အမေရိကန် အကျဉ်းသား ၂ ဦးအား မြောက်ကိုရီးယား ပြန်လွှတ်ပေး

နိုဝင်ဘာ ၉၊ ၂၀၁၄
M-Media

– မြောက်ကိုရီးယားနိုင်ငံအပေါ် ကျူးလွန်ခဲ့သည့် ရာဇ၀တ်မှုအတွက် အလုပ်ကြမ်းနှင့် ထောင်ဒဏ် ချမှတ်ခြင်းခံထားရသည့် အမေရိကန် နိုင်ငံသား ၂ ဦးအား မြောက်ကိုရီးယားက ပြန်လွှတ်ပေးခဲ့သည်ဟု သိရသည်။

လွတ်မြောက်လာသူများမှာ မက်သယူးတော့ဒ်မီလာနှင့် ကန်နက်သ် ဘေးတို့ ဖြစ်ကြပြီး အမေရိကန်အစိုးရမှ ထုတ်ပြန်သော ကြေညာချက်တွင် နိုင်ငံရပ်ခြားသို့ ရောက်ရှိနေသည့် အမေရိကန်နိုင်ငံသားများ၏ လုံခြုံရေးမှာ နိုင်ငံ၏ အမြင့်ဆုံး ဦးစားပေးမှုဖြစ်ကြောင်း မိမိတို့နိုင်ငံသားများအား လွတ်မြောက်ရန်အတွက် မြောက်ကိုရီးယားကို အစဉ်တစိုက် တောင်းဆိုခဲ့ကြောင်း ထည့်သွင်းဖော်ပြထားသည်။

ထို့ပြင် ၎င်းတို့လွတ်မြောက်ရေးအတွက် ကူညီဆောင်ရွက်ပေးခဲ့သော ဆွီဒင်နိုင်ငံအား ကျေးဇူးတင်ကြောင်းနှင့် လွတ်မြောက်လာသူများအား မိသားစု၊ မိတ်ဆွေများနှင့်အတူ ကြိုဆိုသွားမည်ဖြစ်ကြောင်း ထည့်သွင်းပြောကြားခဲ့သည်။

မီလာမှာ ပြီးခဲ့သည့် ဧပြီလက ပြုံးယမ်လေဆိပ်တွင် ၎င်း၏ ခရီးသွား ဗီဇာကို စုတ်ဖြဲကာ ခိုလှုံခွင့်တောင်းခဲ့သည်ဟု သတင်းများ ထွက်ပေါ်ခဲ့ပြီးနောက် သူလျှိုမှုဖြင့် မြောက်ကိုရီးယား အစိုးရက ထောင်ဒဏ် ၆ နှစ် ချမှတ်ခြင်း ခံခဲ့ရသူဖြစ်သည်။

ကိုရီးယား-အမေရိကန် နွယ်ဖွားဖြစ်သည့် ဘေးမှာ ခရစ်ယာန် သာသနာပြုအဖြစ် မြောက်ကိုရီးယားသို့ ရောက်ရှိလာခဲ့ခြင်းဖြစ်ပြီး အစိုးရ ဆန့်ကျင်ရေးလှုပ်ရှားမှု ပြုလုပ်ခဲ့သည့်ဆိုသော စွဲချက်ဖြင့် ထောင်ဒဏ် ၁၅ နှစ် ချမှတ်ခံခဲ့ရျသည်။

၎င်းတို့နှစ်ဦးမှာ မြောက်ကိုရီးယားမှ ဖမ်းဆီးထားသော အမေရိကန်နိုင်ငံသားများထဲမှ နောက်ဆုံးလွတ်လာခဲ့သူဖြစ်ပြီး ပြီးခဲ့သည့် အောက်တိုဘာ ၂၁ ရက်နေ့က အမေရိကန်နိုင်ငံသားတစ်ဦးဖြစ်သူ ခရစ် ဖိုဝဲလ်ကို မြောက်ကိုရီးယားက ပြန်လွှတ်ပေးခဲ့သည်။