အာဆင်နယ် တိုက်စစ်မှူး ပိုဒေါစကီး လာမည့် ဇန်န၀ါရီတွင် အနာဂတ် အတွက် ဆွေးနွေးတော့မည်

နိုဝင်ဘာ ၁၇၊ ၂၀၁၄
M-Media

– အာဆင်နယ်မှ ထွက်ခွာမည်ဟု သတင်းများထွက်ပေါ်နေသည့် ဂျာမနီတိုက်စစ်မှူး ပိုဒေါစကီးက ၎င်းမှာ သွေးပူလေ့ကျင့်ခန်းလုပ်ခြင်း၊ ပွဲစဉ်အား စောင့်ကြည့်ခြင်းတို့ဖြင့်သာ အချိန်ကုန်နေရသည်ဟု ပြောကြားလိုက်သည်။

ဂျီဘရောတာအား ၄ ဂိုးပြတ်ဖြင့် အနိုင်ရခဲ့သည့် သောကြာနေ့ပွဲတွင် ဂျာမနီနှင့် ပွဲချိန်ပြည့် ပါဝင်ကစားခွင့်ရခဲ့သည့် ပိုဒေါစကီးမှာ အာဆင်နယ်အသင်းအတွက် ယခုနှစ်ပရီးမီးယားလိဂ်တွင် လူစားဝင်ကစားသမားအဖြစ် ၄ ပွဲသာ ပါဝင်ကစားခွင့်ရထားသည်။

ပိုဒေါစကီးက ဂျီဘရောတာနှင့်ပွဲအပြီးတွင် မိမိ၏ ရပ်တည်ချက်ကို ခိုင်မာအောင်ပြုလုပ်ခဲ့ပြီး လာမည့်ဇန်န၀ါရီတွင် အာဆင်နယ်အသင်းနှင့် ဆွေးနွေးမှုများ ပြုလုပ်သွားမည်ဟု ဖွင့်ဟခဲ့သည်။

“ပြီးခဲ့တဲ့လေးပွဲမှာ ကျွန်တော်ဟာ အချိန်နည်းနည်းပဲ ပါဝင်ကစားခွင့် ရခဲ့ပါတယ်။ ဦးထုပ်ဆောင်း၊ လည်စည်းဝတ်ပြီး အခြားသူတွေကစားတာကို ကြည့်နေရတာ၊ အနွေးထည်ကြီးဝတ်ပြီး သွေးပူလေ့ကျင့်ခန်းလုပ်နေရတာနဲ့ပဲ အချိန်ကုန်နေပါတယ်။ ကျွန်တော် ဘာစွမ်းဆောင်နိုင်လဲဆိုတာ အာဆင်နယ်မှာ ပြချင်ပါတယ်။ ဒါပေမယ့် ကျွန်တော်လုပ်နိုင်တာကိုပြဖို့ အခွင့်အရေး မရပါဘူး” ဟု ပိုဒေါစကီးက ပြောကြားခဲ့သည်။

ဂျာမနီနည်းပြ ဂျိုအာချင်းလိုကလည်း ပိုဒေါစကီးအနေဖြင့် နိုင်ငံအသင်းတွင် ပါဝင်ကစားချင်ပါက ကလပ်အသင်းနှင့် ပုံမှန်ပွဲထွက်ခွင့်ရရန် လိုအပ်သည်ဟု ပြောကြားထားသည်။

“နောက်လာမယ့်နှစ်တွေမှာလည်း ကျွန်တော်ဟာ ဘောလုံးကစားချင်ပါတယ်။ ဒါ့ကြောင့် အားလုံးကောင်းပါတယ်လို့ ပြောပြီး စာချုပ်သက်တမ်းပြည့်အောင် ထိုင်စောင့်ရမှာလား?” ဟု ၎င်းက မေးခွန်းထုတ်ခဲ့သည်။