ရုရှား စစ်လေယာဉ်များ ပုံမှန် မဟုတ်သော ပျံသန်းမှု ပြုလုပ်ခဲ့သည်ဟု နေတိုးအဖွဲ့ပြော

အောက်တိုဘာ ၃၀၊ ၂၀၁၄
M-Media

– လွန်ခဲ့သည့် နှစ်ရက်အတွင်း ပင်လယ်နက်၊ ဘောလ်တစ်နှင့် မြောက်ဘက် ပင်လယ်ပြင်၊ အတ္တလန်တိတ် သမုဒ္ဒရာပေါ်ဝေပြင်တို့တွင် ရုရှားစစ်လေယာဉ်များ၏ ပုံမှန်မဟုတ်သော ပျံသန်းမှုများကို တွေ့ခဲ့ရသည်ဟု နေတိုးအဖွဲ့က သတင်းထုတ်ပြန်ခဲ့သည်။

Tu-95 Bear H strategic ဗုံးကြဲလေယာဉ်များ၊ MG 31 တိုက်လေယာဉ်များနှင့် အခြားသော ရုရှားစစ်တပ်မှ လေယာဉ်များပါဝင်သည့် လေယာဉ်အုပ်စုလေးခုမှာ နိုင်ငံတကာလေပိုင်နက်အတွင်း ကြီးမားသည့် စစ်ရေးလေ့ကျင့်မှုများကို ပြုလုပ်ခဲ့ခြင်းဖြစ်သည်ဟု နေတိုးမဟာမိတ်တပ်မှ ပြောရေးဆိုခွင့်ရှိသူ ဗိုလ်မှူးကြီး ဂျေး ဂျန်ဇန်က ယမန်နေ့တွင် ပြောကြားခဲ့သည်။

ထိုကဲ့သို့ တွေ့ရှိခဲ့ရခြင်းကြောင့် နေတိုးအဖွဲ့ဝင်နိုင်ငံများဖြစ်သည့် နော်ဝေ၊ ဗြိတိန်၊ ပေါ်တူဂီ၊ ဂျာမနီ၊ ဒိန်းမတ်၊ တူရကီနှင့် နေတိုးအဖွဲ့ဝင်မဟုတ်သည့် ဖင်လန်နှင့် ဆွီဒင်တို့မှ တိုက်လေယာဉ်များမှာ အရေးပေါ် ပျံတက်ခဲ့ရသည်။

သို့သော်လည်း မည်သည့်ပြဿနာမှ ဖြစ်ပွားခဲ့ခြင်းမရှိဘဲ ဂျန်ဇန်ကမူ ရုရှား၏ ထိုကဲ့သို့ ဆောင်ရွက်မှုမှာ ပုံမှန်မဟုတ်ဟု ပြောကြားခဲ့သည်။

ယူကရိန်းပိုင်နက် ခရိုင်းမီးယားကျွန်းဆွယ်အား ရုရှားက သိမ်းပိုက်ပြီးနောက်ပိုင်း ရုရှားနှင့် နေတိုးအဖွဲ့အကြား သဘောထားတင်းမာမှုများ မြင့်တက်လာခဲ့သည်။

ယခုနှစ်အတွင်း ဥရောပလေပိုင်နက်အပေါ် ရုရှားလေယာဉ်များ ပျံသန်းမှုမှာ ၂၀၁၃ ခုနှစ်ထက် ပိုများခဲ့ကာ အကြိမ် ၁၀၀ ကျော်ရှိခဲ့ပြီး မဟာမိတ်တိုက်လေယာဉ်များက ပျံတက်ကာ သတိပေးမှုများ ပြုလုပ်ခဲ့ရသည်ဟု နေတိုးအဖွဲ့၏ ထုတ်ပြန်မှုများတွင် ဖော်ပြထားသည်။

Source: Associated Press