အရှေ့ဂျေရုစလင်တွင် အခြေချအိမ်ရာ တိုးချဲ့ဆောက်လုပ်ရန် အစ္စရေး၏ စီစဉ်မှု ကုလရှုတ်ချ

အောက်တိုဘာ ၃၀၊ ၂၀၁၄
M-Media

– ပါလက်စတိုင်းပိုင် အရှေ့ဂျေရုစလင်တွင် တရားမ၀င်အခြေချ အိမ်ရာများ ဆောက်လုပ်ရန် အစ္စရေး၏ အစီအစဉ်ကို ကုလသမဂ္ဂမှ ရှုတ်ချလိုက်ပြီး ထိုလုပ်ရပ်က မငြိမ်သက်မှုများ တိုးပွားလာနိုင်ကာ အနာဂတ် ပါလက်စတိုင်းနိုင်ငံတော်၏ အလားအလာကိုလည်း ခြိမ်းခြောက် ခြင်းဖြစ်သည်ဟု ပြောကြားလိုက်သည်။

၁၉၆၇ စစ်ပွဲနောက်ပိုင်း ပါလက်စတိုင်းပိုင်နက်များတွင် ဂျူးအခြေချအိမ်ရာများ တိုးချဲ့ဆောက်လုပ်နေသည့် အစ္စရေးမှာ အရှေ့ဂျေရုစလင်တွင် အိမ်ရာ ၁၀၀၀ ဆောက်လုပ်ရန် စီစဉ်ခဲ့ခြင်းဖြစ်ပြီး ကုလသမဂ္ဂ နိုင်ငံရေးအကြီးအကဲ ဂျက်ဖရီ ဖဲလ်မန်ကမူ အစ္စရေးအနေဖြင့် နိုင်ငံတကာဥပဒေကို ဖောက်ဖျက်သော အဆိုပါအစီအစဉ်အား ဖျက်သိမ်းရန် တိုက်တွန်းခဲ့ကာ နှစ်နိုင်ငံ ယှဉ်တွဲတည်ရှိမှုဟူသော အဖြေကို ဆန့်ကျင်ခြင်းဖြစ်သည်ဟု ယမန်နေ့က ပြုလုပ်ခဲ့သော ပါလက်စတိုင်းအရေး ကုလသမဂ္ဂ လုံခြုံရေးကောင်စီ အရေးပေါ်အစည်းအဝေးတွင် ပြောကြားခဲ့သည်။

ထို့ပြင် အစ္စရေးအနေဖြင့် နိုင်ငံတကာ ကတိက၀တ်များကို စောင့်ထိန်းရန် တိုက်တွန်းခဲ့ပြီး အစ္စရေးနှင့် ပါလက်စတိုင်း နှစ်နိုင်ငံစလုံး အဓိပ္ပါယ်ပြည့်ဝသော ဆွေးနွေးမှုများကို ပြုလုပ်သွားရန် တိုက်တွန်းခဲ့သည်။

အရှေ့ဂျေရုစလင်အား အနာဂတ်ပါလက်စတိုင်းနိုင်ငံတော်၏ မြို့တော်အဖြစ် သတ်မှတ်ရန် လျာထားထားပြီး ကုလသမဂ္ဂကလည်း သဘောတူထားသည့်နေရာဖြစ်သည်။ ထိုနေရာအား အစ္စရေး၏ ကျူးကျော်မှုအတွက် အမေရိကန်အပါဝင် နိုင်ငံတကာအသိုင်းအ၀ိုင်းများက လက်မခံချေ။

Source: Al Jazeera and agencies