ဇီဒိန်းအား စပိန်ဘောလုံး အဖွဲ့ချုပ်က နည်းပြလုပ်ခွင့် ၃ လ ပိတ်

အောက်တိုဘာ ၂၉ ၊ ၂၀၁၄
M-Media

– ရီးယဲလ်မက်ဒရစ် အရန်အသင်းကို နည်းပြနေသည့် ဇီဒိန်းမှာ နည်းပြတစ်ယောက်အတွက် လိုအပ်သော အထောက်အထားများကို မပြသနိုင်မှုကြောင့် နည်းပြအလုပ်မှ ၃ လ ပိတ်ပင် ခံခဲ့ရသည်ဟု သိရသည်။

အန်ဆယ်လော့တီ၏ လက်ထောက်နည်းပြအဖြစ် တာဝန်ထမ်းဆောင်ခဲ့သည့် ဇီဒိန်းမှာ ပြီးခဲ့သည့်သြဂုတ်လက ရီးယဲလ်အရန်အသင်း၏ နည်းပြချုပ်အဖြစ် ခန့်အပ်ခြင်းခံခဲ့ရသည်။ စပိန်တွင် ထိုရာထူးအား ထမ်းဆောင်ရန်အတွက် Level 3 အဆင့်ရှိ အသိအမှတ်ပြု စာရွက်စာတမ်းများ လိုအပ်သော်လည်း ဇီဒိန်းမှာ Level 2 အဆင့်နှင့်ညီသည့် ယူအီးအက်ဖ်အေ A လိုင်စင်သာ ရရှိထားသည်။

ထို့ကြောင့် ဇီဒိန်း၏ ရာထူးနှင့် ပတ်သက်၍ တိုင်ကြာမှုများရှိခဲ့ပြီး အရန်အသင်း ပါဝင်ကစားနေသည့် ဆီဂန်ဒါ အမှတ်ပေးပြိုင်ပွဲ တာဝန်ရှိသူများက စစ်ဆေးခဲ့ပြီးနောက် ယခုကဲ့သို့ ၃ လ ပိတ်ပင်သည့် ပြစ်ဒဏ် ချမှတ်ခဲ့ခြင်းဖြစ်သည်။

ဇီဒိန်အပြင် ၎င်း၏ လက်ထောက်နည်းပြဖြစ်သူ ဆန်တီယာဂို ဆန်းချက်ဇ်မှာလည်း ၃ လ ပိတ်ပင်ခြင်းခံခဲ့ရပြီး၊ ဇီဒိန်းတွင် အထောက်အထားမခိုင်လုံမှုအား ကာကွယ်ရန် ၎င်း၏ အထောက်အထားများကို အသုံးပြုခဲ့သောကြောင့် ဖြစ်သည်။

ရီးယဲလ်အသင်းကမူ ထိုဆုံးဖြတ်ချက်အား လက်မခံနိုင်ကြောင်း၊ ပြင်သစ်နိုင်ငံ၏ စည်းမျဉ်းအရ ဇီဒိန်းမှာ ထိုရာထူးတွင် တာဝန်ထမ်းဆောင်နိုင်သည်ဟု ကြေညာချက်ထုတ်ပြန်ခဲ့သည်။

“ဒီဆုံးဖြတ်ချက် အဓိပ္ပါယ်မရှိဘူးဆိုတာပြသဖို့ ဥပဒေအရ လုပ်ပိုင်ခွင့်ရှိတာအားလုံးကို လုပ်ဆောင်သွားမှာပါ” ဟု ထိုကြေညာချက်တွင် ဖော်ပြထားသည်။