တစ်ပူပေါ် တစ်ပူဆင့်တဲ့ အိုဇေးလ်

အောက်တိုဘာ ၃၁ ၊ ၂၀၁၄
M-Media

– ယခုလအစောပိုင်း ချယ်ဆီးနဲ့ လန်ဒန်ဒါဘီပွဲမှာ ပွဲအစ ဒူးဒဏ်ရာရခဲ့ပြီး အဲဒီဒဏ်ရာနဲ့ပွဲ တစ်ပွဲလုံးကစားခဲ့တဲ့ အာဆင်နယ်ကွင်းလယ်လူ အိုဇေးလ်တစ်ယောက် အခုတော့ အဲဒီဒူးဒဏ်ရာကြောင့် နှစ်ကုန်အထိ နားရပါတော့မယ်။

ပြီးခဲ့တဲ့နှစ် အာဆင်နယ်ကိုရောက်လာကာစက ခြေစွမ်းပြနိုင်ခဲ့ပေမယ့် နောက်ပိုင်းမှာ ခြေစွမ်းကျဆင်းခဲ့တာကြောင့် ဝေဖန်မှုတွေခံနေရတဲ့ အိုဇေးလ်းအတွက် နှစ်ကုန်ထိ နားရမယ် ဆိုတဲ့ သတင်းဟာ သတင်းဆိုးတစ်ခုပါပဲ။

ဒီထက်ဆိုးတာက အိုဇေးလ်ဟာ ချစ်ရေးချစ်ရာ ကိစ္စမှာလည်း ပြဿနာပေါ်နေတာပါ။ ဒါကတော့ အိုဇေးလ်နဲ့ အတူနေ ချစ်သူပေါ့ပ် အဆိုတော် ကပ်ရစ္စတိုဟာ အိုဇေးလ်နဲ့ လမ်းခွဲသွားတာပါပဲ။

အိုဇေးလ်တစ်ယောက် ချစ်သူနောက်ကွယ်မှာ အမျိုးသမီး တစ်ဦးနဲ့ ကြိတ်ပုန်းခုတ်ခဲ့တဲ့ဆိုတဲ့ သတင်းထွက်လာပြီးနောက်ပိုင်း ဒီလိုဖြစ်လာတာပါ။ ဒီသတင်းကိုတော့ အောက်တိုဘာ တတိယအပတ်အတွင်းက လီဗန်တေးအသင်းမှာ ကစားနေတဲ့ ဘိုင်ယန်အလယ်တန်းလူဟောင်း ခရစ္စရှန် လီလ်က ဖွင့်ဟခဲ့တာပါ။

အိုဇေးလ်နဲ့ သူ့ရဲ့ချစ်သူဟောင်း မီလာနီရစ်ကင်ဂျာဟာ WhatApps မှာ ဇာတ်လမ်းတွေဖြစ်ခဲ့တာလို့ ဂျာမန်သတင်းစာ တစ်စောင်ဖြစ်တဲ့ Bild နဲ့ အင်တာဗျူးမှာ လီလ်ကပြောခဲ့တာဖြစ်ဖြစ်ပြီး ချစ်သူဟောင်းကိုလည်း “မြွေမ” လို့ ကင်ပွန်းတပ်ခဲ့ပါတယ်။ နောက်ပြီး အိုဇေးလ်ဟာ သူ့ရဲ့ကျော်ကြားမှုကို အသုံးချပြီး သူတို့ရဲ့ ဆက်ဆံရေးမှာ ၀င်ရှုပ်ခဲ့တယ်လို့လည်း ဆိုပါတယ်။

ရစ်ကင်ဂျာကတော့ ရည်းစားဟောင်းဟာ သူမရဲ့ မက်ဆေ့ခ်ျတွေကို အခွင့်မရှိဘဲကြည့်ခဲ့ပြီး အရူးတစ်ယောက်လို့ တုံ့ပြန်ခဲ့ပါတယ်။

အိုဇေးလ်ကလည်း ဒါကို ငြင်းခဲ့ပြီး အခြေအနေတွေကို စောင့်ကြည့်နေတယ်၊ လိုအပ်ရင် တရားဥပဒေအရ ရင်ဆိုင်သွားမယ်လို့လဲ ဆိုပါတယ်။

ဒါပေမယ့် ဒီသတင်းထွက်လာပြီး တစ်ပတ်အကြာမှာ အိုဇေးလ်ရဲ့ အတူနေချစ်သူ အဆိုတော် ကပ်ရစ္စတိုဟာ အနောက်လန်ဒန်က အိုဇေးလ်ရဲ့ ပေါင် ၄၂ သန်းတန်အိမ်ကနေ ပြောင်းရွှေ့သွားခဲ့ပါတယ်။

ဒါကို အင်္ဂလန် နာမည်ကြီး The Sun သတင်းစာက ဖော်ပြခဲ့တာဖြစ်ပြီး အိုဇေလ်းရဲ့ အိမ်ရှေ့မှာ အိမ်ပြောင်းရွှေ့ရေး ၀န်ဆောင်မှုပေးတဲ့ လုပ်ငန်းက ကားတစ်စီးရပ်ထားပြီး ပစ္စည်းတွေတင်နေတာကိုလည်း ထည့်သွင်းဖော်ပြခဲ့ပါတယ်။

နောက်ပြီး မန်ဒိုဟာ သူနဲ့ အိုဇေးလ်တို့ရဲ့ ဆက်ဆံရေး ပြီးဆုံးခဲ့ပြီဖြစ်ကြောင်း၊ လက်ရှိဆောင်ရွက်နေတဲ့ ရိုက်ကူးမှုကို ခဏနားကာ လန်ဒန်ကိုပြန်ပြီး အိုဇေးလ်အိမ်က ပစ္စည်းတွေကို သွားယူမယ်ဆိုတဲ့ အကြောင်း သူငယ်ချင်းတွေကို ပြောခဲ့တယ်လို့ The Sun က ရေးသားခဲ့ပါတယ်။

ကပ်ရစ္စတိုမှာ ဂျာမနီနာမည်ကြီး အဆိုတော်တစ်ယောက်ဖြစ်ပြီး ဂျာမန် သီချင်းဆိုပြိုင်ပွဲဖြစ်တဲ့ Germany’s Search for a Superstar မှာ ဒိုင်လုပ်နေတဲ့ သူတစ်ဦးပါ။

ဘောလုံးကွင်းထဲမှာ ပြိုင်ဘက်တွေကို လိမ်ခေါက်ပြီး တစ်ဖက်ဂိုးပေါက်ကို ခြိမ်းခြောက်နိုင်တဲ့ အိုဇေးလ်တစ်ယောက် ဘ၀ဇာတ်ခုံမှာ ချစ်သူရဲ့ နှလုံးသားကို ဘယ်လိုပြန်လည် ကုစားနိုင်မလဲ ဆိုတာကိုတော့…………….