ကမ္ဘာပေါ်မှာ ကျန်းမာရေးနဲ့ အညီညွတ်ဆုံးမြို့ ၁၀ မြို့

အောက်တိုဘာ ၂၈ ၊ ၂၀၁၄
M-Media

– ကျန်းမာရေးဆိုတာ လူတိုင်းအတွက် အရေးကြီးတဲ့ အရာတစ်ခုပါ။ အသက်ရှည် ကျန်းမာဖို့ဆိုတာ ကျွန်တော်တို့ရဲ့ သွားလာနေထိုင်မှုတစ်ခုတည်းပေါ်မှာသာ မှီခိုနေတာမဟုတ်ပါဘူး။ ကျွန်တော်တို့ နေထိုင်တဲ့နေရာဒေသဟာလည်း ကျန်းမာရေးအပေါ် သက်ရောက်မှု ရှိနေပါတယ်။

ကျန်းမာရေးနဲ့ တစ်ကယ်ညီညွတ်တဲ့ မြို့တစ်မြို့ဟာ ပြည်သူတွေအတွက် ကျန်းမာတဲ့ လူနေမှုဘ၀ကို ဆောင်ကျဉ်းပေးနိုင်ပါတယ်။ အရည်အသွေးပြည့်ဝတဲ့ ကျန်းမာရေးစောင့်ရှောက်မှုတွေရှိမယ်၊ ရောဂါဘယ ကာကွယ်တားဆီးမှု ဒါမှမဟုတ် ကျန်းမာရေးကို ထိခိုက်နိုင်တဲ့ လေထုညစ်ညမ်းမှုကို လျော့ချပေးတာမျိုးလည်း အဲဒီမြို့မှာ ရှိရပါမယ်။

ဒါ့ကြောင့် ကမ္ဘာပေါ်မှာ ကျန်းမာရေးနဲ့ အညီညွတ်ဆုံးမြို့ ၁၀ မြို့ကို M-Media ပရိတ်သတ်ကြီးအတွက် တင်ဆက်ပေးလိုက်ပါတယ်။

နံပါတ် ၁။ ပျော်ရွှင်မှုကို အမှန်တရားလို တန်ဖိုးထားတဲ့ ကိုပင်ဟေဂင်

ကိုပင်ဟေဂင်မြို့ဟာ ရည်မှန်းချက်မြင့်မားသူတွေ၊ ငယ်ရွယ်တဲ့မိသားစုတွေနဲ့ ပျားပန်းခတ်မျှ စည်းကားလှတဲ့မြို့တစ်မြို့ပါ။ ဒါပေမယ့် ဒီလိုမြို့ကြီးမှာ အချိန်ကြာမြင့်စွာ အလုပ်လုပ်တာကိုတော့ တားမြစ်ထားပါတယ်။

ကိုပင်ဟေဂင်က အလုပ်သမားတွေရဲ့ ၂ ရာခိုင်နှုန်းလောက်သာ တစ်ပတ်မှာ နာရီ ၄၀ ဒါမှမဟုတ် ဒီထက်ပိုပြီး အလုပ်လုပ်ကြပြီး အများစုကတော့ မိသားစုနဲ့ ၀ိုင်းဖွဲ့တာ ဒါမှမဟုတ် အားကစားအဖွဲ့တွေနဲ့ ဆက်သွယ်တာ၊ လူမှုအဖွဲ့အစည်းတွေရဲ့ အစီအစဉ်တွေမှာ ပါဝင်ဆောင်ရွက်တာ စသဖြင့် သူတို့ရဲ့ အချိန်တွေကို သုံးစွဲ ကုန်းဆုံးကြပါတယ်။

ပန်းခြံထဲမှာ ယောဂလေ့ကျင့်မလား၊ ခြင်းတောင်းယက်တဲ့နေရာမှာ ပါဝင်အုံးမလား။ ဒါတွေအားလုံးဟာ အခမဲ့လှုပ်ရှားမှုတွေ ဖြစ်တာကြောင့် ကိုပင်ဟေဂင်က ပြည်သူတွေဟာ ဒီလိုအစီအစဉ်တွေမှာ အားတက်သရော ပါဝင်လှုပ်ရှားကြပါတယ်။

မိသားစုတွေ၊ သူငယ်ချင်းမိတ်ဆွေနဲ့အတူ တန်ဖိုးရှိတဲ့အချိန်တွေကို ချိန်ညှိသုံးစွဲကြတဲ့ သူတို့ရဲ့စွမ်းရည်ဟာ သူတို့ရဲ့ စိတ်ဖိစီးမှုတွေကို လျော့ကြစေရုံသာမက၊ ပျော်ရွှင်မှုတွေကိုလည်း တိုးမြှင့်ရရှိစေပါတယ်။ လေ့လာမှုတွေအရတော့ အတွေ့အကြုံတွေပေါ်မှာ စိတ်ကို အာရုံစိုက်တဲ့သူတွေဟာ ဒီအချိန်ခဏ ပြီးတဲ့နောက်ပိုင်းမှာ ပိုမိုမြင့်မားတဲ့ စိတ်ကျေနပ်မှုကို အချိန်ကြာရှည်စွာ ခံစားရတယ်လို့ ဆိုပါတယ်။ ဒီအကြောင်းအရင်းကြောင့် ကုလသမဂ္ဂက နှစ်စဉ်ထုတ်ပြန်တဲ့ ကမ္ဘာ့ပျော်ရွင်စရာအကောင်းဆုံး နိုင်ငံများစာရင်းမှာ ဒိန်းမတ်နိုင်ငံဟာ ထိပ်ဆုံးနားမှာ ပါဝင်ခွင့်ရခဲ့တာ ဖြစ်ပါတယ်။

ကိုပင်ဟေဂင်ကို စိတ်ချမ်းသာစရာကောင်းတဲ့ ဒေသတစ်ခု ဖြစ်လာစေတဲ့အခြားအကြောင်းအရာတွေလည်း ရှိပါသေးတယ်။ ကိုပင်ဟေဂင်က ပြည်သူတွေဟာ စားသောက်ဆိုင်တွေ၊ ကုန်စုံဆိုင်တွေကို လမ်းလျှောက်သွားကြပါတယ်။ မြို့တွင်းနဲ့ သိပ်မဝေးတဲ့နေရာမှာပဲ သန့်ရှင်းလက်ဆတ်တဲ့ စားသောက်ကုန် အသီးအနှံတွေကို ရောင်းတဲ့ လဟာပြင်ဈေးတွေ ရှိပါတယ်။

အမျိုးသားတွေဟာ ကိုယ်ကျပ်အင်္ကျီတွေဝတ်ပြီး စက်ဘီးစီးကာ အလုပ်သွားကြပါတယ်။ အမျိုးသမီးတွေကလည်း လက်တိုလက်ပြတ်တွေဝတ်၊ ဒေါက်တစ်ချောင်တည်းပါတဲ့ ဒေါက်မြင့်ဖိနပ်တွေကိုစီး စက်ဘီးစီးဦးထုတ်ဆောင်းပြီး စက်ဘီးစီးသွားလာရတာကိုမရှက်ကြပါဘူး။ ကိုပင်ဟေဂင်မြို့တစ်မြို့လုံးမှာ လွယ်ကူဘေကင်းစွာ စီးလို့ရတဲ့ စက်ဘီးစီးလမ်းပေါင်း ၂၄၉ မိုင်တောင် ရှိပါတယ်။ လူတွေကလည်း ဒါကို အသုံးပြုကြပါတယ်။ ကိုပင်ဟေဂင်က ပြည်သူတစ်ဝက်လောက်က ကျောင်းတွေ၊ အလုပ်တွေကိုသွားဖို့ နေ့စဉ် စက်ဘီးစီးကြပါတယ်။

ကိုပင်ဟေဂင်မှာ အပန်းဖြေဖို့ ပန်းခြံတွေ၊ စက်ဘီးစီးလမ်းတွေ များပြားပေမယ့် အစိုးရက ဒါတွေကို ဆက်လက်တိုးမြှင့်ဖို့ ဆောင်ရွက်နေပါတယ်။ ၂၀၁၅ ခုနှစ်မှာတော့ ကိုပင်ဟေဂင်က လူတိုင်းဟာ ၁၅ မိနစ်လောက် လမ်းလျှောက်လိုက်တာနဲ့ ကမ်းခြေ ဒါမှမဟုတ် ပန်းခြံကိုရောက်ရှိနိုင်မယ့် ပေါ်လစီတစ်ခုကိုလည်း ကိုပင်ဟေဂင်မြို့ရဲ့ မြူနီစီပယ်က ရေးဆွဲထားပါတယ်။ အသစ်ဆောက်လုပ်တဲ့ ပန်းခြံတော်တော်များများဟာ ပြည်သူတွေအတွက် စိမ်းလန်းတဲ့ နေရာငယ်လေးတွေ ဖြစ်လာပါလိမ့်မယ်။ ဒါတွေ လုပ်ဆောင်နေရခြင်းရဲ့ မျှော်လင့်ချက်ကတော့ ပြည်သူတွေအနေနဲ့ ကျန်းမာကြံ့ခိုင်စေဖို့၊ ကားလမ်းပိတ်ဆို့မှုနဲ့ လေထုညစ်ညမ်းမှုကို ပိတ်ဆို့ခြင်းအားဖြင့် သဘာဝပတ်ဝန်းကျင်ကို ကူညီဖို့ ဆိုတာပဲ ဖြစ်ပါတယ်။

အထုတ်အပိုးတွေပြင်ဆင်ပြီး ဒိန်းမတ်ကို လာလည်စေချင်လောက်တဲ့ အခြားအရာတစ်ခုလည်း ရှိပါသေးတယ်။ ဒါကတော့ အကူအညီလိုအပ်နေသူတွေအနေနဲ့  သူတို့ကို အားကိုးထားပြုနိုင်တယ်လို့ ကိုပေဟင်ဂင်က ၉၆ ရာခိုင်နှုန်းသော ပြည်သူတွေက ဖွင့်ဟခဲ့တာပါပဲ။

ဒီလို ကူညီတတ်တဲ့ လူ့အဖွဲ့အစည်းမျိုး ရှိနေတာဟာ ကိုပင်ဟေဂင်ကို ကမ္ဘာ့ကျန်းမာရေးနဲ့ အညီညွတ်ဆုံး၊ ပျော်ရွှင်မှုအရှိဆုံး မြို့တွေထဲမှာ တစ်မြို့အပါအ၀င်ဖြစ်လာစေတဲ့ အကြောင်းအရင်း တစ်ခုပါပဲ။
………………………………..
နံပါတ် ၂။ ဇရာအိုများရဲ့ နိဗ္ဗာန် သို့မဟုတ် အိုကီနာဝါ

၁၆ ရာစုလောက်မှာ ကမ္ဘာပတ်ပြီး “နတ်ရေကန်” ကို ရှာဖွေခဲ့တဲ့ စပိန်လူမျိုး စူးစမ်းလေ့လာသူ ပွန်စီ ဒီလီယွန်ဟာ သူရဲ့ရေကြောင်းခရီးစဉ်ကို ဖလော်ရီဒါမှာ အဆုံးသတ်မယ့်အစား ဂျပန်ပြည်မှာ ရပ်ခဲ့ရမှာပါ။ ဘာ့ကြောင့်လည်းဆိုတော့ ဂျပန်က အိုကီနာဝါပြည်နယ်ဟာ ကမ္ဘာ့အသက်အရှည်ဆုံး လူ့အဖွဲ့အစည်းရှိတဲ့ ဒေသတစ်ခု ဖြစ်လို့ပါပဲ။

အိုကီနာဝါက အမျိုးသမီးတွေရဲ့ သက်တမ်းဟာ ၈၆ နှစ်ရှိပြီး အမျိုးသားတွေရဲ့ သမ်းတမ်းကတော့ ၇၈ နှစ် ရှိပါတယ်။ ဒီပမာဏဟာ ကမ္ဘာတစ်ဝှမ်း အမျိုးသားတွေရဲ့ ပျမ်းမျှသက်တမ်းထက် ၁၀ နှစ် ပိုနေပြီး၊ အမျိုးသမီးတွေရဲ့ ပျမ်းမျှသက်တမ်းထက် ၁၃ နှစ်တောင် ပိုနေပါတယ်။

အိုကီနာဝါဟာ ကမ္ဘာပေါ်က အသက်ရာကျော် လူ့အစုအဝေး အများစုရှိတဲ့ ဒေသတစ်ခုလည်း ဖြစ်ပါတယ်။ ဒီဒေသက လူအများစုဟာ အိုမင်းရင့်ရော်သွားသည့်တိုင် ကျန်းမာရွှင်လန်း နေကြဆဲပါ။

ဘာ့ကြောင့်ပါလဲ? ကျန်းမာရေးဆိုင်ရာ မူဘောင်တစ်ခု သတ်မှတ်ပြီး သက်ကြီးရွယ်အို ၉၀၀ ကျော်ရဲ့ စားသောက်နေထိုင်မှုတွေကို လေ့လာခဲ့တဲ့ အိုကီနာဝါ ဇရာအိုဆန်းစစ်ရေးအဖွဲ့ကတော့ အချက်အချို့ကို ထုတ်ပြခဲ့ပါတယ်။

အိုကီနာဝါပြည်သူတွေဟာ မျိုးရိုးဗီဇမှာ ကံထူးကြသူတွေပါ။ သူတို့ရဲ့ မျိုးရိုးဗီဇအရ ကမ္ဘာပေါ်မှာ သေဆုံးမှုအများဆုံး အဓိကရောဂါတွေဖြစ်တဲ့ ကင်ဆာ၊ နှလုံးရောဂါနဲ့ အဆင့် ၂ ဆီးချိုရောဂါတွေဖြစ်ပွားမှု အန္တရာယ်ဟာ နည်းနည်းပဲရှိပါသတဲ့။

သာမန်ဂျပန်ပြည်သူတွေထက် အိုကီနာဝါ ပြည်သူတွေဟာ ငွေရေးကြေးရေးအရ နိမ့်ပါးပေမယ့် လူမှုဘ၀ အရည်အသွေးကတော့ ကောင်းမွန်ပါတယ်။

အိုကီနာဝါက ပြည်သူတွေဟာ ကျန်းမာရေးလေ့ကျင်ခန်းတွေကို ပုံမှန်လိုလုပ်ကြပြီး နေ့စဉ်စားတဲ့ အစားသောက်တွေဟာလည်း အဆီကင်းပါတယ်။ ဒါ့ကြောင့် သူတို့ရဲ့ ကိုယ်ခန္ဓာထပ်ညွှန်းကိန်း body mass index ကလည်း နည်းပါးပြီး ၁၈ ကနေ ၂၂ အထိသာ ရှိပါတယ်။ သူတို့ရဲ့ နေ့စဉ်စားတဲ့ အစားအသောက်တွေကတော့ အစိမ်းရောင်နဲ့ အ၀ါရောင် အသီးအနှံတွေ၊ ချိုတဲ့အာလူးတွေ၊ ပဲနဲ့ ငါးတွေဖြစ်ပါတယ်။

အိုကီနာဝါသားတွေဟာ ပုံမှန်အားဖြင့် အနီရောင်အသားတွေကို အစားနည်းပါတယ်။ အရက်သောက်သုံးမှုနဲ့ ဆေးလိပ်သောက်သုံးမှုကတော့ နည်းနည်းသာရှိပါတယ်။

လူမှုရေးပိုင်းဆိုင်ရာမှာလည်း သူတို့တွေဟာ စုစုစည်းစည်း ရှိကြပါတယ်။မိသားစုတွေတိုးလာပေမယ့် တစ်အိမ်တည်းသာနေကြပြီး အိုကီနာဝါမှာ အသက်ကြီးသူတွေကို အလေးထားတဲ့ ယဉ်ကျေးမှုလည်း ထွန်းကားပါတယ်။ သက်ကြီးရွယ်အိုတွေဟာ အကောင်းမြင်စိတ်ရှိတယ်၊ ခေတ်နဲ့ ဆီလျော်အောင်နေနိုင်တယ်၊ လွတ်လပ်တယ်၊ တီထွင်ဖန်တီးလိုစိတ်ရှိတယ်၊ ငြိမ်းငြိမ်းချမ်းချမ်းနဲ့ သက်တောင့်သက်သာနေကြပါတယ်။
ဒီလက္ခဏာတွေဟာ အသက်ရှည်မှုနဲ့ ဆက်စပ်နေတဲ့ လက္ခဏာတွေပါပဲ။ စိတ်ဓာတ်ကျခြင်းနဲ့ အထီးကျန်ခြင်းကတော့ အိုကီနာဝါနာ ပြည်သူတွေမှာ အနည်းငယ်ပဲရှိပါတယ်။

ကျန်းမာပျော်ရွင်တဲ့ ဇရာအိုဘ၀နဲ့ပတ်သက်လို့ သူတို့ဆီကနေ  ကျွန်တော်တို့ သင်ယူနိုင်တယ်လို့ ဆရာဝန်တွေက ဆိုပါတယ်။

“စိတ်ဖိစီးမှုနည်းခြင်း၊ မိသားစု စုစည်းမှုအားကောင်းခြင်း၊ အကောင်းမြင်ခြင်း စတာတွေဟာ အသက်ရှည်ဖို့အတွက် အရေးကြီးတယ်လို့ လေ့လာမှုတွေကနေ သိရပါတယ်။ ဒီအရာတွေဟာ ကျွန်တော့်ရဲ့လူနာတွေကို ကုသရမှာလည်း အလွန် အထောက်အကူဖြစ်ပါတယ်” လို့ အမေရိကန်ပြည်ထောင်စု တက္ကဆက်တက္ကသိုလ် ကျန်းမာရေးသိပ္ပံစင်တာမှ ဒါရိုက်တာ ဒေါက်တာ ကာမဲလ် ဒိုင်ယာက ဆိုပါတယ်။

အိုကီနာဝါပြည်သူတွေဟာ အလုပ်ကိုလည်း အသက်အရွယ်ကြီးရင်တဲ့အထိ လုပ်ကြပါသတဲ့။

“တကယ်လို့ လူတစ်ယောက်ဟာ လူ့အဖွဲ့အစည်းမှာ ဂရုစိုက်ခံရတဲ့အခါ၊ မိမိရဲ့ အသက်ရွယ်ကို ကျော်လွန်ပြီး တွေးတောတဲ့အခါ၊ ဦးနှောက်ကို သေသွားအောင်မထားတာ ဒါတွေဟာ အသက်ရှည်ဖို့အတွက် အရမ်းကို အကူအညီဖြစ်တယ်ဆိုတာ ကျွန်တော်တို့ တွေ့ရှိခဲ့ပါတယ်” လို့ ဒိုင်ယာက ဖွင့်ဟခဲ့ပါတယ်။
………………………………
နံပါတ် ၃။ ကလေးများအတွက် တောက်ပသော အနာဂတ် သို့မဟုတ် မွန်တီကာလို

ကာစီနို၊ ပြိုင်ကားတွေ၊ ဇိမ်ခံရွက်လှေတွေ ပြီးတော့ ကျန်းမာသန်စွမ်းတဲ့ ကလေးတွေ….

ဥရောပရဲ့ နိုင်ငံငယ်လေးဖြစ်တဲ့ မိုနာကိုက မွန်တီကာလိုမြို့ဟာ မွေးကင်းစကလေး သေဆုံးမှုမှာ ကမ္ဘာ့အနိမ့်ဆုံးနိုင်ငံဖြစ်ပြီး ကလေးငယ် ၁၀၀၀ မှာ သေနှုန်းဟာ ၁.၈၁ သာရှိပါတယ်။ ဘာ့ကြောင့်လည်းဆိုတော့ မိုနာကို ပြည်သူ့ရေးရာနဲ့ ကျန်းမာရေးဝန်ကြီးဌာနက ရောဂါဘယ ကာကွယ်တားဆီးရေး၊ ပညာပေးရေးနဲ့ စောင့်ကြည့်ရေး စတဲ့ကျယ်ပြန့်တဲ့ ကျန်းမာရေး စောင့်ရှောက်မှု အစီအစဉ်တွေကို လုပ်ပေးထားတာကြောင့်ပဲ ဖြစ်ပါတယ်။

ကိုယ်ဝန်ဆောင်နေချိန် အရည်အသွေးမြင့်တဲ့ စောင်ရှောက်မှု၊ ကျွမ်းကျင်မှုရှိတဲ့ ဆရာဝန်တွေရဲ့ မီးဖွားပေးမှု၊ ကလေးမွေးဖွားပြီးနောက်ပိုင်း စောင့်ရှောက်မှုတွေက မွေးကင်းစကလေး သေဆုံးမှုကို တားဆီးရာမှာ ထင်ရှားတဲ့ အကြောင်းအရာတွေပဲလို့ ကမ္ဘာ့ကျန်းမာရေးအဖွဲ့ WHO က ဆိုပါတယ်။

“မိုနာကိုလိုတိုင်းပြည်မျိုးမှာ အလုပ်ဖြစ်တဲ့ အဆင့်မြင့် ပစ္စည်းကိရိယာတွေရှိပြီး အဲဒီကိရိယာတွေကို ကျွမ်းကျွမ်းကျင်ကျင်ကိုင်တွယ်နိုင်တဲ့ အထူးလေ့ကျင့်ထားတဲ့ ၀န်ထမ်းတွေလည်းရှိပါတယ်။ အရည်အသွေးမြင့်တဲ့ ကျန်းမာရေးစောင့်ရှောက်မှုအတွက် အခြေခံလိုအပ်ချက်တွေ ပြည့်စုံနေပြီဆိုရင်တော့ မွေးကင်းစကလေး သေဆုံးမှုကို ကာကွယ်ခြင်းဟာ သိပ်ကို လွယ်ကူပါတယ်” လို့ WHO ဥရောပရုံးမှ မွေးကင်းစကလေးများနဲ့ အရွယ်မရောက်သေးသောကလေးများ ကျန်းမာရေးနှင့် ဖွံ့ဖြိုးတိုးတက်ရေး အစီအစဉ်မှ မန်နေဂျာ ဗီဗီယံ ဘာနီကောက ဆိုပါတယ်။

မိုနာကိုအတွင်းမှာရှိတဲ့ ချမ်းသာကြွယ်ဝမှုကလည်း ကျန်းမာရေး စောင့်ရှောက်မှုလုပ်ငန်းအတွက် အကူအညီဖြစ်စေပါတယ်။ မိုနာကိုဟာ တစ်မြို့ချင်းအလိုက် ပြည်တွင်းထုတ်ကုန် ထုတ်လုပ်မှုမှာ ကမ္ဘာ့ပဉ္စမအများဆုံး နိုင်ငံလည်း ဖြစ်ပါတယ်။

WHO ရဲ့ အဆိုအရ ကမ္ဘာ့လူဦးရေရဲ့ အဆင်းရဲဆုံး ၂၀ ရာခိုင်းနှုန်းက ကလေးတွေဟာ မီးဖွားပြီး ပထမတစ်နှစ်မတိုင်ခင် သေဆုံးမှုဟာ ကမ္ဘာ့လူဦးရေရဲ့ အချမ်းသာဆုံး ၂၀ ရာခိုင်နှုန်းက ကလေးတွေထက် ၂ ဆလောက်များပါသတဲ့။

“အကြီးဆုံးအကြောင်းအရာတစ်ခုက မိုနာကိုဟာ အရမ်းကြွယ်ဝတဲ့ တိုင်းပြည်တစ်ခုပါ။ (မွေးကင်းစကလေးသေဆုံးမှုကို ဖြစ်စေတဲ့) လမစေ့ဘဲမွေးခြင်းဟာ ဆင်းရဲမွဲတေမှုနဲ့ ကျန်းမာရေးစောင့်ရှောက်မှု အပြည့်အ၀မရလို့ဆိုတာ ကျွန်တော်တို့ သိပါတယ်” လို့  March of Dimes ကျန်းမာရေးအဖွဲ့က အကြီးတန်းဒုတိယဥက္က ကျန်းမာရေးအရာရှိ ဒေါက်တာ အက်ဒ၀ပ် မက်ကာဘီက ဆိုပါတယ်။

ပြီးတော့ မိုနာကိုမှာ အမေရိကန်လိုမျိုး မြို့တစ်မြို့မှာ ရှိရမယ့်ဆရာဝန်တွေဟာ သုံးဆလောက်များပြီး သူတို့တတွေထံမှာ အလွယ်တကူ ကုသမှုခံယူနိုင်တယ်လို့လည်း သူက ပြောခဲ့ပါသေးတယ်။

“သင်ဟာဘယ်လိုလူမျိုးပဲ ဖြစ်နေပါစေ။ ကျန်းမာရေးစောင့်ရှောက်မှု အပြည့်အ၀ ယူမယ်ဆိုရင်တော့ သင့်ရဲ့ ကလေးဟာ ကျန်းမာစွာနဲ့ မွေးဖွးနိုင်ပါလိမ့်မယ်”

ကံကောင်းထောက်မစွာနဲ့ပဲ မွေးကင်းစကလေးငယ်သေဆုံးမှုအန္တရာယ်ကို လျှော့ချဖို့အတွက် ပြင်သစ်က Riveira ကို သွားဖို့ မလိုတော့ပါဘူး။ အမေရိကန် ရောဂါဘယ ကာကွယ် တားဆီးရေးနဲ့ ထိန်းချုပ်မှုစင်တာ CDC ကတော့ ကိုယ်ဝန်ဆောင်မိခင်တွေအနေနဲ့ ဖောလစ်အက်စစ်ပါတဲ့ ဆေးတွေသောက်ဖို့၊ ကျန်းမာရေးနဲ့ ညီညွတ်တဲ့ အစားသောက်တွေ စားဖို့၊ လေ့ကျင့်ခန်းလုပ်ဖို့နဲ့ သင့်လျော်တဲ့ ကျန်းမာရေးစောင့်ရှောက်မှုတွေကို ရယူဖို့ တိုက်တွန်းထားပါတယ်။
……………………………….
နံပါတ် ၄။ ဗန်ကူးဗားမှာ အသက်ပြင်းပြင်းရှူလိုက်ပါ။

လော့အိန်ဂျလီစ်၊ ဆာခရာမန်တို၊ ပေါ့လန်းနဲ့ ဆီယဲလ်တဲလ်တို့ကိုဖြတ်ပြီး အမေရိကန်ပြည်ထောင်စု အနောက်ဘက် ကမ်းရိုးတန်း မက္ကဆီကိုနယ်စပ်နားမှာရှိတဲ့ အဝေးပြေးလမ်း Interstate 5 (I-5) ကနေသွားပြီဆိုရင် ပထမဆုံး ရပ်နားရမယ့်နေရာက ကနေဒါနိုင်ငံထဲက ဗန်ကူးဗားမြို့ပဲ ဖြစ်ပါတယ်။

လူရှုပ်တဲ့ ဗန်ကူးဗားမြို့မှာ ကောင်းမွန်တဲ့ သယ်ယူပို့ဆောင်ရေးစနစ် ရှိပါတယ်။ စက်ဘီးစီးဖို့ လမ်းတွေဟာ မိုင်းပေါင်းများစွာရှိပြီး ကနေဒါမှာ လမ်းအလျှောက်နိုင်ဆုံးမြို့လို့လည်း ဗန်ကူးဗားကို တင်စားကြပါတယ်။

ဗန်ကူးဗားမှာ ကားတွေပြည့်ကျပ်နေတဲ့ ယဉ်ကျေးမှုမျိုး မရှိတာကလည်း ကမ္ဘာ့အသန့်ရှင်းဆုံးနဲ့ လေကောင်းလေသန့်အရဆုံး နေရာအဖြစ် မှတ်တမ်းဝင်တဲ့ အကြောင်းအရင်းတွေထဲက တစ်ခုပါပဲ။

အခြားအကြောင်းအရင်းတွေကတော့ အဆောက်အဦးဆောက်တဲ့နေရာနဲ့ စီးပွားရေးလုပ်တဲ့နေရာမှာ သဘာဝပတ်ဝန်းကျင် စံချိန်စံညွှန်းတွေနဲ့ ကန့်သတ်ထားတာမျိုးတွေဖြစ်ပြီး၊ အမြဲတမ်းစိမ်းနေတဲ့ သစ်တောတွေ၊ ပင်လင်ပြင်ကလာတဲ့ လေနုအေးလေးတွေကလည်း ဗန်ကူးဗားလေထုကို သန့်စင်စေပါတယ်။

ဘယ်မြို့မှာမဆို လေထုသန့်ရှင်းမှုဟာ ကျန်းမာရေးညွှန်းကိန်း ဖြစ်တယ်လို့ အမေရိကန်အဆုတ်အသင်းက ပေါ်လစီရေးရာဥက္ကဌ ဂျာနိုက်စ် နိုလန်က ဆိုပါတယ်။

“(လေထုညစ်ငြမ်းမှုဟာ) လူကိုသေစေနိုင်ပါတယ်။ လူ့အသက်ကို ရက်တွေကနေ လတွေအထိ တိုစေနိုင်ပါတယ်” လို့ သန်းရှင်းတဲ့လေရရှိရေးနဲ့ ပတ်သက်ပြီး သူမက ပြောကြားခဲ့ပါတယ်။

လေထုညစ်ငြမ်းမှုဟာ နှလုံးရောဂါ၊ လေဖြတ်တာနဲ့ ကလေးတွေမှာဆိုရင် ပန်းနာရင်ကြပ်ရောဂါကို ဖြစ်စေပါတယ်။ လေထုညစ်ညမ်းမှုကြောင့်ပဲ မွေးကင်းစ ကလေးတွေ အလေးချိန်ကျတတ်ပြီး၊ အဆုတ်ကင်ဆာကိုလည်း ဖြစ်စေနိုင်ပါတယ်။

ကားတွေက ထုတ်လွှတ်တဲ့ မီးခိုးတွေဟာ လေထုညစ်ငြမ်းမှုရဲ့ အဓိကအကြောင်းအရင်း ဖြစ်ပြီး၊ လေ့လာမှုတွေအရ ကားအသွားအလာများတဲ့ လမ်းနားမှာ နေသူတွေဟာ အဲဒီလို နေရာမှာ မနေသူတွေထက် အမှုန်တွေ၊ အန္တရာယ်ရှိတဲ့ ဓာတုဗေဒပစ္စည်းတွေကို ပိုမိုရှူရှိုက်မိကြတယ်ဆိုတာ တွေ့ခဲ့ရပါတယ်။

၂၀၁၁ ခုနှစ်မှာ ဗန်ကူးဗားဟာ “စိမ်းလမ်းသောမြို့” တည်ဆောက်ဖို့အတွက် အစီအစဉ်တစ်ခုကို ရေးဆွဲခဲ့ပါတယ်။ ကနေဒါရဲ့ မြို့တော်က မြို့ပြဧရိယာကို ကမ္ဘာပေါ်မှာ သဘာဝပတ်ဝန်းကျင်နဲ့ သဟဇာတအဖြစ်ဆုံး မြို့ဖြစ်ဖို့ ရည်ရွယ်တာဖြစ်ပြီး ၂၀၂၀ ခုနှစ်မှာ အပြီးတည်ဆောက်သွားမယ်လို့ ရည်မှန်းထားပါတယ်။

ဗန်ကူးဗားအုပ်ချုပ်သူတွေဟာ သူတို့မြို့ရဲ့ သဘာဝပတ်ဝန်းကျင်ကို ထိန်းသိမ်းဖို့အတွက် အများကြီး ဆောင်ရွက်ကြပါတယ်။ ဒေသခံတွေဟာ စိမ်းလန်းတဲ့ ကွင်းပြင်တွေကို အလွယ်တကူသွားလို့ရတယ်။ သန်ရှင်းတဲ့ရေရပြီး၊ ပင်လယ်ပြင်တွေ၊ တောင်တန်းတွေဆီကိုလည်း သွားလို့ရပါသေးတယ်။

တစ်ချိန်တည်းမှာပဲ စီးပွားရေးလုပ်ငန်းရှင်တွေနဲ့ အစိုးရဟာ ပူးပေါင်းပြီး မြို့လည်ခေါင်ကို တဖြည်းဖြည်းနဲ့ တိုးတက်အောင် ဆောင်ရွက်ကြပါတယ်။ ဒီလိုဆောင်ရွက်ပေးထားတာကြောင့် လွန်ခဲ့တဲ့ နှစ် ၂၀ အတွင်း ဗန်ကူးဗားကို လာရောက် နေထိုင် အလုပ်လုပ်ကြတဲ့ သူတွေဟာ ၇၅ ရာခိုင်နှုန်းအထိ တိုးတက်လာခဲ့ပါတယ်။ ဒါ့ကြောင့် မြို့တွင်းကို ကားမောင်းပြီး နေ့စဉ် ထွက်တာဝင်တာတွေလည်း နည်းသွားခဲ့ပါတယ်။

အားလုံးခြုံပြီးပြောရမယ်ဆိုရင်တော့ ဗန်ကူးဗားမှာ ၁၉၉၀ ကတည်းကစပြီး အခုအချိန်အထိ လူဦးရေ ၃၀ ရာခိုင်နှုန်း အလုပ်အကိုင် ၁၆ ရာခိုင်နှုန်း တိုးလာပေမယ့် ကာဗွန် ထုတ်လွှတ်မှုကို ၆ ရာခိုင်နှုန်းအထိ လျှော့ချနိုင်တာကို တွေ့ခဲ့ရပါတယ်။

ဗန်ကူးဗားမြို့တော်ကောင်စီရဲ့ လက်ထောက်မန်နေဂျာ ဆဒ်ဟူ ဂျွန်စတန်ကတော့ ဗန်ကူးဗားဟာ ပြည်သူတွေရဲ့ လူနေမှုဘ၀တွေ၊ စီးပွားရေးတွေကို မထိခိုက်စေဘဲ သန့်ရှင်းစိမ်းလန်းပြီး ဘဘာဝပတ်ဝန်းကျင်နဲ့ လျော်ညီတဲ့ မြို့တစ်ခု ဖန်တီးလို့ရတယ်ဆိုတာကို ပြသနေတာ ဖြစ်တယ်လို့ အမွှန်းတင် ပြောဆိုခဲ့ပါတယ်။
………………………………
နံပါတ် ၅။ မဲလ်ဘုန်း သို့မဟုတ် နေပျော်စရာမြို့

– အရပ်ဒေသတစ်ခုမှာ နေပျော်ခြင်းဆိုတာက လူအမျိုးမျိုးကိုလိုက်ပြီး ကွဲပြားခြားနားနိုင်ပါတယ်။ ဒါပေမယ့် မဲလ်ဘုန်းက လူမှုဘ၀ အရည်အသွေးတွေကိုတော့ လူအများက သဘောတူနိုင်ပါလိမ့်မယ်။

ခေါင်းစဉ်တွေခွဲပြီး ကမ္ဘာပေါ်က မြို့တွေကို သုတေသနလုပ်ကာ အဆင့်သတ်မှတ်တဲ့ အဖွဲ့တစ်ခုဖြစ်တဲ့ Economist Intelligence Unit (EIU) က ကမ္ဘာ့အနေပျော်ဆုံး မြို့ကို ပြီးခဲ့တဲ့ စက်တင်ဘာလက ရွေးချယ်ခဲ့ရမှာတော့ သြစတေးလျ ကမ်းရိုးတမ်းမြို့တစ်ခုဖြစ်တဲ့ မဲလ်ဘုန်းဟာ နံပါတ် ၁ အဖြစ် သတ်မှတ်ခြင်း ခံခဲ့ရပါတယ်။ ဒါဟာ ဒီစာရင်းမှာ လေးနှစ်ဆက်တိုက် ထိပ်ဆုံးမှာ ရှိနေတာလည်း ဖြစ်ပါတယ်။

ဒီလိုသတ်မှတ်ဖို့အတွက် ရာဇ၀တ်မှုနည်းပါးမှု၊ ကျန်းမာရေးစောင့်ရှောက်မှုနဲ့ ပညာရေးစနစ်ကောင်းမွန်မှု၊ လူမျိုးဘာသာ မတူညီမှုအပေါ်မှာ သည်းခံနိုင်စွမ်းရှိမှု၊ ယဉ်ကျေးမှုဆိုင်ရာနဲ့ သြစတေးလျအိုးပင်း တင်းနစ်ပြိုင်ပွဲလို အားကစားလှုပ်ရှားမှု စတဲ့ မှတ်ကျောက်တွေနဲ့ တိုင်းတာခဲ့တာဖြစ်ပြီး မြို့ပေါင်း ၁၄၀ မှာ မဲလ်ဘုန်းဟာ ထိပ်ဆုံး ချိတ်ခဲ့တာပါ။

ကောက်ကွေ့စွာ စီးဆင်းနေတဲ့ မြစ်ဘေးကနေ တလက်လက်တောက်ပနေတဲ့ ရေပြင်ကို ကြည့်ရတာ၊ ခမ်းနားထည်ဝါတဲ့ ဗိသုကာလက်ရာတွေ၊ စိမ်းလန်းတဲ့ ကွင်းပြင်ကျယ်ကြီးတွေ၊ မျှတတဲ့ ရာသီဥတု စတာတွေကြောင့်လည်း မဲလ်ဘုန်းဟာ ဒီလိုရွေးချယ်ခံခဲ့ရတာပါ။

“ကျွန်တော်တို့ရဲ့ စစ်တမ်းကောက်ယူမှုမှာ မဲလ်ဘုန်းက တော်တော်လေးကောင်းတဲ့ အကြောင်းအရင်းကတော့ မဲလ်ဘုန်းဟာ လူတစ်ဦးတစ်ယောက်ရဲ့ နေ့စဉ်ဘ၀ကို စိန်ခေါ်မှု နည်းစေတာပါပဲ” လို့  EIU က လေ့လာဆန်းစစ်သူတစ်ယောက်ဖြစ်ပြီး နေပျော်စရာမြို့ရွေးချယ်ရေးအဖွဲ့ရဲ့ အယ်ဒီတာဖြစ်သူ ဂျွန် ကော့စတိတ်က ဆိုပါတယ်။

အခြားတစ်ဖက်မှာ မြို့ဟာ သန့်ရှင်းတယ်၊ လုံခြုံတယ်၊ ဖော်ရွေမှုရှိတယ်၊ ရာသီဥတုကောင်းသလို ၀န်ပိစေတဲ့ အခြေခံအဆောက်အဦး ဒါမှမဟုတ် မြို့ပြအများစုမှာ ရှိကြတဲ့ လူမှုရေးဆိုင်ရာ မငြိမ်မသက်မှုတွေလည်း မရှိပါဘူး။

ပြီးတော့ မဲလ်ဘုန်းမှာ ကျယ်ပြန့်တဲ့ ရထားလိုင်းကွန်ယက်တွေ ရှိသလို ဓာတ်ရထားတွေ၊ ကားမောင်းစရာမလိုဘဲ စက်ဘီးနဲ့ နေရာအနှံ့ သွားလို့ရတဲ့ စက်ဘီးလမ်းကြောင်းတွေလည်း ရှိပါတယ်။ သြစတေးလျရဲ့ ယဉ်ကျေးမှုမြို့တော်လို့ လူအများထင်ထားသလိုပဲ မဲလ်ဘုန်းမှာ ရှင်သန်နေတဲ့ အနုပညာ ပြခန်း၊ ပြကွက်တွေလည်း ရှိပါတယ်။

ဒါပေမယ့် ဒီမြို့ဟာ လူတစ်ယောက်ရဲ့ စိတ်ကျန်းမာရေးကို တကယ် တိုးတက်စေနိုင်ပါလား?

ဟုတ်ကဲ့။ တိုးတက်စေနိုင်ပါတယ်လို့ အများပြည်သူ အပန်းဖြေအနားယူနိုင်ဖို့ နေရာတွေကို ဒီဇိုင်းဆွဲ တည်ဆောက်ပေးနေတဲ့ Gehl Architects ဗိသုကာကုမ္ပဏီမှ ဂျက်ဖ် ရီဆမ်က ဆိုပါတယ်။ နောက်ပြီး ပန်းခြံအသစ်တွေ၊ ရင်ပြင်တွေ၊ ရထားတွေ၊ ယဉ်ကျေးမှုဆိုင်ရာ ပြပွဲတွေက ပြည်သူတွေကိုပျော်ရွှင်စေမည့် အခွင့်အရေးတွေကို ပေးနိုင်လိမ့်မယ်လို့ ရီဆမ်က ယုံကြည်နေပါတယ်။

ဒါတွေဟာ Conde Nast Traveler မဂ္ဂဇင်းက စာဖတ်သူတွေ ရွေးချယ်ခဲ့တဲ့ ကမ္ဘာ့အဖော်ရွေဆုံး မြို့စာရင်းမှာ မဲလ်ဘုန်းဟာ နယူးဇီလန်က အော့ကလန်မြို့နဲ့အတူ ရွေးချယ်ခံခဲ့ရတဲ့ အကြောင်းအရင်းတွေလည်း ဖြစ်ပါတယ်။

ယခင်ရွှေထွက်ရာဒီမြို့ရဲ့ ရေရှည်အနာဂတ်ကတော့ရှင်းပါတယ်။ မဲလ်ဘုန်းရဲ့ လိုက်မမီလောက်တဲ့ တိုးတက်နှုန်းက လူတွေကြိတ်ကြိတ်တိုးတာ၊ ရာဇ၀တ်မှုတွေပေါလာတာနဲ့ မြို့ပြမှာရှိတဲ့ အခြားသော မကောင်းမှုတွေ ၀င်ရောက်လာနိုင်စရာ အကြောင်းတွေ ရှိနေပါတယ်။

ဒါပေမယ့် အခုအချိန်မှာတော့ လှပပြီး၊ ကျန်မာရေးနဲ့ညီညွတ်တဲ့ နေချင်စရာ နေရာတစ်ခုပါပဲ။
…………………………………………..
နံပါတ် ၆။ ဆေးလိပ်ကင်းစင်မြို့ သို့မဟုတ် နယူးယောက်

လူအများစုရဲ့ အမြင်မှာ နယူးယောက်မြို့ဟာ ကျန်းမာရေးနဲ့ ညီညွှတ်တဲ့မြို့မဟုတ်ဘူးလို့ ထင်ကြပါတယ်။ ဆူညံတယ်၊ လူရှုပ်တယ်၊ အငှားကားထဲက ထွက်လိုက်ပြီဆိုတာနဲ့ လမ်းသွားလမ်းလာတွေနဲ့ ဒုက္ခရောက်တယ်။ မြို့သူမြို့သားတွေဟာ လူသွားလမ်းကို ၈ သန်းသော လူတွေနဲ့ မျှဝေသုံးစွဲရတာဟာလည်း တိုက်ပွဲတစ်ပွဲလိုပါပဲ။

ဒါပေမယ့် သင်ဟာ ဆေးလိပ်အနံ့ မခံနိုင်သူတစ်ဦး ဖြစ်မယ်ဆိုရင်တော့ နယူးယောက်ဟာ သင့်အတွက် နိဗ္ဗာန်ပါပဲ။ မြို့ကြီးတွေထဲမှာ နယူးယောက်ဟာ ဆေးလိပ်သောက်တာကို နှိပ်ကွပ်တဲ့နေရာမှာ ရှေ့ဆောင်လမ်းပြ မြို့တစ်မြို့ပါပဲ။

ဆေးလိပ်ငွေ့ရှူရှိုက်မိသူတွေရဲ့ အန္တရာယ်ကို စတင်သတိပြုမိပြီး၊ အလုပ်ခွင်တွေမှာ ဆေးလိပ်သောက်သုံးခြင်းကို ပိတ်ပင်တဲ့ ဥပေဒကို နယူးယောက်မှာ လွန်ခဲ့တဲ့ နှစ် ၂၀ လောက်ကတည်းက ထုတ်ပြန်ခဲ့တာပါ။ ၂၀၀၂ ခုနှစ်မှာတော့ မြို့တော်ဝန် မိုက်ကယ် ဘလွမ်းဘာ့ဂ်ဟာ အရက်ဘားနဲ့ စားသောက်ဆိုင် အားလုံးနီးပါးမှာပါ ဆေးလိပ်သောက်သုံးမှုကို တိုးချဲ့ ပိတ်ပင်လိုက်ပါတယ်။ ဒီလိုပိတ်ပင်ခဲ့မှုကြောင့် ကန့်ကွက်သံတွေ ညံခဲ့ပေမယ့် နောက်ပိုင်းမှာ တစ်ဖြည်းဖြည်းနဲ့ လျော့ပါးလာခဲ့ပြီး စားသောက်သူတွေကလည်း ဥပဒေအသစ်နဲ့ နေသားကျသွားခဲ့ပါတယ်။

ဒီလိုပိတ်ပင်မှုဟာ နယူးယောက်က သူတွေရဲ့ ဆေလိပ်သောက်ချင်တဲ့ ဆန္ဒကိုလည်း လျော့ကျစေခဲ့ပါတယ်။ မြို့ရဲ့ ကျန်းမာရေးဌာနက စစ်တမ်းကောက်ယူမှုအရ ၂၀၀၂ ခုနှစ်ကနေ ၂၀၁၂ ခုနှစ်အတွင်း အရွယ်ရောက်သူဦးရေရဲ့ ၂၈ ရာခိုင်နှုန်းဟာ ဆေးလိပ် သောက်သုံးဖို့ ငြင်းဆန်ခဲ့ကြပါတယ်။ အဲဒီအချိန်အတွင်းမှာပဲ နယူးယောက် အထက်တန်းကျောင်းသားတွေရဲ့ ဆေးလိပ်သောက်သုံးမှုဟာလည်း ၅၀ ရာခိုင်နှုန်းအထိ လျော့ကျခဲ့ပါတယ်။

ကျန်မာရေး တာဝန်ရှိသူတွေက ဆေးလိပ်အငွေ့ ရှူရှိုက်ရသူတွေဟာ ဆေးလိပ်သောက်သုံး သူတွေမှာတွေ့ရတဲ့ အဆုတ်ကင်ဆာလို တူညီတဲ့ ရောဂါမျိုး ဖြစ်စေတယ်လို့ ဆိုပါတယ်။ ဒါ့ကြောင့် ၂၀၁၁ ခုနှစ်မှာ ဘလွမ်းဘတ်ဟာ ဥပဒေတစ်ခုနဲ့ ဆေးလိပ်သောက်သုံးမှု တိုက်ဖျက်ရေးကို ဆောင်ရွက်ခဲ့ပြီး ထိုဥပဒေအရ ပန်းခြံတွေမှာ၊ ကမ်းခြေတွေနဲ့ မြို့တွင်းလျှောက်လမ်းတွေမှာ ဆေးလိပ်သောက်သုံးတာကို တရားမ၀င်အဖြစ် သတ်မှတ်ခဲ့ပါတယ်။

“ဆေးလိပ်သောက်လို့ရတဲ့ နေရာဟာ နည်းနည်းလေးပဲ ကျန်ပါတော့တယ်။ ဆေးလိပ်ဖြတ်ဖို့ လူတွေကို လွယ်ကူအောင် ကျွန်တော်တို့ ဆောင်ရွက်ပေးချင်တာပါ” လို့ နာတာရှည်ရောဂါ တားဆီးကာကွယ်ရေးနဲ့ ဆေးရွက်ကြီး ထိန်းချုပ်ရေးဗျူရိုက လက်ထောက်ကော်မရှင်နာ ခရစ္စတင်း ဂျွန်ဆင်က ပြောခဲ့ပါတယ်။

နယူးယောက်ခေါင်းဆောင်တွေဟာ ဆေးလိပ်ဝယ်ယူရ ခက်အောင်လို့လည်း ဆောင်ရွက်ခဲ့ပါသေးတယ်။ ပြီးခဲ့တဲ့မေလက စတင်သက်ရောက်ခဲ့တဲ့ ဥပဒေမှာ ဆေးလိပ်နဲ့ ဆေးရွက်ကြီးထုတ်ကုန်တွေ ၀ယ်နိုင်တဲ့ အသက်အရွယ်ကို ၁၈ နှစ်ကနေ ၂၁ နှစ်ကို တိုးလိုက်ပါတယ်။ တစ်ချိန်တည်းမှာပဲ ဆေးရွက်ကြီးနဲ့ ပတ်သက်တာတွေ ရောင်းချတဲ့ အခွန်ကိုလည်း မြှင့်တင်လိုက်ပြီး အဲဒီဥပဒေအရ ဆေးလိပ်တစ်ဘူးကို ကန်ဒေါ်လာ ၁၀.၅၀ နှုန်းနဲ့ ရောင်းရမှာဖြစ်တာကြောင့် တစ်နိုင်ငံလုံးမှာ ဒုတိယအမြင့်ဆုံး ဈေးနှုန်းလည်း ဖြစ်ပါတယ်။

နယူးယောက်မြို့ ပြည်သူ့ကျန်းမာရေးအတွက် နောက်ထပ်ဆောင်ရွက်မှုဟာ FDA က ထိန်းညှိမပေးတဲ့ အီးစီးရက်တွကို ပိတ်ပင်တာမျိုး ဖြစ်ကောင်းဖြစ်နိုင်ပါတယ်။

“ဆေးလိပ်ကို ထိန်းချုပ်ရာမှာတော့ နယူးယောက်ဟာ အမြဲတမ်း ခေါင်းဆောင်ပါပဲ။ ကျွန်တော်တို့ပြောချင်တာ ကတော့ ဆေးလိပ် ကင်းစင်ရေး ပေါ်လစီဟာ ဆေးလိပ်သောက် သုံးသူတွေ အပေါ် ယုတ်မာတာမျိုး မဟုတ်ဘဲ၊ နယူးယောက်က ပြည်သူတွေအားလုံး သန့်ရှင်းပြီး ဆေးလိပ်ငွေ့ ကင်းတဲ့ လေကောင်းလေသန့်ကို ရှူရှိုက်ဖို့ အခွင့်အရေးကို အသိအမှတ်ပြုတာပဲဖြစ်ပါတယ်” လို့ ပြည်သူ့ကျန်းမာရေး  အဖြေရှာရေး အစီအစဉ်အောက်က ဆေးလိပ်ကင်းစင်မြို့ဖြစ်ရေး မဟာမိတ်အဖွဲ့မှ လက်ထောက်ဒါရိုက်တာ ဒဲဒရီ ဆူလီက ပြောကြားခဲ့ပါတယ်။
………………………………………
နံပါတ် ၇။ ဂျွန်ကိုပင်းက အက်စတာ ပရောဂျက်

နောက်ထပ် ဆယ်စုနှစ် ၂ ခုကျော်အတွင်း အနောက်နိုင်ငံတွေမှာ အသက် ၆၅ နှစ်အထိ နေရသူအရေအတွက်ဟာ တိုးလားဖို့ အလားအလာ ရှိနေပါတယ်။ အစိုးရတွေကလည်းသက်ကြီးရွယ်အိုတွေအတွက် အရည်အသွေးပြည့်ဝတဲ့ စောင့်ရှောက်မှုစနစ်တွေသာမက ရေရှည်ခံမယ့် စနစ်မျိုးကိုလည်း အကောင်အထည်ဖော်ဖို့ လိုအပ်ပါတယ်။

အဲဒီအတွက် နိုင်ငံခေါင်းဆောင်တွေဟာ ဆွီဒင်က ဂျွန်ကိုပင်းမြို့ကိုသွားပြီး အများကြီး လေ့လာနိုင်ပါတယ်။

အက်စတာဟာ အတော်အသင့်ပြည့်စုံတဲ့ ပင်စင်စား အဘွားအိုတစ်ယောက်ဖြစ်ပြီး နာတာရှည် ကျန်းမာရေးပြဿနာနဲ့ ရင်ဆိုင်နေရတဲ့သူတစ်ဦးလည်း ဖြစ်ပါတယ်။ မြို့ထဲမှာ အက်စတာရဲ့ မိတ်ဆွေတွေရှိပြီး သမီးဖြစ်သူကတော့ ဂျွန်ကိုပင်းရဲ့အခြားတစ်ဖက်မှာ ရှိတဲ့ မြို့မှာ နေထိုင်ပါတယ်။ ဒါပမေယ့် အက်စတာဟာ တစ်နေ့ထက်တစ်နေ့ သူရဲ့တိုက်ခန်းငယ်လေးထဲမှာပဲ အချိန်တွေကို ကုန်ဆုံးပါတယ်။

အသက် ၈၈နှစ်ရှိပြီဖြစ်တဲ့ အက်စတာဟာ ဒီလိုပဲနေခဲ့တာဖြစ်ပြီး နောက်လည်း ဒီလိုပဲ နေသွားအုံးမှာပါ။

နောက်ပြီး အက်စတာဟာ သက်ကြီးရွယ်အိုတွေရဲ့ ဘ၀ပြဿနာတွေကို ဖြေရှင်းပေးဖို့ အစိုးရက ကူညီပေးလိမ့်မယ်ဆိုတဲ့ အိပ်မက်ကို မက်နေသူတစ်ယောက်လည်း ဖြစ်ပါတယ်။ အက်စတာရဲ့ ဒီအိပ်မက်ကပဲ “အက်စတာပရောဂျက်” လို့ခေါ်တဲ့ သက်ကြီးရွယ်အိုတွေကို စောင့်ရှောက်တဲ့စနစ် ဆွီဒင်မှာ ပေါ်ပေါက်လာရခြင်းပဲ ဖြစ်ပါတယ်။

သက်ကြီးရွယ်အိုတွေ အရည်အသွေးပြည့်ဝတဲ့ ဘ၀တွေကို ပိုင်ဆိုင်ရဖို့အတွက် ၀င်ငွေတည်ငြိမ်မှု၊ ဘ၀မျှော်လင့်ချက်၊ စိတ်ပိုင်းဆိုင်ရာ အခြေအနေကောင်းမွန်မှု၊ အလုပ်အကိုင်နဲ့ ပညာရေး တွေပါအ၀င် အခြားသော ဆောင်ရွက်မှု အများအပြားကို လုပ်ဆောင်ပေးရာမှာ ဆွီဒင်ဟာ ကမ္ဘာ့ထိပ်ဆုံးအဆင့် နားလောက်မှာရှိတယ်လို့ ကယ်လီဖိုးနီးယားတက္ကသိုလ် ပြည်သူ့ဖူလုံရေးဘာသာရပ်မှ ပါမောက္ခ အန်ဒရူး ရှာလက်ခ်ျက ဆိုပါတယ်။

ဒါဟာကောင်းမွန်တဲ့ စနစ်ပါလို့ ဂျွန်ကိုပင်းမြို့ရေးရာ သင်ယူရေးနှင့် ပြင်ဆင်မွမ်းမံရေး အမှုဆောင်အကြီးအကဲက ဂိုရန် ဟန်းနရစ်ကလည်း ပြောခဲ့ပြီး၊ တိုးတက်မှုအတွက် လုပ်ဆောင်ရမှာတွေ အမြဲတမ်းရှိနေတယ်လို့ ဖွင့်ဟခဲ့ပါတယ်။

အက်စတာအနေနဲ့ ရင်ဘတ်အောင်တဲ့ရောဂါကြောင့် သမီးဖြစ်သူကို လှမ်းခေါ်တဲ့အခါ ဘာဖြစ်မလဲလုိ့ ဟင်းနရစ်နဲ့အဖွဲ့က ဆန်းစစ်ကြည့်ရာမှာတော့ အက်စတာဟာ တစ်နေရာကနေ အခြားတစ်နေရာကို ၁၂ နာရီလောက် တစ်ရွေ့ရွေ့သွားရမယ်။ စမ်းသပ်မှုတွေ အများကြီး လုပ်ခံရမယ်၊ လူ ၃၀ လောက်ရဲ့ မေးမြန်းမှုကို ဖြေကြားရပြီး အချိန်အကြာကြီး စောင့်ရမယ်ဆိုတာကို တွေ့ခဲ့ရပါတယ်။

ဒါ့ကြောင့် “အက်စတာအတွက် ဘာလုပ်ပေးရင် ကောင်းမလဲ” ဆိုတာက သက်ကြီးရွယ်အိုတွေကို စောင့်ရှောက်ဖို့အတွက် ပေါ်လစီအသစ်ကို ဦးတည်စေခဲ့တယ်လို့လည်း ဟင်းနရစ်က ဆိုပါတယ်။

အဲဒီပေါ်လစီသစ်ရ အက်စတာဟာ သူနာပြုတစ်ယောက် ရရှိမှာဖြစ်ပြီး အိမ်မှာ ရက်အနည်းငယ် အနားယူနိုင်ကာ နောက်ပိုင်းမှာ ဆေးရုံကို ပြင်ပလူနာအဖြစ် တက်ရောက် ကုသနိုင်မှာဖြစ်ပါတယ်။ ဒီအတွက် အက်စတာအပေါ်မှာရော၊ စနစ်အပေါ်မှာပါ အခွန်ကလည်း နည်းနည်းသာ ကုန်ကျမှာပါ။

ရေရှည်ကိုကြည့်လိုက်ရင် အက်စတာ ပရောဂျက်ဟာ အံ့သြလောက်ဖွယ် အောင်မြင်ခဲ့ပြီး ဂျွန်ကိုပင်းက သက်ကြီးရွယ်အိုတွေအတွက် ထိရောက်ပြီး၊ တစ်သားတည်းဖြစ်တဲ့ စောင့်ရှောက်မှု စနစ်မျိုး ဖြစ်လာခဲ့တယ်လို့ ဟင်းနရစ်က ထပ်လောင်း ပြောကြားခဲ့ပါသေးတယ်။ ဒီစနစ်ကနေ မျှော်လင့်မထားတဲ့ အခြားရလဒ်တစ်ခုကတော့ ဒေသတွင်း ကုန်ကျစားရိတ်ကြီးမားတဲ့ ဆေးရုံအိပ်ရာတွေ အများအပြား လျှော့ချနိုင်တာပဲ ဖြစ်ပါတယ်။
…………………………..
နံပါတ် ၈။ ကြိုတင်ကာကွယ်ခြင်းလုပ်ငန်းကို အပြည့်အ၀ အကောင်အထည်ဖော်တဲ့ ဟာဗားနား

ကျူးဘားနိုင်ငံက ဟာဗားနားမြို့ ကမ္ဘာပေါ်မှာ ကျန်းမာရေးနဲ့ အညီညွတ်ဆုံးမြို့တွေထဲက တစ်မြို့ဖြစ်မယ်လို့ ထင်တောင်ထင်ကြမှာ မဟုတ်ပါဘူး။

ဟုတ်ပါတယ်။ တိုင်းပြည်က လူများစုဟာ ကမ်းကုန်အောင် ဆင်းရဲကြတယ်။ နောက်ပြီး အမေရိကန်ရဲ့ ကုန်သွယ်မှု ပိတ်ပင်ထားခြင်းက ကျန်းမာရေးဆိုင်ရာ အကောင်းဆုံး နည်းပညာတွေ ကျန်းမာရေးဝန်ထမ်းများရဲ့လက်ကို မရောက်တာမျိုးလည်း ဖြစ်စေပါတယ်။ ဒါပေမယ့် ကြိုတင်ကာကွယ်တားဆီးမှုကို အာရုံစိုက်လုပ်ဆောင်ထားတာကြောင့် ပြည်သူတွေဟာ ရောဂါကြီးကြီးမားမားတွေဖြစ်ပြီး ဆေးရုံတက်ရတဲ့ အန္တရာယ်ကနေ လျော့ကျစေပါတယ်။

လူဦးရေ ၁၁ သန်းရှိတဲ့ ကျူးဘားနိုင်ငံဟာ တစ်ဦးချင်း ပျမ်းမျှသက်တမ်း ၇၉ နှစ်ရှိပြီး အမေရိကန်ပြည်ထောင်စုက ပျမ်းမျှသက်တမ်းနဲ့ အတူတူပါပဲ။ မွေးကင်းစ ကလေးငယ် သေဆုံးမှုနှုန်း လျော့နည်းမှုကတော့ အမေရိကန်ထက်တောင် သာပါသေးတယ်။ ကျူးဘားအစိုးရဟာ ကျန်းမာရေးစောင့်ရှောက်မှုမှာ ပြည်သူတစ်ဦးချင်းစီအတွက် ကန်ဒေါ်လာ ၄၀၀ သာ သုံးစွဲပြီး အမေရိကန်ကတော့ ၉၀၀၀ နီးပါး သုံးစွဲပါတယ်။ ဘယ်လိုလဲ?
အကြောင်းအရင်းကတော့ ကာကွယ်တားဆီးခြင်းပါပဲ။

“အခြေခံကျကျပြောရရင် ကာကွယ်တားဆီခြင်းဟာ ဒီလောက်ကို ငွေကုန်ကျေးကြ သက်သာစေပါတယ်။ တကယ်လို့ သင်တို့နိုင်ငံဟာ ကျူးဘားလို့ အရင်းအမြစ်တွေ ကန့်သတ်မှုရှိနေတဲ့ တိုင်းပြည်ဆိုရင် သင့်ရဲ့ ရင်းမြစ်တွေကို အထိရောက်ဆုံးနည်းလမ်း၊ ငွေကြေးအကုန်အကျ သက်သာတဲ့နည်းလမ်းနဲ့တွေနဲ့ အသုံးချမှာပါပဲ” လို့ အမေရိကန် ပြည်ထောင်စုနဲ့ ကျူးဘားနိုင်ငံအကြား ကျန်းမာရေးဆိုင်ရာ ကြိုးပမ်းမှုတွေကို အကျိုးအမြတ်မယူဘဲ ပူးပေါင်းဆောင်ရွက်နေတဲ့ MEDICC အဖွဲ့က အမှုဆောင်ဒါရိုက်တာ ပီယာရီ လာရမ်မီက ဆိုပါတယ်။

ရာနှုန်းပြည့် ကာကွယ်ဆေးထိုးပေးတာနဲ့ ပုံမှန်ကျန်းမာရေး စောင့်ကြည့်တာမျိုးလို ရိုးရိုးဆောင်ရွက်မှုတွေက ဟာဗားနားရဲ့ ကျန်းမာရေး စောင့်ရှောက်မှုကို အထောက်အကူ ဖြစ်စေခဲ့ပါတယ်။ ရပ်ကွက်တိုင်းမှာ ဆရာဝန်ထိုင်တဲ့ အိမ်ငယ်လေးတွေရှိပြီး ကျန်းမာရေး စောင့်ရှောက်မှုကို အခမဲ့ရယူနိုင်ပါတယ်။

ပိုကြီးတဲ့ တတိယအဆင့် ဆေးရုံတွေကတော့ ရှုပ်ထွေးတဲ့ ရောဂါဝေဒနာတွေကို ကုသပေးပါတယ်။ ရပ်ကွပ်အတွင်းမှာ စောစောစီးစီး တားဆီးနိုင်တဲ့ ရောဂါတွေကိုတော့ ဒေသခံတွေက ဆရာဝန်တွေနဲ့ ဆက်သွယ်ဆောင်ရွက်ခဲ့ကြပါတယ်။

မိမိကျန်းမာရေးကို ဂရုစိုက်ဖို့နဲ့ အိမ်နီးချင်းတွေကို စောင့်ရှောက်ဖို့ဆိုတာ ဟာဗားနားက ပြည်သူတွေ ငယ်ငယ်ကလေးကတည်း သင်ကြားခံခဲ့ရတဲ့ လက်တွေ့လုပ်ဆောင်မှု တစ်ခုပါလို့ လာရမ်မီက ဆိုပါတယ်။ ကလေးငယ်တွေကို ရှေးဦးသူနာပြုနည်းတွေနဲ့ CPR တွေ သင်ပေးကြတယ်။ ဒါတွေဟာ မုန်းတိုင်း ခဏခဏတိုက်တဲ့နေရာ၊ အရေးပေါ် ကျန်းမာရေးဝန်ဆောင်မှုတွေ ရှားပါးတဲ့နေရာတွေမှာ အရေးပါတဲ့လုပ်ဆောင်မှုတွေပါပဲ။

“တကယ်လို့ ပြည်သူတွေကို ကျန်းမာရေးနဲ့ ပတ်သက်ပြီး လေ့ကျင့်သင်ကြားပေးမယ်ဆိုရင် သင့်အလျော်တဲ့ အဟာရရဖို့ လိုအပ်ချက်နဲ့၊ လေ့ကျင့်ခန်းလုပ်ဖို့ လိုအပ်ချက်တွေဟာ ကျန်းမာရေးရဲ့ နိစ္စဓူဝ ယဉ်ကျေးမှုတစ်ခု ဖြစ်လာမှာပါ” လို့ လာရမ်မီက ပြောကြားခဲ့ပါတယ်။

ကာကွယ်တားဆီးနဲ့ ပတ်သက်ပြီး အစိုးရရဲ့ အာရုံစိုက် လုပ်ဆောင်မှုရဲ့ နောက်ထပ် အကျိုးသက်ရောက်မှုတစ်ခုကတော့ ဆေးကျောင်းတွေကို အခမဲ့ တက်ခွင့် ပေးထားတာပါပဲ။ ကျူးဘားနိုင်ငံဟာ အခြားသော လက်တင်အမေရိက နိုင်ငံတွေထက် ဆရာဝန်တွေကို ပိုမိုမွေးထုတ်ပေးပါတယ်။

အချို့သော ဝေဖန်သူတွေကတော့ ကျူးဘားက ဆရာဝန်တွေဟာ တစ်လကို ကန်ဒေါ်လာ ၂၀ ကနေ ၃၀ လောက်ပဲရကြပြီး၊ အပိုဝင်ငွေရဖို့အတွက် ဆရာဝန်တိုင်းနီးပါး အငှားကား မောင်းတာမျိုးတွေ လုပ်ရတယ်လို့ ထောက်ပြကြပါတယ်။ ရှုပ်ထွေးတဲ့ ရောဂါတွေ၊ ဖြစ်ခဲတဲ့ ရောဂါတွေကို ကုသတာမျိုးတွေ မရှိဘဲ အမျိုးသား ဦးရေရဲ့ ၂၅ ရာခိုင်နှုန်းဟာ ဆေးလိပ်တွေ သောက်တုန်းပဲလို့ ပြောကြပါတယ်။

ဒါပေမယ့် အပေါ်ကဖော်ပြထားတားအားလုံးကို ကြည့်မယ်ဆိုရင် “ရောဂါဖြစ်မှ ကုသတာထက် မဖြစ်ခင် ပထမအဆင့်ထဲက ကာကွယ်တာဆီးခြင်းဟာ ပိုမိုကောင်းမွန်တယ်” ဆိုတာနဲ့ ပတ်သက်ပြီး ဟာဗားနားက အကောင်းဆုံး ဥပမာပဲ ဖြစ်ပါတော့တယ်။
……………………………………
နံပါတ် ၉။ စာရိတ်နည်းနည်းနဲ့ စင်ကာပူမှာဆေးကုပါ

တကယ်လို့များ သင်ဟာ ကျန်းမာရေးမကောင်းဖြစ်မယ်ဆိုရင်တော့ စင်ကာပူဟာ ဆေးကုသရမယ့် နေရာပါပဲ။

ကမ္ဘာပေါ်မှာ အကောင်းမွန်ဆုံး ကျန်မာရေးစနစ်ရှိတဲ့ နိုင်ငံတွေထဲက တစ်နိုင်ငံအဖြစ် သတ်မှတ်ခံထားရတဲ့ စင်ကာပူမှာ အစိုးရရဲ့ ကျန်းမာရေးစောင့်ရှောက်မှုအစီအစဉ်ကို ပြည်သူ ၈၀ ရာခိုင်နှုန်းက အသုံးပြုကြပါတယ်။

ပိုပြီးအရေးကြီးတာက ကမ္ဘာပေါ်က ချမ်းသာတဲ့နိုင်ငံတွေထက် စင်ကာပူမှာ ကျန်းမာရေး အသုံးစားရိတ် လျော့နည်းတာပဲ ဖြစ်ပါတယ်။ ၂၀၁၃ ခုနှစ်မှာ ပြည်တွင်း ထုတ်ကုန်ရဲ့ ၄.၇ ရာခိုင်နှုန်းဟာ ကျန်းမာရေးကဏ္ဍအတွက်ဖြစ်ပြီး အမေရိကန်ကတော့ ၁၇.၉ ရာခိုင်နှုန်း ရှိတယ်လို့ ကမ္ဘာ့ဘဏ်က ဆိုပါတယ်။

ဒါ့ကြောင့် လျှို့ဝှက်ချက်ကဘာလဲ? Medisave လို့ခေါ်တဲ့ ကျန်းမာရေးဖူလှုံမှု အစီအစဉ်မှာ နိုင်ငံသားအားလုံးပါဝင်ဖို့အတွက် စင်ကာပူ ကျန်းမာရေးဝန်ကြီးဌာနက တောင်းဆိုထားပါတယ်။ အဲဒီအစီအစဉ်ဟာ ပြည်သူတွေအတွက် နာဂတ်မှာ ကျန်းမာရေးအသုံးစားရိတ်ကာမိဖို့ ဆောင်ရွက်ပေးတဲ့ အစီအစဉ်ဖြစ်ပါတယ်။ ပြည်သူတွေဟာ ရရှိတဲ့ဝင်ငွေပေါ် မူတည်ပြီး ကျန်းမာရေးဆိုင်ရာ အမတော်ငွေကိုလည်း ရရှိကြပါတယ်။ ကျန်းမာရေး ကုန်ကျစားရိတ်ကို ရှင်းရှင်းလင်းလင်း ဖော်ပြရပြီး အာမခံ ကုမ္ပဏီတွေကိုလည်း အစိုးရက ထိန်းချုပ်ထားပါတယ်။

“ဈေးနှုန်းနဲ့ ထွက်ငွေအတွက် ထင်သာမြင်သာရှိမှုဟာ အရည်အသွေးမြင့်များဖို့အတွက် အရမ်း အရေးကြီးပါတယ်။ ဒါတွေမရှိဘူးဆိုရင်တော့ ကျန်းမာရေးစောင့်ရှောက်မှုစနစ်ကို စီမံဖို့ အရမ်းခက်ခဲမှာပါ” လို့ နိုင်ငံတကာ ကျန်းမာရေးစောင့်ရှောက်မှုအဖွဲ့ ဖြစ်တဲ့ ACCESS Health International Inc က ဥက္ကဌ ၀ီလီယံ ဟက်စဲလ်တိုင်းက ဆိုပါတယ်။

စင်ကာပူကျန်းမာရေးနဲ့ ပတ်သက်ပြီး သူရေးသားထုတ်ဝေခဲ့တဲ့  Affordable Excellence: The Singapore Healthcare Story ဆိုတဲ့ စာအုပ်မှာ ဟက်စဲလ်တိုင်းက မြို့ပြ စီမံကိန်းတိုင်းမှာ ကျန်းမာရေးစောင့်ရှောက်မှုစနစ် ထည့်သွင်းဖို့ လိုအပ်တယ်ဆိုတာ စင်ကာပူက စောစောစီးစီး နားလည်ခဲ့တယ်လို့ ဆိုပါတယ်။ အိမ်ရာတွေ၊ သောက်သုံးရေ၊ အစားသောက်၊ လေထု အရည်အသွေး၊ ကားလမ်းကြပ်တာတွေ၊ ပန်းခြံ ဆောက်လုပ်တာတွေနဲ့ အခြားသော ကိစ္စတော်တော်များများကို ပြည်စုံတဲ့ ကျန်းမာရေးစနစ်ရဲ့ အစိတ်အပိုင်းတွေလို့ စင်ကာပူက ထည့်သွင်း စဉ်းစားခဲ့ပါတယ်။

ပြည်သူလူထုနဲ့ သဘာဝပတ်ဝန်းကျင်ကို စောင့်ကြည့်လေ့လာတာမျိုးတွေဟာလည်း အောင်မြင်တဲ့ ကျန်းမာရေးစောင့်ရှောက်မှုစနစ်တွေရဲ့ လက္ခဏာဖြစ်တယ်လို့လည်း ကျန်းမာရေးနဲ့ပတ်သက်ပြီး မတူညီမှုတွေကို အထူးပြုလေ့လာနေတဲ့ ပရော်ဖက်ဆာ ကီရှာ ဘီ ဟိုလ်ဒန်က ဆိုပါတယ်။

အရည်အသွေးပြည့်ဝတဲ့ ကျန်းမာရေး စောင့်ရှောက်မှုစနစ်ဟာ ဆေးကုသမှုခံယူနေသူတွေရဲ့ လိုအပ်ချက်တွေကို ဂရုတစိုက် စောင့်ကြည့်နေရတယ်လို့ ဟိုလ်ဒန်က ဆိုပါတယ်။ ဒီစနစ်မှာ ဆွဲဆောင်နိုင်စရာ ဘဏ္ဍာရေး စနစ်တွေ ရှိရမယ်။ လူ့အဖွဲ့အစည်းကို ကျန်းမာရေးနဲ့ပတ်သက်တဲ့ ပညာပေးတာမျိုးတွေ ရှိရမယ်။ ကြိုတင် ကာကွယ်ရေး လုပ်ငန်းတွေမှာ အာရုံစိုက် လုပ်ဆောင်တာလည်း ရှိရမှာပါ။ စင်ကာပူမှာတော ဒါတွေအားလုံး ရှိနေပါတယ်။

စင်ကာပူမှာ စက်ဘီးငှားစီးလို့ရတာ၊ အခမဲ့အဆီချလို့ရတာနဲ့ ဆေးလိပ်သောက်သုံးမှု လျှော့ချရေး အစီအစဉ်တွေရှိပြီး ဒီအစီအစဉ်တွေဟာ စင်ကာပူ နိုင်ငံသားတွေအတွက် အောင်မြင်တဲ့ ကျန်းမာရေး စောင့်ရှောက်မှုတွေထဲက အစီအစဉ်တွေလည်း ဖြစ်ပါတယ်။ ကျန်းမာရေးနဲ့ ညီညွတ်တဲ့ အစားသောက်၊ လေ့ကျင်ခန်း၊ ကျန်းမာရေး အသိပညာပေးရေးနဲ့ ပုံမှန်စောင့်ကြည့်မှုတွေကို အဓိကကြီးကြပ်ပေးတဲ့  the Health Promotion Board ဘုတ်အဖွဲ့ရှိပြီး အဲဒီဘုတ်အဖွဲ့ကို အစိုးရက တိုက်ရိုက် အုပ်ချုပ်တာပါ။

“အရည်အသွေး အရမ်းမြင့်မားတဲ့ ကျန်းမာရေးစောင့်ရှောက်မှုစနစ်ကို စင်ကာပူက ဆောင်ရွက်နိုင်ခဲ့ပါတယ်။ ဒီစနစ်ကြောင့် ၀င်ငွေဘယ်လောက်ပဲရှိရှိ ပြည်သူတွေဟာ တန်းတူ ကျန်းမာရေးစောင့်ရှောက်မှု ရရှိနိုင်ပါတယ်” လို့ ဟက်စဲလ်တိုင်းက ထည့်သွင်း ပြောကြားခဲ့ပါတယ်။

စင်ကာပူမှာ အလုပ်ဖြစ်တဲ့ ကျန်းမာရေးစောင့်ရှောက်မှုစနစ်က နည်းစနစ်တွေကို အခြားနိုင်ငံတွေမှာလည်း ကောင်းကောင်းကျင့်သုံးလို့ ရတယ်လို့ ဟက်စဲလ်တိုင်းက ယုံကြည်နေပါတယ်။

“ဘာတွေလုပ်နိုင်ခဲ့သလဲဆိုတာ ပြန်ကြည့်ဖို့ အရေးကြီးပါတယ်။ အရည်အသွေး မြင့်မားတဲ့ ကျန်းမာရေးစောင့်ရှောက်မှုကို ကုန်ကျစားရိတ်နည်းနည်းနဲ့လည်း ဖော်ဆောင်နိုင်ပါတယ်”
………………………………………..
နံပါတ် ၁၀။ ကျန်းမာရေးနှင့် ညီညွတ်သော အမူအကျင့်များရှိသည့်မြို့ သို့မဟုတ် နာပါ

– CNN က ကျန်းမာရေးနဲ့ ပတ်သက်တဲ့ iReport စာဖတ်ပရိတ်သတ်တွေကို ကျွန်တော်တို့ မေးမြန်းတဲ့အခါမှာ သူတို့ရဲ့မြို့တွေမှာ ကျန်းမာရေးနဲ့ ညီညွတ်တဲ့ အမူအကျင့်တွေ ဘယ်လောက်ရှိတယ်ဆိုတာကိုပြောကြပြီး၊ ရာပေါင်းများစွာဟာလည်း လက်တွေ့ဆောင်ရွက်မှုတွေကို ပြကြပါတယ်။

ဆန်ဒီယေဂိုနဲ့ မွန်ထရီယဲလ်မှာ ကလို့ရတယ်။ ဘာမင်ဂမ်နဲ့ အလာဘားမားမှာ ရေလွှာလျှောစီးရှိတယ်။ ဂျာမနီက မြူးနစ်မှာလည်း ကျန်းမာရေးနဲ့ ညီညွတ်တဲ့ လှုပ်ရှားမှုတွေ ရှိပါတယ်။

ဒါပေမယ့် ကယ်လီဖိုးနီးယားပြည်နယ် နာပါမြို့က ဒေသခံတွေကတောာ့ ကျန်းမာရေးနဲ့ညီညွတ်တဲ့ လှုပ်ရှားမှုအသစ်ကို အောင်မြင်စွာ ဆောင်ရွက်နိုင်ခဲ့ပါတယ်။

“နာပါမှာ ကျန်းမာရေးနဲ့ ညီညွတ်တဲ့ အရာတွေ ပေါများပါတယ်” လို့ နာပါမြို့က အကအဖွဲ့ World Beat Dance Collective ခေါင်းဆောင် ရီမီ ကိုဟန်က ဆိုပါတယ်။ မြို့တွင်းမှာပဲ လုပ်တဲ့ အစားအသောက်တွေ ရှိတဲ့အပြင် နာပါမှာ ခရီးဝေးလမ်းလျှောက်ဖို့၊ စက်ဘီးစီးဖို့ လမ်းကြောင်းတွေလည်း ရှိပါတယ်။ ပြီးတော့ ယဉ်ကျေးမှုအနုပညာ ပြပွဲတွေကိုလည်း နာပါမှာ ကျင်းပကြပါသေးတယ်။

“ကျွန်မတို့ရဲ့ ရည်ရွယ်ချက်က ဒီလိုလှုပ်ရှားမှုတွေမှာ ပါဝင်ခြင်းအားဖြင့် ကျန်းမာရေးနဲ့ ညီညွတ်တဲ့ ရွေးချယ်စရာတွေပို အလွယ်တကူ ရွေးချယ်နိုင်ဖို့ပါပဲ” လို့ ကယ်လီဖိုးနီးယား ပြည်သူ့ကျန်းမာရေးဌာန နာပါဒေသ ကျန်းမာရေးနဲ့ လူထူဝန်ဆောင်မှုအေဂျင်စီမှ ကျန်းမာရေးနဲ့ ပညာရေးအထူးပြု ကာရာ မာအိဝုဒ်လက်ဂ်ျက ဆိုပါတယ်။ iReport စိန်ခေါ်ပွဲမှာ နာပါဒေသခံတွေအနေနဲ့ ဗီဒီယို ၅၀ ရိုက်ကူး တင်ဆက်ပေးဖို့ကိုလည်း ၀ုဒ်လက်ဂ်ျက တိုက်တွန်းခဲ့ပါသေးတယ်။

ပွင့်ပွင့်လင်းလင်းဆိုရမယ်ဆိုရင်တော့ နာပါဟာ ၀ိုင်ရက်ကြောင့်လည်း နာမည်ကျော်ပါတယ်။ နာပါမြို့ တောင်ကြားမှာရှိတဲ့ စပျစ်စိုက်ခင်းတွေကို လှည့်ပြီး ၀ိုင်အရက်မြည်းလို့ရတဲ့ နေရာတွေရှိနေတာက ခရီးသွားတွေ လာရောက်ဖို့ လုံလောက်တဲ့ အကြောင်းပြချက် တစ်ခုပါပဲ။

လေ့လာမ်းစစ်မှုအရတော့ ၀ိုင်အနီမှာပါတဲ့ ဓာတ်တိုးပစ္စည်းဆန့်ကျင်တဲ့ အရာဟာ အသက်ပိုရှည်ဖို့ မကူညီတော့ဘူးလို့ တွေ့ရပါတယ်။ ဒါပေမယ့် တစ်ခွက် နှစ်ခွက်လောက် သောက်တာကတော့ ထိခိုက်မှု မရှိပါဘူး။ ပြီးတော့ စိတ်ဖိစီးမှုကိုလည်း လျော့ကျစေပါတယ်။ ဒီဝိုင်နီအပြင် နာပါမှာနေထိုင်ရတာဟာ အခြားသော ကျန်းမာရေးဆိုင်ရာ အကျိုးကျေးဇူးတွေ ရှိနေတယ်လို့လည်း ဒေသခံတွေက ဆိုပါတယ်။

နာပါက အ၀လွန်ရောဂါတားဆီးရေး မဟာမိတ်အဖွဲ့ဟာ သူတို့ရဲ့ အစည်းအဝေးမှာ စက်ဘီးစီးကြတယ်။ ကျန်းမာရေးစင်တာမှာလည်း အဟာရပြည့်ဝတဲ့ ဟင်းလျာ ချက်ပြုတ်နည်းတွေကို အင်္ဂလိပ်၊ စပိန်ဘာသာစကားတွေနဲ့ သင်ပေးတယ်။ မိခင်နို့တိုက်ကျွေးရေး မဟာမိတ်အဖွဲ့ကလည်း ကလေးတွေကို မိခင်နို့တိုက်ကျွေးဖို့ တိုက်တွန်းကြပါတယ်။ နောက်ပြီး ခန္ဓာကိုယ်မှာ ပလက်စတစ် ကွင်းလှည့်ကစားတဲ့အဖွဲ့ Napa Hoopers တောင်ရှိပါသေးတယ်။ ဒီအဖွဲ့ကို နာမည်ကြီး ကွင်းလှည့် ကစားသူ လီလ်ယာ ဒူရန်က ဦးဆောင်ပါတယ်။

ဒူရန်ကတော့ နာပါမြို့ဟာ မြို့ငယ်လေးအဖြစ် ခံစားမှုရှိတဲ့မြို့လို့ ဆိုပါတယ်။ အားလပ်ရက်တွေမှာ ပြုလုပ်တဲ့ လူမှုရေးဆိုင်ရာပွဲတွေမှာ လူ့အဖွဲ့အစည်းတစ်ခုလုံး အတူပါဝင်ကြပြီး ပတ်ဝန်းကျင်က လူတွေကလည်း လာရောက်ကြကာ သူတို့ရဲ့ ခြံက ထွက်တဲ့ အသီးအနှံတွေကို ဝေငှကြပါတယ်။

“နာပါကောင်တီဟာ ပျော်ရွှင်စရာတွေကို မကြောက်တဲ့ဒေသပါပဲ။ ပြီးတော့ ကျွန်တော်တို့ရဲ့ အစားအသောက်တွေဟာ ဒီဒေသက လယ်သမားတွေ စိုက်ပျိုးတဲ့ လတ်ဆတ်မှုရှိတဲ့ အစားအသောက်တွေပါပဲ” လို့ ဒူရန်က ဆိုပါတယ်။

ref_ CNN
.လေးမောင် တင်ဆက်သည်။