ဖလားရလိုသည့် ဆန္ဒများ မိမိတို့ ရိုးတွင်းချင်ဆီထဲမှာ ရှိနေဟု အဲဗာတန် နည်းပြဖွင့်ဟ

နိုဝင်ဘာ ၈ ၊ ၂၀၁၄
M-Media

– ယူရိုပါလိဂ် ရှုံးထွက်အဆင့်သို့ တက်ရောက်ရန် နီးစပ်နေသည့် မိမိတို့အသင်း၏ အသွေးအသားထဲတွင် ဆုဖလားများ ရရှိရန် ပြင်းပြသော ဆန္ဒများ ရှိနေသည်ဟု အဲဗာတန်အသင်း နည်းပြ မာတီနက်ဇက်က ပြောကြားလိုက်သည်။

ယူရိုပါလိဂ် အုပ်စုပွဲအဖြစ် ယနေ့နံနက်က ကစားခဲ့သည့် ပြင်သစ်ကလပ် လိုင်လီနှင့်ပွဲတွင် အဲဗာတန်မှာ လီယွန် အိုစမန်၊ ဖီးလ် ဂျာဂီယဲလ်ကာနှင့် စတီဗင် နိုင်စမစ်တို့၏ သွင်းဂိုးများဖြင့် ၃ ဂိုးပြတ်အနိုင်ရရှိခဲ့သည်။

ထိုအနိုင်ကြောင့် အဲဗာတန်မှာ အုပ်စု H ကို ၅ မှတ်ဖြတ်ကာ ဦးဆောင်ထားပြီး လန်ကျန်ပွဲ ၂ ပွဲတွင် ၁ ပွဲ အနိုင်ရရှိပါက နောက်တစ်ဆင့်သို့ တက်ရောက်နိုင်မည်ဖြစ်သည်။ မာတီနက်ဇ်ကမူ အသင်းအား ချီးကျူးခဲ့သည်။

“ကျွန်တော်တို့ဟာ ဆုတွေရဖို့ မျှော်မှန်းထားတဲ့ အသင်းမှာ ရောက်ရှိနေတာပါ။ ကျွန်တော်တို့ ဖလားမရတာ တော်တော်ကြာပါပြီ။ ဒါပမေယ့် အဲဗာတန်နဲ့ ဥရောပ ပြိုင်ပွဲတွေရဲ့ ဆက်ဆံရေးဟာ ၁၉၅၀ (အဲဗာတန်အသင်းဥရောပပြိုင်ပွဲများတွင် ခြေစွမ်းပြချိန်) လောက်ကို ပြန်သွားနေပါပြီ” ဟု ပွဲအပြီးတွင် ပြောကြားခဲ့သည်။

ယနေ့နံနက်က ကစားခဲ့သည့် ယူရိုပါလိဂ် အုပ်စုပွဲစဉ်တွင် အဲဗာတန်အပြင် အခြား ပရီးမီးယားလိဂ်အသင်းဖြစ်သည့် စပါးမှာလည်း အဝေးကွင်းတွင် ထရီပိုလစ်အသင်းကို ၂ ဂိုး ၁ ဂိုးဖြင့် အနိုင်ရခဲ့သည်။