ဗြိတိန်တွင် မွတ်စလင် ဆန့်ကျင်ရေး လုပ်ခဲ့သူ ဗလီဝတ်ကျောင်းတော်သို့ လာရောက်တောင်းပန်

နိုဝင်ဘာ ၁၂ ၊ ၂၀၁၄
M-Media

– မွတ်စလင် ဆန့်ကျင်ရေး လှုပ်ရှားမှုများကို ဆောင်ရွက်နေသည့် ဗြိတိန် လက်ယာစွန်းရောက် ပါတီမှ အဖွဲ့ဝင်ဟောင်း တစ်ဦးဖြစ်သူ မက်သယူး လက်စတာက ၎င်း၏ မွတ်စလင်ဆန့်ကျင်ရေး လုပ်ရပ်များ အတွက် ဗလီဝတ်ကျောင်းတော်သို့ လာရောက်ကာ တောင်းပန်ခဲ့သည်ဟု သိရသည်။

“(မွတ်စလင်ဆန့်ကျင်ရေးကို) ပြည်သူ အတွက် လုပ်တယ်လို့ ကျွန်တော်ထင်ခဲ့ပါတယ်။ ဒါပေမယ့် ဒါဟာ နာမည်ကြီးချင်လို့ လုပ်တာပါပဲ။ တစ်ခုခုကို ဆောင်ရွက်ပေးတာမျိုး၊ ပြဿနာတွေကို ရင်ဆိုင်ဖြေရှင်းတာမျိုးထက် နာမည်ကြီးအောင် စတန့်ထွင်ခြင်းပါပဲ” ဟု Britain First ပါတီ အဖွဲ့ဝင်ဟောင်း လက်စတာက Huffington Post သို့ ပြောကြားခဲ့သည်။

လက်စတာမှာ BNP ပါတီမှ အဖွဲ့ဝင်ဟောင်းများဖြစ်သည့် ပေါလ်ဂိုလ်ဒင်းနှင့် ခရစ်ယာန် ဧ၀ံဂေလိအသင်းတော်မှ သဘောထားတင်းမာသည့် ကလေးဖျက်ချမှု ဆန့်ကျင်ရေး လှုပ်ရှားသူ ဂျင်မ်ဒေါ်ဆန်တို့ ဦးဆောင်သည့် Britain First ပါတီသို့ ပြီးခဲ့သည့် ၆ လခန့်က ၀င်ရောက်ခဲ့ခြင်းဖြစ်သည်။

Britain First ပါတီမှာ ပြီးခဲ့သည့် လများအတွင်း လန်ဒန်၊ ဘရက်ဖို့ဒ်နှင့် ဂလက်စကိုရှိ ဗလီဝတ်ကျောင်းတော်များသို့ ကျူးကျော်ဝင်ရောက်ကာ ခရစ်ယာန်ဘာသာနှင့် သက်ဆိုင်သည့် လက်ကမ်းစာစောင်များကြဲချခြင်း၊ သမ္မာကျမ်းစာများ ဝေငှခြင်းတို့ကို ပြုလုပ်ခဲ့ပြီး ထိုသို့ပြုလုပ်ခြင်းမှာ အစ္စလာမ်ဘာသာဝင်များအပေါ် ခရစ်ယာန်ဘာသာဝင်များက ခရူးဆိတ်စစ်ပွဲ ဆင်နွှဲခြင်းဖြစ်သည်ဟု ထိုပါတီမှ ကိုယ်စားလှယ်တစ်ဦးက ပြောကြားခဲ့သည်။

ပါတီဝင်ဟောင်း လက်စတာကမူ ထိုပါတီ၏ အမုန်းတရားဖြန့်ဖြူးသည့် လုပ်ရပ်များကို ရှုတ်ချခဲ့ပြီး ခရေးဖို့ဒ် ဗလီဝတ်ကျောင်းတော်သို့ လာရောက်ကာ တောင်းပန်ခဲ့သည်။

“ကျွန်တော် ဗလီထဲကိုဝင်တဲ့အခါ ဖိနပ်ချွတ်၊ ဦးထုပ်ချွတ်ခဲ့ပါတယ်။ သူတို့က အလ္လာဟ်အရှင်မြတ်ဟာ အသင့်ရဲ့နှလုံးသားထဲမှာဘာရှိလဲဆိုတာ သိတယ်လို့ ပြောပါတယ်။ အဲဒီနောက် ကျွန်တော့်ရဲု့လုပ်ရပ်အတွက် တောင်းပန်ခဲ့ပါတယ်” ဟု လက်စတာက ပြောကြားခဲ့သည်။

လက်စတာ၏ ထိုပြုအမူနှင့်ပတ်သက်၍ ဗြိတိန်ပြည်သူများက ကြိုဆိုခဲ့ကြပြီး ဆိုရှယ်မီဒီယာများတွင်လည်း ချီးကျူးခဲ့ကြသည်။ လက်စတာမှာ ဆစ်ခ် ဟိန္ဒူနှင့် ဂျူးများအပါအ၀င် မတူညီသော ဘာသာတရားများ စုစည်းညီညွတ်မှုကိုလည်း မြင်ချင်သည်ဟု ထည့်သွင်းပြောကြားခဲ့သည်။

“ဆစ်ခ်၊ ဟိန္ဒူနဲ့ ဂျူးဘာသာဝင်တွေအနေနဲ့ အခုအချိန်မှာ အတူတကွ ပေါင်းစည်းမှုကို ပြသဖို့ ကျွန်တော်ပြောချင်ပါတယ်။ ကျွန်တော်တို့အားလုံးဟာ လူသားတွေဖြစ်ပြီး မတူညီတဲ့ ယုံကြည်မှုတွေရှိပါတယ်။ ဒါဟာ ကောင်းပါတယ်” ဟု ၎င်းက ထပ်လောင်းပြောကြားခဲ့သည်။

တရားဝင် တွက်ချက်ထားမှုများ မရှိသော်လည်း ဗြိတိန်တွင် အစ္စလာမ်ဘာသာကို သက်ဝင်ယုံကြည်ကြသူများမှာ ၂ သန်းခန့်ရှိသည်ဟု ခန့်မှန်းထားသည်။

ref_ OnIslam & Newspapers