Yusuf Islam တစ်ဖြစ် ကမ္ဘာကျော် တေးသံရှင် ကတ်စတီဗင် အစ္စလာမ်သို့ ကူးပြောင်းခဲ့မှု အသေးစိတ် အထုပ္ပတ္တ်ိ စာအုပ် ထုတ်ဝေ

နိုဝင်ဘာ ၆ ၊ ၂၀၁၄
M-Media

– ယူစွဖ်အစ္စလာမ် တစ်ဖြစ်လဲ ကတ်စတီဗင် က ကမ္ဘာကျော် တေးသံရှင်ဘ၀မှ အစ္စလာမ့်အေးရိပ်ဆာယာအောက်သို့ မည်ကဲ့သို့ ရောက်ရှိလာသည်ကို ဖွင့်ဟထားသည့် ကိုယ်တိုင်ရေး အထုပ္ပတ္တိစာအုပ် တစ်အုပ်ကို ထုတ်ဝေဖြန့်ချီလိုက်သည်ဟု သိရသည်။

“မီးရောင်အောက်က ကျွန်တော် ရုတ်တရက် ထွက်သွားခဲ့တာကို ကျွန်တော့်မိတ်ဆွေ အများစုနဲ့ ပရိသတ်အများစုက နားမလည်ခဲ့ကြပါဘူး။ ၀မ်းနည်းစရာကောင်းတာက တစ်ချို့တွေဟာ ကျွန်တော့်ရဲ့ အယူဝါဒ ပြောင်းလဲမှုနဲ့ပတ်သက်ပြီး မရေရာတဲ့ သတင်းတွေ၊ ဇာတ်လမ်းတွေကိုလည်း ယုံခဲ့ကြပါတယ်” ဟု အဆိုပါ စာအုပ်၏ နိဒါန်းတွင် ယူစွဖ်အစ္စလာမ်က ရေးသားခဲ့သည်။

ပြီးခဲ့သည့် စက်တင်ဘာလက ထုတ်ဝေခဲ့သော အဆိုပါစာအုပ်ကို Why I Still Carry a Guitar ဟု အမည်ပေးထားပြီး အလ်ဘမ်ပေါင်း သန်း ၆၀ ကျော်ရောင်းရကာ ဂီတလောက၏ အမြင့်ဆုံး ကျော်ကြားမှုကို ယစ်မှုးနေရသည့် ဆယ်ကျော်သက်တစ်ယောက်ဘ၀မှ ဂီတလောကအား စွန့်လွှတ်ကာ အစ္စလာမ့်အေးရိပ် ဆာယာ အောက်သို့ ၀င်ရောက်ခဲ့ပုံ၊ ထို့နောက် နှစ်ပေါင်း ၂၅ နှစ် ကြာပြီးနောက် ဂီတနှင့် အနုပညာမှ တစ်ဆင့် ငြိမ်းချမ်းရေး သတင်းစကားကို ဖြန့်ချီရန်အတွက် ဂီတလောကသို့ ပြန်လည် ၀င်ရောက်လာပုံများကို အသေးစိတ် ရှင်းလင်းရေးသားထားသည်။

အင်္ဂလန်တွင် တေးသီးချင်းများစွာဖြင့် နာမည်ကျော်ခဲ့သည့် ကတ်စတီဗင်မှာ ၁၉၇၇ ခုနှစ်တွင် အစ္စလာမ်သို့ ပြောင်းလဲသက်ဝင်ခဲ့ပြီး ၎င်း၏ အမည်ကိုလည်း ယူစွဖ် အစ္စလာမ်သို့ ပြောင်းလဲခဲ့သည်။

ထို့နောက် ဂီတလောကအား ကျောခိုင်းခဲ့သည့် ၎င်းမှာ နှစ်ပေါင်းများစွာကြာပြီးနောက် အစ္စလာမ့် ဓမ္မတေးများဖြင့် ဂီတလောကသို့ ပြန်လည်ရောက်ရှိလာခဲ့သည်။ ထိုအချိန်တွင် ၎င်း၏သီချင်း အဟောင်းများကို ပုံစံပြောင်းခြင်း၊ သီချင်းအသစ်များ ရေးစပ်သီကုံးခြင်းတို့ကို ပြုလုပ်ခဲ့ပြီး ငြိမ်းချမ်းရေး၊ ရင်ကြားစေ့ရေးနှင့် နာမ်ပိုင်းဆိုင်ရာတို့နှင့် ပတ်သက်သော သီချင်းများကို သီဆိုခဲ့သည်။

ထိုသီချင်းများတွင် Peace Train၊ Little Ones Still Smiling၊ Be What You Must၊ Roadsinger စသည့်သီချင်းမှာ ကျော်ကြားသည့် သီချင်းများဖြစ်သည်။ ၎င်း၏ နောက်ဆုံးသီချင်းများမှာ Tell ‘Em I’m Gone အလ်ဘမ်ဖြင့် ပြီးခဲ့သည့် သီတင်းပတ်က ထွက်ပေါ်လာခဲ့သည်။

ယူစွဖ်အစ္စလာမ် သီဆိုခဲ့သော အစ္စလာမ့်ဓမ္မတေး အလ်ဘမ်များမှာ ၁၉၉၅ ခုနှစ်တွင် ထုတ်ဝေသော The Life of the Last Prophet၊ ၁၉၉၉ ခုနှစ်တွင် ထုတ်ဝေသော Prayers of the Last Prophet နှင့် အစ္စလာမ့်ကလေးသူငယ်များအတွက် ရည်ရွယ်၍ ၂၀၀၀ ခုနှစ်တွင် ထုတ်ဝေသော A is for Allah စသည့် အလ်ဘမ်များဖြစ်သည်။

ယူစွဖ်အစ္စလာမ်မှာ လူသားချင်းစာနာထောက်ထားမှုဆိုင်ရာ အကူအညီပေးရေးအဖွဲ့တစ်ခုကို Small Kindness အမည်ဖြင့်ဖွဲ့စည်းထားပြီး ကုလသမဂ္ဂတွင် မှတ်ပုံတင်ထားကာ ဘော့စနီးယား၊ ကိုဆိုဗို၊ အီရတ်နှင့် အခြားသော ဒေသများရှိ မိဘမဲ့ကလေးများနှင့် ချို့တဲ့သူ မိသားစုများအား လူမှုရေးနှင့် ပညာရေးဆိုင်ရာ အကူအညီများကို တိုက်ရိုက် ကူညီပံ့ပိုးပေးနေသည်။

ယူစွဖ်မှာ ဗြိတိန်ရှိ အစ္စလာမ်မီယာကျောင်းများ၏ အုပ်ချုပ်ရေးအကြီးအကဲလည်းဖြစ်ပြီးထိုအခန်းကဏ္ဍအတွက် ချားလ်စ်မင်းသားနှင့် တွေ့ဆုံဆွေးနွေးခဲ့သည်။ ၂၀၀၃ ခုနှစ်တွင် ၎င်း၏ လူသားချင်းစာနာထောက်ထားမှုဆိုင်ရာ အကူအညီပေးမှုများကြောင့် World Social Award ကို ရရှိခဲ့ပြီး နိုဘယ်ဆုရှင်များ ပါဝင်သော ကော်မတီမှ ပေးအပ်သည့် Man for Peace ဆုကိုလည်း ၂၀၀၄ ခုနှစ်တွင် ရရှိခဲ့သည်။

အနုပညာ
——–
စာမျက်နှာ ၁၀၀ ပါဝင်သော ၎င်း၏ အဆိုပါ အထုပ္ပတ္တိစာအုပ်တွင် အစ္စလာမ်နှင့် ပတ်သက်၍ မကောင်းမြင်မှုများကို ရင်ဆိုင်ခြင်းနှင့် ယဉ်ကျေးမှုဆိုင်ရာ ပေါင်းကူး တံတားထိုးပေးရန် ကူညီခြင်းတို့တွင် အနုပညာ၏ အဓိကအခန်းကဏ္ဍကို မီးမောင်းထိုး ဖော်ပြထားသည်။

ယူစွဖ်အစ္စလမ်မှာ ကယ်ဆယ်ရေး အဖွဲ့အစည်းများနှင့် ပညာရေးလုပ်ငန်းများကို ပါဝင်ဆောင်ရွက်ခဲ့သူဖြစ်ပြီး ၁၉၈၀ ပြည့်နှစ်များ၌ အင်္ဂလန်တွင် ပထမဆုံး အချိန်ပြည့် အစ္စလာမ့် ဓမ္မသင်တန်းကျောင်းဖြစ်သည့် အစ္စလာမ်မီယာ မူလတန်းကျောင်းကို ဖွင့်လှစ်ခဲ့ကာ အစိုးရ၏ လက်ခံအသိအမှတ်ပြုမှုရအောင် အချိန်တော်ကြာ ကြိုးစားခဲ့ရသည်။

၁၉၉၉ ခုနှစ်တွင် ကယ်ဆယ်ရေးနှင့် အကူအညီပေးရေး လုပ်ငန်းများကို လုပ်ဆောင်ရန်အတွက် Small Kindness အဖွဲ့ကို တည်ထောင်ခဲ့ပြီး ၂၀၁၀ ခုနှစ်တွင် Yusuf Islam Foundation ကို ဖွဲ့စည်းကာ ဆင်းရဲမွဲတေမှုလျော့ပါးရေးနှင့် လူ့ပတ်ဝန်းကျင် ဖွံ့ဖြိုးတိုးတက်ရေးလုပ်ငန်းများကို လုပ်ဆောင်ခဲ့သည်။

ref_ OnIslam & Newspapers