုတ်ချဖို့ လူသိရှင်ကြား ကြေညာချက်ထုတ်ခဲ့တာမျိုး မရှိပါဘူး” ဟု တက်ကြွလှုပ်ရှားသူတစ်ဦးက ပြောကြားခဲ့သည်။

ထို့ပြင် လူ့အခွင့်အရေး လှုပ်ရှားသူများမှာ အစ္စရေးလိုလားသည့် ကုမ္ပဏီများအား တိုင်းပြည်အတွင်း လုပ်ပိုင်ခွင့်ပေးခြင်းအတွက် အာဂျင်တီးနားအစိုးရကို ရှုတ်ချခဲ့ပြီး၊ အကြမ်းဖက်သမားအုပ်စု၏ လူသားအယောင်ဆောင်ရန် ကြိုးပမ်းမှုကို လူ့အခွင့်အရေးတွက် လှုပ်ရှားနေသော အစိုးရက ခွင့်ပြုခြင်းမှာ လက်မခံနိုင်ဖွယ်ဖြစ်သည်ဟုလည်း ထပ်လောင်းပြောကြားခဲ့သည်။

အာဂျင်တီးနားမှာ အခြားသော လက်တင်အမေရိက နိုင်ငံများကဲ့သို့ ပါလက်စတိုင်းအား ထောက်ခံသည့် နိုင်ငံဖြစ်ပြီး ယခုလအစောပိုင်းကလည်း ပါလက်စတိုင်းသံရုံးမှ သံအမတ်များနှင့် အာဂျင်တီးနား လွှတ်တော်အမတ်များ၊ အရပ်ဘက်အဖွဲ့အစည်းများမှ ပုဂ္ဂိုလ်များမှာ “ပါလက်စတိုင်း၏ ခုခံမှု၊ အာဂျင်တီးနားအားပေး” ဟု အမည်ရသည့် အခမ်းအနား တစ်ခုကို ကျင်းပခဲ့သည်။

အဆိုပါ အခမ်းအနားမှာ အစ္စရေးက ပိတ်ဆို့ထားသော ဂါဇာဒေသရှိ ပြည်သူများ ကြုံတွေ့နေရသော အခက်အခဲများ ပြေလည်ရေး အလှူငွေများလက်ခံရန် ရည်ရွယ်ကျင်းပခဲ့သည့် အခမ်းအနားလည်းဖြစ်သည်။

IA/NN/KA