ဂျာမနီတွင် မူလတန်းကျောင်း နာမည်အား ကမ္ဘာစစ်အတွင်း ဂျူမိသားစုအား ကယ်ခဲ့သော မွတ်စလင် တစ်ဦး အမည်ပေး ဂုဏ်ပြု

အောက်တိုဘာ ၂၈ ၊ ၂၀၁၄
M-Media

အလ်ဘေးနီးမွတ်စလင် ဓာတ်ပုံဆရာဖြစ်သူ ရာဖစ်က် ဗက်စ်လီ

– နာဇီတို့ကြီးစိုးစဉ် ကာလနှင့် ဒုတိယကမ္ဘာ စစ်ကာလ အတွင်း ယူဂိုစလားဗီးယားမှ ဂျူးမိသားစုတစ်ခုအား မိမိနေအိမ်တွင် နှစ်ပေါင်းများစွာဝှက်ကာ ကာကွယ်စောင့်ရှောက်ပေးခဲ့သော မွတ်စလင်တစ်ဦးကို ဂုဏ်ပြုသောအားဖြင့် ဘာလင်ရှိ မူလတန်းကျောင်း တစ်ကျောင်းအား ၎င်း၏အမည် မှည့်ခေါ်ခဲ့သည်ဟု သိရသည်။

“သူတို့မိသားစုဟာ Goethe နဲ့ Schiller တို့ (နာမည်ကျော်ဂျာမန် စာပေညာရှင်များ) ရဲ့ အမွေအနှစ်တွေကို မသင်ခဲ့ရပါဘူး။ ဒါပေမယ့် လူသား ဘ၀အတွက် သိပ်ကို အရေးပါတဲ့ နှလုံးသားတော့ သူတို့ဆီမှာရှိပါတယ်” ဟု မွတ်စလင်မိသားစုမှ ကယ်တင်ခဲ့သောကြောင့် အသက်ချမ်းသာရာရခဲ့သည့် မိုရှေးမန်ဒီလ်နှင့် ၎င်း၏မိသားစု၏ စာတွင် ရေးသားခဲ့သည်ဟု Haartz သတင်းဌာနက အောက်တိုဘာ ၂၆ ရက်နေ့တွင် ဖော်ပြခဲ့သည်။

ဓာတ်ပုံတိုက်တစ်ခုကို ပိုင်ဆိုင်သည့် အဆိုပါ ဂျူးမိသားစုမှာ ၁၉၄၁ ခုနှစ် နာဇီတို့ ဆိုဗီယက်ပြည်ထောင်စုကို ကျူးကျော်စဉ်အခါက နာဇီတို့လက်မှ လွတ်မြောက်ရန် ထွက်ပြေးစဉ် ဖမ်းဆီးခြင်းခံခဲ့ရသည်။

ထို့နောက် လွတ်မြောက်ပြီး အလ်ဘေးနီးယားသို့ ထွက်ပြေးရာတွင်လည်း နာဇီတို့၏လက်မှ မလွတ်မြောက်နိုင်ဘဲ အသက် ၁၇ နှစ်အရွယ် အလ်ဘေးနီးမွတ်စလင် ဓာတ်ပုံဆရာဖြစ်သူ ရာဖစ်က် ဗက်စ်လီ မှာ ၎င်းတို့မိသားစုအား အလ်ဘေးနီးယားတောင်တန်းများပေါ်ရှိ ၎င်း၏နေအိမ်တွင် ၀ှက်ထားပေးကာ ၁၉၄၄ ခုနှစ်အထိ ကာကွယ် စောင့်ရှောက်ပေးခဲ့သည်။

လွန်ခဲ့သည့် ဆယ်စုနှစ်ပေါင်းများစွာအတွင်း ၎င်းတို့ မိသားစုနှစ်ခုမှာ နီးကပ်သော ဆက်ဆံရေး ရှိခဲ့ပြီး မိုရှေးမှာ ၎င်း၏ မြေးဖြစ်သူအား ဗက်စ်လီ၏ အမည်ကို မှည့်ခေါ်ခဲ့သည်။

မွတ်စလင်မိသားစု၏ သဘောထားကြီးမှုကို ပြန်လည်ကျေးဇူး တုံ့ပြန်သည့်အနေဖြင့် မိုရှေး၏ သားဖြစ်သူ ဂါဗ်ရာက ဂျူးများကို နာဇီတို့က သုတ်သင်သော Holocaust အစီအစဉ်အား လေ့လာမှုများပြုလုပ်နေသည့် အစ္စရေး အခြေစိုက် Yad Vashem စင်တာသို့ ၎င်းတို့၏ အကြောင်းများကို စာရေးသား အသိပေးခဲ့သည်။ ထို့နောက် Yad Vashem အဖွဲ့က ဗက်စ်လီအား Righteous Among the Nations ဆုကို ပေးအပ်ခဲ့သည်။

ထို့ပြင် ဘာလင်ရှိ မူလတန်းကျောင်းတစ်ခု၏ အမည်အား ဗက်စ်လီ၏ အမည် ပြောင်းလဲမှည့်ခေါ်စေရန် အတွက်လည်း ဂါဗ်ရာက ကြိုးစားခဲ့ပြီး အဆိုပါကျောင်း၏ ကျောင်းသားများ၊ ဆရာများနှင့် မိဘများက မဲခွဲဆုံးဖြတ်ခဲ့ပြီနောက် ကျောင်း၏ အမည်အား ဗက်စ်လီ၏ နာမည်ဖြင့် ဂုဏ်ပြုမှည့်ခေါ်ခဲ့ကြသည်။

အလ်ဘေးနီးယားမှာ အစ္စလာမ် ဘာသာဝင် အများစုရှိသည့် ဥရောပနိုင်ငံ ငယ်တစ်ခုဖြစ်ပြီး ဒုတိယကမ္ဘာစစ် မဖြစ်ခင်က ဂျူးလူဦးရေ ၂၀၀ သာရှိသော်လည်း စစ်ကြီးပြီးနောက် ဥရောပ နိုင်ငံ ၆ နိုင်ငံရှိ ဒုက္ခသည် စခန်းများမှ ဂျူးဒုက္ခသည်များမှာ နာဇီတို့၏ ညှင်းပန်းနှိပ်စက်မှုမှ လွတ်မြောက်ရန် အလ်ဘေးနီးယားနိုင်ငံ အတွင်းသို့ ခိုလှုံလာခဲ့ကြသည်။

ဒုတိယကမ္ဘာစစ်အတွင်း ဂျူး မိသားစုများအား ကယ်တင်ခဲ့သော မွတ်စလင်များမှ ဂုဏ်ပြုခံရ သူများထဲတွင် ဗက်စ်လီမှာ ပထမဆုံး မဟုတ်ချေ။ နာဇီတို့၏ သတ်ဖြတ်မှုများမှ ကယ်တင်ခဲ့သော အလ်ဘေးနီးယား မွတ်စလင် ၆၃ ဦးအား အစ္စရေးက Righteous Among the Nations ဆုကို ပေးအပ်ချီးမြှင့်ခဲ့သည်။

သို့သော်လည်း အစ္စရေး၏ ပါလက်စတိုင်း ပိုင်နက်များအား ကျူးကျော် တိုက်ခိုက် သိမ်းပိုက်မှုကို ဆန့်ကျင်သော အနေဖြင့် မွတ်စလင်များက ထိုဆုအား အစ္စရေး အစိုးရသို့ ပြန်လည်ပေးအပ်ခဲ့သည်။

ref_ OnIslam & Newspapers