အသင်း၏ တိုက်ပွဲဝင် စိတ်ဓာတ်က ချန်ပီယံလိဂ် နောက်တစ်ဆင့် တက်ရေး အရေးပါဟု ၀င်းဂါးဆို

အောက်တိုဘာ ၂၄ ၊ ၂၀၁၄
M-Media

– ကစားသမားများ၏ ပြင်းပြသည့် တိုက်ပွဲဝင် စိတ်ဓာတ်အား အာဆင်နယ်နည်းပြ အာဆင်ဝင်းဂါးက ချီးကျူးလိုက်ပြီး မိမိတို့အသင်း ချန်ပီယံလိဂ်နောက် တစ်ဆင့် တက်ရေးအတွက် အရေးပါသည့် အရာလည်းဖြစ်သည်ဟု ပြောကြားလိုက်သည်။

ယနေ့မနက်က ကစားခဲ့သော အန်ဒါလက်ခ်ျအသင်းနှင့်ပွဲတွင် အာဆင်နယ်မှာ ၈၉ မိနစ်အထိ ၁ ဂိုး ဂိုးမရှိဖြင့် ရှုံးနိမ့်နေခဲ့ပြီး ကီရင် ဂစ်ဘ်၊ ပိုဒေါစကီးတို့၏ ၂ မိနစ်အတွင်း သွင်းယူခဲ့သော ဂိုး ၂ ဂိုးဖြင့် နောက်တစ်ဆင့်တက်ရေး မျှော်လင့်ချက်ခိုင်မာစေမည့် အနိုင် ၃ မှတ်ကို ရရှိခဲ့ခြင်းဖြစ်သည်။

“ကျွန်တော်တို့ အမီလိုက်နိုင်ခဲ့ပြီး ကောင်းမွန်တဲ့ဂိုး ၂ ဂိုးကိုလည်း သွင်းယူနိုင်ခဲ့ပါတယ်။ ကျွန်တော်တို့မှာ ပြင်းပြတဲ့စိတ်ဓာတ်ရှိပြီး အုပ်စုအဆင့်ကနေ ကျော်ဖြတ်ဖို့ အခွင့်အရေးအတွက် အရေးပါတဲ့ အရာလည်းဖြစ်ပါတယ်” ဟု အာဆင်ဝင်းဂါးက ပွဲအပြီးတွင် ပြောကြားခဲ့သည်။

အာဆင်နယ်မှာ ၃ ပွဲကစား ၆ မှတ်ဖြင့် ဒေါ့မွန်ထက် ၃ မှတ်အကွာ ဒုတိယနေရာတွင်ရှိနေပြီး အန်ဒါလက်ခ်ျနှင့် ဂါလာတာစာရေးတို့မှာ ၁ မှတ်စီသာရရှိထားကာ ကျန်ရှိနေသည့် အိမ်ကွင်းပွဲစဉ် တစ်ပွဲအား အနိုင်ရရှိပါက နောက်တစ်ဆင့်သို့ တက်ရောက်နိုင်မည်ဖြစ်သည်။