ကနေဒါ စစ်သားဟောင်းများ ထောက်ပံရေး မွတ်စလင် စီးပွားရေးသမားများ ဦးဆောင် ရန်ပုံငွေ ရှာ၊ တပတ်တွင်း ဒေါ်လာ ၁ သန်းရရှိ

နိုဝင်ဘာ ၁၆ ၊ ၂၀၁၄
M-Media

– တိုင်းပြည်တာဝန်ကို ထမ်းဆောင်ခဲ့ကြသော စစ်သားဟောင်းများနှင့် ချို့တဲ့သော ၎င်းတို့ မိသားစုများအား ကူညီထောက်ပံ့ရန်အတွက် ကနေဒါ မွတ်စလင်လုပ်ငန်းရှင်များက ရန်ပုံငွေ အဖွဲ့တစ်ခုကို ထူထောင်လိုက်သည်ဟု သိရသည်။

Salamam-TPL ဟု အမည်ရသည့် အဆိုပါအဖွဲ့ကို ကနေဒါရှိ Paramount Fine Foods မှ စီအီးအို မိုဟာမက် ဖာကီနှင့် K.Khan စီးပွားရေးလုပ်ငန်းစုမှ စီအီးအို ကာရှစ်ဖ်ခန်းတို့က နိုဝင်ဘာ ၁၀ ရက်နေ့တွင် ပူးပေါင်းတည်ထောင်ခဲ့ခြင်းဖြစ်သည်။

၎င်းတို့ နှစ်ဦးမှာ ထိုအဖွဲ့အား မတည်ငွေ ကန်ဒေါ်လာ ၁ သိန်းဖြင့် စတင်ခဲ့ပြီး နောက်ပိုင်းတွင် အခြားမွတ်စလင်စီးပွားရေး လုပ်ငန်းရှင်များက အလှူငွေများ ထည့်ဝင်ခဲ့ကြပြီး စုစုပေါင်း ကန်ဒေါ်လာ ၁ သန်း ရရှိခဲ့သည်။ ထိုငွေအား True Patriot Love Foundation (TPL) အဖွဲ့နှင့် ပူေးပါင်းကာ စစ်သားဟောင်းများနှင့် ၎င်းတို့၏မိသားစုများအား လှူဒါန်းသွားမည်ဖြစ်သည်။

“ကနေဒါက အဓိကလူ့အဖွဲ့အစည်းနဲ့ ပြောင်းရွှေ့အခြေချလာတဲ့ လူ့အဖွဲ့အစည်းကြားမှာ ကွာဟချက် တစ်ခု ရှိနေပါတယ်။ Salaam-TPL ဖွဲ့စည်းခြင်းနဲ့အတူ ဒီပြောင်းရွှေ့အခြေချလာကြတဲ့ လူ့အဖွဲ့အစည်းတွေကြားမှာ အသိပညာပေးရေးနဲ့ ပူးပေါင်းပါဝင်ရေး မြှင့်တင်ရေးကို မွတ်စလင်တွေကနေ စလုပ်ဖို့ စီစဉ်ထားပါတယ်” ဟု မိုဟာမက် ဖာကီက ပြောကြားခဲ့သည်။

ကနေဒါရှိ လူဦးရေ ၃၂.၈ သန်းတွင် အစ္စလာမ်ဘာသာကို သက်ဝင် ယုံကြည်ကြသူများမှာ ၂.၈ ရာခိုင်နှုန်းရှိပြီး ခရစ်ယာန်ပြီးနောက် ဒုတိယအကြီးဆုံး ဘာသာတရားလည်းဖြစ်သည်။

စစ်သားဟောင်းများအား ထောက်ပံ့ခြင်း

“ကျွန်တော်တို့လူ့အဖွဲ့အစည်းကို စေ့စပ်ပေးဖို့ ဓာတ်ကူပစ္စည်းတစ်ခု လိုနေတယ်ဆိုတာ မိုဟာမက်နဲ့ ကျွန်တော်တို့ သတိပြုမိခဲ့ပါတယ်။ လာမယ့်လတွေမှာ ဒီအဖွဲ့ထဲကို ရန်ပုံငွေတွေ ထည့်ဝင်ခြင်းအားဖြင့် ကျွန်တော်တို့ တိုင်းပြည်ရဲ့ တာဝန်ကို ထမ်းဆောင်ကြတဲ့ ကနေဒါတစ်ဝှမ်းက စစ်သည်တွေရဲ့ မိသားစုတွေအတွက် ထောက်ပံ့ပေးဖို့ တစ်နိုင်ငံလုံးက မွတ်စလင်တွေကို တိုက်တွန်းပါတယ်” ဟု ကာရှစ်ဖ်ခန်းက ပြောကြားခဲ့သည်။

True Patriot Love Foundation (TPL) အဖွဲ့မှာ ကနေဒါ စစ်တပ်အတွက် စွန့်လွှတ်စွန့်စားခဲ့သူများ၊ စစ်သားဟောင်းများနှင့် ၎င်းတို့၏ မိသားစုများအား ထောက်ပံ့နေသော နိုင်ငံလုံးဆိုင်ရာ အဖွဲ့တစ်ခုဖြစ်သည်။

“Paramount Fine Foods နဲ့ K. Khan တို့နဲ့ မိတ်ဆွေဖြစ်ခွင့်ရတဲ့အတွက် အရမ်းကို ဂုဏ်ယူပါတယ်။ ကျွန်တော်တို့ရဲ့ စစ်တပ်မိသားစုတွေအတွက် ကူညီထောက်ပံ့ပေးဖို့ ကနေဒါနိုင်ငံသားအားလုံး အတူတကွ ဆောင်ရွက်နိုင်တယ်၊ ဆောင်ရွက်လိမ့်မယ်ဆိုတာကို ပြသလိုက်တာပါပဲ” ဟု TPL ကို ပူးတွဲထူတောင်ခဲ့ပြီး ဒုတိယ ဥက္ကဌအဖြစ် တာဝန်ထမ်းဆောင်နေသည့် မိုက်ကယ် ဘန်းစ်က ပြောကြားခဲ့သည်။

TPL ဖောင်ဒေးရှင်းမှာ စစ်သားဟောင်းများ၏ စိတ်ကျန်းမာရေး၊ ရုပ်ပိုင်းဆိုင်ရာ ပြန်လည်ထူထောင်ပေးရေး စသည့်ကဏ္ဍများတွင် ရန်ပုံငွေထောက်ပံ့နေသည့် အဖွဲ့အစည်းဖြစ်ပြီး ၂၀၀၉ ခုနှစ်မှ ယခုအချိန်အထိ နိုင်ငံတစ်ဝှမ်း လှူဒါန်းမှုပမာဏမှာ ကန်ဒေါ်လာ ၁၈ သန်းရှိသည်။

ref_ OnIslam