“ဆက်ဆံရေးအဆင်ပြေရဲ့လား”

နိုဝင်ဘာ ၁၁ ၊ ၂၀၁၄
M-Media
.နှင်းဆီခင် ရေးသည်။

လူဆိုတာက ထီးတည်းနေလို့ရတာမျိုးမဟုတ်လို့ မလွဲမသွေဆက်ဆံရတဲ့ ပတ်ဝန်းကျင်ရှိစမြဲပါ။ ကိုယ်ဆက်ဆံနေရတဲ့ အိမ်ပတ်ဝန်းကျင်၊ လုပ်ငန်းခွင်က လုပ်ဖော်ကိုင်ဖက်တွေ နောက်ပြီး အတန်းဖော်မိတ်ဆွေတွေစသူတို့နှင့် အဆင်ပြေပြေရှိတဲ့အခါ စိတ်ကြည်နူးပျော်ရွှင်ရပါတယ်။ ဒါမှမဟုတ် အထစ်အငေါ့၊ အကျိတ်အခဲလေးတွေရှိတဲ့အခါ စိတ်ရှုပ်ထွေးပြီး မကြည်မလင်ဖြစ်ရတယ်။ ပတ်ဝန်းကျင်နှင့်ကင်းလို့ကလည်း မရပြန်တော့ပေါင်းသင်းဆက်ဆံရာမှာ အဆင်ပြေခြင်း အဆင်မပြေခြင်းစတာတွေကို ကြုံဆုံကြရပြီပေါ့။ သူများတကာအပေါ်ကိုယ့်ရဲ့ပြုမူဆက်ဆံပုံဟာ ပတ်ဝန်းကျင်ရဲ့ကိုယ့်အပေါ် တုံ့ပြန်ဆက်ဆံပုံတွေဟာ တစ်ထပ်တည်းကျတယ်လို့မဆိုသာပါဘူး။ တစ်ခါတစ်ရံမှာတော့ ကိုယ့်အပေါင်းအသင်းတွေ အိမ်နီးချင်းတွေနှင့် မိသားစုဝင်တွေအပေါ်မှာ မာနကြောင့် ရိုင်းပျတာ မောက်မာတာမျိုးရှိတတ်တယ်။ ဒါကိုလည်း သတိထားမိချင်မှ ထားမိမယ်။ ဒါပေမယ့် သူများတကာက ကိုယ့်အပေါ်အဆင်မပြေတဲ့ ဆက်ဆံမှုတွေ ကြုံလာရင်တော့ ဒေါသတကြီး ဖြစ်မိတတ်ရော။

အဲဒီအခါ စိတ်ထဲမှာ စွဲစွဲမြဲမြဲတွေးမိတာမျိုးရှိတာက ကိုယ်နှင့်ဆက်ဆံသူတိုင်းဟာ ယဉ်ကျေးသိမ်မွေ့မှုမရှိကြဘူး။ “ကြော” ချင်ကြတယ်။ စကားတင်းဆိုကြသူတွေ ချည်းပဲ။ ယဉ်ကျေးသိမ်မွေ့မှု လုံးဝမရှိကြဘူး။ စိတ်ဓာတ်အောက်တန်းကျလိုက်တာ စသည်ဖြင့်ပေါ့။ သူများအပေါ်အပြစ်တကာ့အပြစ်တွေမြင်ပြီး လျှော့တွက်လေ့ရှိတယ်။

ဒါပေမဲ့ ကိုယ်ကိုယ်တိုင်ကျတော့ရော ဒါတော့တတ်နိုင်သမျှ အကောင်းတွေချည်းမြင်၊ ဖော့တွေးပြီး အပြစ်ကင်းတယ်လို့ စွဲစွဲမြဲမြဲ ယုံကြည်နေတတ်တာဟာ တကယ်တော့ အန္တရာယ်လို့ဆိုရမယ်။ တကယ်တမ်းပြောရရင် ကိုယ်ထင်ထားသလို အရည်အသွေးတွေ ကိုယ့်မှာတကယ်ရောရှိရဲ့လား ဆိုတာကိုတော့ မကြာခဏဆိုသလို ဆန်းစစ်ကြည့်သင့်ပါတယ်။

နေ့စဉ်ဘ၀မှာကြုံဆုံရတဲ့ လူတွေဟာ စရိုက်အမျိုးမျိုး စိတ်ထားအမျိုးမျိုးရှိကြသူတွေလေ။ ကိုယ်ဟာ အတ္တကြီးမားသူ ဆိုရင်တော့ ဆက်ဆံရေးနယ်ပယ်မှာ အဆင်မပြေဖြစ်ဖို့ ကတော့ သေချာသလောက်ဖြစ်မယ်။ ဘာဖြစ်လို့လဲဆိုတော့ ကိုယ့်ရဲ့ဆန္ဒကိုပဲ ဦးစားပေးပြီး သူများတကာကို လုံးဝထည့်မစဉ်းစားလို့ပဲပေါ့။ နောက်ပြီး ကိုယ့်အယူအဆ အတွေးအခေါ်ဟာ အမြဲတမ်းမှန်တယ်လို့ ယုံကြည်ထားတယ်။ ကိုယ့်အပေါ်နှစ်လိုပုံမပြတဲ့သူကိုလည်း လုံးဝလျစ်လျူရှုထားတယ်။ အဲဒီသူနှင့်အဆင်ပြေအောင် ပြောဆိုဆက်ဆံဖို့ မကြိုးစားသလို ညှိနှိုင်းဖို့လည်း စိတ်ကူးမရှိဘူး။

တချို့ရှိတယ်။ သူတို့ကိုပတ်ဝန်းကျင်က ခင်ခင်မင်မင်ရှိတယ် ဆိုရင် သူတို့ပြောသမျှစကားအောင်ပြီး သူတို့ပြောဆိုသမျှ ငြင်းပယ်မယ့်သူ မရှိနိုင်ဘူးလို့ ယုံကြည်ထားရော။ ပတ်ဝန်းကျင်ဆိုတာကို အလေးအနက်ထည့် မစဉ်းစားချင်တော့ဘူး။ အချိန်မရွေး လှည့်ပတ်ပြောဆိုလို့ ရနိုင်တာပဲလို့လည်း လျှော့တွက်ထားတယ်။

ဆိုပါစို့။ အဲဒီလိုလူစားမျိုးမှာ အခက်အခဲ တစ်စုံတစ်ရာ ကြုံလာခဲ့ရင် ပတ်ဝန်းကျင်ကို အရေးတကြီးအကူအညီတောင်းဖို့ ၀န်မလေးဘူး။ ဒါပေမဲ့ သူနှင့် ရင်းနှီးခင်မင်သူတစ်စုံတစ်ယောက်မှာ အခက်အခဲကြုံလို့ အကူအညီတောင်းလာခဲ့ရင်တော့ မသိကျိုးကျွံပြုပြီး နေတတ်တယ်။ အကူအညီပေးဖို့ လေးဖင့်နေရော။ ရှိသေးတယ်။ သူနှင့် အဆင်မပြေတဲ့ အပေါင်းအသင်းမိတ်ဆွေတွေအကြောင်း အိမ်နီးချင်းများ နှင့် မိသားစုဝင်တွေအကြောင်းကို မထိမ်မချန်ဘဲ လျှောက်ပြောတတ်ပြန်တယ်။

တကယ်တော့ စိတ်ရင်းကောင်းပြီး ညှာတာ ထောက်ထားတတ်သူတိုင်းဟာ သူများနှင့် ညှိညှိနှိုင်းနှိုင်း ဆောင်ရွက်လေ့ရှိတယ်။ ပြစ်တင်ရှုတ်ချတာကို မလိုလားဘူး။ တစ်စုံတစ်ယောက်က ကိုယ့်အပေါ်နှစ်လိုဟန်မပြဘူးဆိုရင် ဒေါသအလျင်စလိုမထွက်ဘဲ ဘာကြောင့်ဖြစ်ရတာပါလိမ့်ဆိုတဲ့ အတွေးနှင့်ပြန်ပြီး ဆင်ခြင်ဆန်းစစ်တယ်။ အဲဒီနောက်တော့ ကိုယ်တိုင်က မှားယွင်းနေတာဆိုရင် ချက်ချင်းဆိုသလိုပြန်ပြင်လိုက်တယ်။ တစ်ဖက်သားရဲ့ လွဲမှားမှုမျိုးဆိုရင် သူ့အပေါ် သဘောထားပြောင်းပြီး မြင်လိုက်တယ်။ စိတ်ရင်းကောင်းသူဟာ သူ့အပေါ်ခင်မင်ရင်းနှီးသူတွေနှင့် အခင်အမင်ပျက်စေမယ့် အရာမှန်သမျှအတတ်နိုင်ဆုံးရှောင်တယ်။ သတိလည်းထားလေ့ရှိတယ်။

သူဟာဘ၀မှာ အောင်မြင်လာတဲ့အခါမှာ မောက်မာလေ့ မရှိဘူး။ ကိုယ့်ကိုကိုယ်နှိမ်ကျအောက်ကြို့ဆက်ဆံတတ်တယ်။ တစ်ခါတစ်ရံမှာပေါ့ ကိုယ်က (အကြောင်းကြောင်းကြောင့်) ခင်မင်ရင်းနှီးလိုစိတ် မရှိသူက ကိုယ့်ကို အရောတ၀င်ရင်းနှီး ခင်မင်နေမယ်ဆိုရင်တော့ (သနားစိတ်နှင့်) တုန့်ပြန် ခင်မင်နိုင်အောင် ကြိုးစားမှာတော့ အသေအချာပါပဲ။

ဆိုပါစို့ … တစ်ခါတစ်လေမှာ သူ့အတွက် အခက်အခဲတစ်ခုခု ကြုံရတာမျိုး။ ကျန်းမာရေးချို့ယွင်းလာမယ်ဆိုရင် ကိုယ်တိုင် ဖြေရှင်းနိုင်အောင် ဦးဆုံးကြိုးစားသင့်တယ်။ သူ့အတွက်ကြောင့် သူများတကာမှာ ၀န်ပိမှာကိုတော့ အရမ်းစိုးရိမ်တတ်တယ်။ ဒါပေမယ့်လည်း စိတ်ရင်းစေတနာကောင်းမွန်သူဟာ သူပြုခဲ့တဲ့ လူမှုအကျိုးပြု စိတ်ဓာတ်ကြောင့် အခက်အခဲကြုံလာရတဲ့အခါ ထွက်ပေါက်ရလေ့ရှိတယ်။ လှိုက်လှိုက်လှဲလှဲကူညီပေးမယ့်သူ မရှားဘူးဆိုတာ လက်တွေ့ကြုံဆုံလာရမှာပါ။

သူငယ်ချင်းကောင်း၊ သူငယ်ချင်းစစ်တွေလိုချင်တယ်လို့ တဖွဖွအော်နေသူတွေဟာ တော်တော်များများကို မကောင်းမြင်စိတ်နှင့်ချည်း ကြည့်လေ့ရှိကြပြီး ကိုယ်ကလွဲလို့ ဘယ်သူမှ မကောင်းဘူးလို့ချည်း “ထစ်” နေတတ်လာကိုး အမှန်တော့ အလွယ်ကူဆုံး ဆန်းစစ်ကြည့်သင့်တာက ကိုယ်တိုင်ကရော အများသူငါအတွက် သူငယ်ချင်းကောင်းပီသရဲ့လားဆိုတာပဲပေါ့။

ကျယ်ဝန်းလှတဲ့ ပေါင်းသင်းဆက်ဆံရေးနယ်ပယ်မှာ စိတ်ရင်း စေတနာကောင်းသူ၊ အကောင်းမြင်တတ်သူတွေအတွက် မိတ်ဆွေမရှားဘဲ ပတ်ဝန်းကျင်နှင့် အဆင်ပြေ ချောမွေ့နိုင်ပါတယ် ဆိုတာကိုတော့ …..

နှင်းဆီခင်