မန်စီးတီတွင် ကစားစဉ် ဘာလော့တယ်လီ၏ အိမ်မီးလောင်မှု သတင်း ထွက်ပေါ်လာ

နိုဝင်ဘာ ၇ ၊ ၂၀၁၄
M-Media

– ရောက်လေရာနေရာမှာ ပြဿနာမကင်းတဲ့ အီတလီဘောလုံးမင်းသား မာရီယိုဘာလော့တယ်လီတစ်ယောက် မန်စီးတီးမှာ ကစားခဲ့စဉ်က ဖြစ်ပွားခဲ့တဲ့ ပြဿနာတစ်ခု ပြီးခဲ့တဲ့ ရက်ပိုင်းအတွင်းမှာ ပေါ်ပေါက်လာပါတယ်။

ဒါကတော့ ချက်ရှိုင်းယားက သူငှားထားတဲ့ ပေါင် ၃ သန်းတန်အိမ်မှာ ပါတီပွဲလုပ်ရင်းနဲ့ မီးလောင်ခဲ့တာပါ။

ငှားခ တစ်လ ပေါင် ၇၅၀၀ လောက် ပေးရတဲ့ အဲဒီအိမ်မှာ ၂၀၁၁ ခုနှစ်အောက်တိုဘာလ မန်ယူနဲ့ ဒါဘီပွဲအကြိုညမှာ အသင်းဖော်တွေနဲ့ ဘာလော့တယ်လီဟာ မီးရှူးမီးပန်းတွေ၊ ရှူးဒိုင်းတွေ ဖောက်ကြရင်းနဲ့ မီးလောင်ခဲ့တာပါ။

ဘာလော့တယ်လီကတော့ သူတို့ဟာ မီးပန်းထည့်ဖောက်တဲ့ ပုံးတဲ့မှာ ဖောက်ခဲ့ပေမယ့် မနိုင်တော့တဲ့အဆုံး အိမ်သာထဲကို လွှင့်ပစ်ခဲ့ကြပြီး အားလုံးအပြင်ကို ထွက်ပြေးခဲ့တာကြောင့် ရေချိုးခန်း တစ်ခန်းလုံး မီးလောင်ခဲ့တယ်လို့ BBC နဲ့ အင်တာဗျူးမှာ ပြောခဲ့ပါတယ်။

“လိုက်ကာတွေမီးလောင်ကုန်ပြီး အိမ်သာလည်း ရစရာမရှိတော့ပါဘူး” လို့ ဘာလော့တယ်လီက ဆိုပါတယ်။

အိပ်ခန်လေးခန်းရှိတဲ့ သူ့ရဲ့အိမ်က ရေချိုးခန်းလည်း ရစရာမရှိအောင် ပျက်ဆီးခဲ့ပြီး  မီးခိုးတွေ မွှန်ထူခဲ့တာကြောင့် မီးသတ်သမား ၁၀ ယောက်လောက်က အသက်ရှူ ကိရိယာတွေတပ်ပြီး လာရောက် ရှင်းလင်းပေးခဲ့ရပါတယ်။

နံနက် ၁ နာရီလောက်မှာ ဖြစ်ခဲ့အဲဒီအဖြစ်အပျက်အတွင်း ဘာလော့တယ်လီနဲ့ သူငယ်ချင်း တစ်သိုက်ကတော့ အပြေးမြန်ခဲ့တာကြောင့် ဒဏ်ရာမရခဲ့ပါဘူး။

ဒီအဖြစ်အပျက်ကြောင့် ပေါင် လေးသိန်းဖိုးလောက် ပျက်ဆီးဆုံးရှုံးခဲ့ပြီး ဘာလော့တယ်လီကပဲ အိမ်ပိုင်ရှင်ကို လျော်ပေးခဲ့ရတာပါ။ ဒီပြသနာကတော့ ဓာတ်ပုံတွေနဲ့တကွ မကြာသေးမီကပဲ အွန်လိုင်းပေါ် ရောက်လာခဲ့တာပါ။

ဘာလော့တယ်လီဟာ မန်စီးတီးမှာရှိစဉ် ပြဿနာကောင်အဖြစ် နာမည်ကျော်ခဲ့ပြီး စည်းကမ်းမလိုက်နာတဲ့အတွက်ကြောင့် ၂၀၁၀ မှာ မန်စီးတီးလူငယ်အသင်းကို အဆင့်ချခြင်း ခံခဲ့ရပါတယ်။ နောက်ပြီး ဘိုအာတင်းနဲ့ ရန်ဖြစ်ခဲ့တဲ့အတွက် ပေါင် ၃ သိန်းဒဏ်ကြေးပေးခဲ့ရပြီး ၂၀၁၁ ဧပြီလက သူရဲ့ကားကို ပါကင်ထိုးရာမှာ ၂၇ ကြိမ်လောက် စည်းဖောက်ဖျက်တဲ့အတွက် ပေါင် တစ်သောင်းလောက် ဒဏ်ငွေဆောင်ခဲ့ရပါတယ်။

မန်စီးတီးကနေ အေစီမီလန်ကို ရောက်တဲ့အခါမှာလည်း ပြဿနာမကင်းခဲ့ဘဲ အခု လီဗာပူးလ်ကို ရောက်လာရာမှာလည်း ပြီးခဲ့တဲ့တစ်ပတ်ကပဲ သူ့ရဲ့ကားကို ဓာတ်ပုံရိုက်တဲ့ သားအမိကို သွားပြီး ခြိမ်ခြောက်ခဲ့တာကြောင့် ရဲတပ်ဖွဲ့ကို တိုင်ကြားခြင်းခံခဲ့ရပါတယ်။

ref: Daily Mail