တောင်အာဖရိက လက်ရွေးစင် အသင်းခေါင်းဆောင် ဂိုးသမား သေနတ်ဖြင့် ပစ်သတ်ခံရ

အောက်တိုဘာ ၂၇ ၊ ၂၀၁၄
M-Media

– တောင်အာဖရိကလက်ရွေးစင် အသင်းခေါင်းဆောင်ဖြစ်ပြီး ပရိတ်သတ်များ၏ ချစ်ခင်လေးစားမှုကို ခံရသော ဂိုးသမား ဆန်ဇို မြီဝါမှာသေနတ်ဖြင့် ပစ်သတ်ခြင်းခံခဲ့ရသည်ဟု သိရသည်။

အောက်တိုဘာ ၂၆ ရက် တနင်္ဂနွေနေ့ ညနေပိုင်းတွင် သူစိမ်းများက ဂျိုဟန်နစ္စဘတ်အနီးရှိ ဆန်ဇို၏ နေအိမ်သို့ဝင်ရောက်၍ ပစ်သတ်ခဲ့ခြင်းဖြစ်သည်ဟု တောင်အာဖရိက ရဲတပ်ဖွဲ့ SAPS က ပြောကြားခဲ့သော်လည်း မည်သည့်အကြောင်းကြောင့် ပစ်ခတ်မှု ဖြစ်ပွားခဲ့ခြင်းကို ထုတ်ဖော်ပြောဆိုခြင်းမရှိပေ။ ပြည်တွင်းမီဒီယာများကမူ ဆန်ဇိုမှာ မိုဘိုင်းဖုန်းတစ်လုံးအတွက် ပစ်သတ်ခံခဲ့ရခြင်းဖြစ်သည်ဟု ဖော်ပြခဲ့သည်။

အသက် ၂၇ နှစ်အရွယ် ဆန်ဇိုမှာ တောင်အာဖရိက ကလပ်အသင်းဖြစ်သော အော်လန်ဒို ပိုင်းရိတ်စ် အက်ဖ်စီအသင်း၏ အသင်းခေါင်းဆောင်လည်းဖြစ်ပြီး အော်လန်ဒိုပိုင်းရိတ်စ်ကမူ ဆန်ဇိုသေဆုံးမှုအတွက် မိသားစုနှင့်ထပ်တူ ကြေကွဲရကြောင်း၊ တိုင်းပြည်နှင့် ပြည်သူအားလုံးအတွက် ဆုံးရှုံးမှုကြီးတစ်ခုဖြစ်ကြောင်း ၎င်းတို့၏ Twitter စာမျက်နှာတွင် ရေးသားဖော်ပြခဲ့သည်။

ထိုသတင်းထွက်ပေါ်လာပြီးနောက် တောင်အာဖရိက ပြည်သူများမှာ ဆန်ဇို၏ အိမ်နှင့် အခင်းဖြစ်ပွားရာ နေရာများသို့ စုရုံးရောက်ရှိလာခဲ့ကြပြီး တာဝန်ရှိသူများကမူ စိတ်ထိန်းကြရန် ပြည်သူများအား မေတ္တာရပ်ခံခဲ့သည်။

ဆန်ဇိုမှာ ၂၀၁၅ အာဖရိကနိုင်ငံများဖလား ခြေစစ်ပွဲတွင် အုပ်စုပထမဖြင့် အောင်မြင်ခဲ့သော တောင်အာဖရိကအသင်းအတွက် လက်စွမ်းပြခဲ့သူဖြစ်ပြီး လေးပွဲးကစားရာတွင် တစ်ဂိုးမှ မပေးရရန် စွမ်းဆောင်နိုင်ခဲ့သည်။