နေးမာမှာ မက်ဆီထက်ပိုကောင်းသည်ဟု ရိုမာရီယိုဆို

နိုဝင်ဘာ ၁၉ ၊ ၂၀၁၄
M-Media

– ဘာစီလိုနာအသင်း၏ တိုက်စစ်မှူးနေးမာမှာ အသင်းဖော်မက်ဆီ၏ အောင်မြင်မှုများကို ကျော်ဖြတ်နိုင်ပြီး အကောင်းဆုံးကစားသမား ဖြစ်လာလိမ့်မည်ဟု ဘရာဇီးလ် ဂန္တ၀င်ကစားသမား ရိုမာရီယိုက ပြောကြားခဲ့သည်။

နေးမာမှာ ကမ္ဘာ့ဖလားပြိုင်ပွဲတွင် ဘာစီလိုနာအသင်းနှင့် ခြေစွမ်းပြနိုင်ခဲ့ပြီး မက်ဆီမှာလည်း ဗိုလ်လုပွဲရောက်အာဂျင်တီးနားအသင်းတွင် အဓိကအခန်းကဏ္ဍမှ ပါဝင်ခဲ့သူဖြစ်ကာ ရွှေဘောလုံးဆုကို ရရှိခဲ့သည်။

သို့သော်လည်း ၁၉၉၄ ခုနှစ် ကမ္ဘာဖလားအား ဘရာဇီးလ်အသင်းနှင့် ကိုင်မြှောက်နိုင်ခဲ့သည့် ရိုမာရီယိုကမူ နေးမာမှာ မက်ဆီထက် ပိုသာသည့် မှတ်တမ်းများကို ထားခဲ့နိုင်မည်မှာ သံသယ ရှိစရာမလိုကြောင်း ပြောကြားခဲ့သည်။

“မက်ဆီကိုကျော်ဖို့ သူ့မှာအားလုံးရှိနေပါတယ်။ မက်ဆီဟာ သမိုင်းရဲ့ အစိတ်အပိုင်းတစ်ခု ဖြစ်ခဲ့ပါတယ်။ နေးမာကတော့ ပိုကြီးတဲ့ အကျိုးသက်ရောက်မှု ရှိမှာပါ။ ပြီးတော့ မက်ဆီဟာ ကမ္ဘာ့ဖလားပြိုင်ပွဲမှာ နောက်ထပ်ယှဉ်ပြိုင်ပြီး ဗိုလ်စွဲနိုင်မှာ မဟုတ်တော့ပါဘူး။ နေးမာကတော့ နောက်ထပ်သုံးလေးကြိမ်လောက် ပါဝင်ယှဉ်ပြိုင်ရမှာပါ” ဟု ရိုမာရီယိုက Revista Trip နှင့် အင်တာဗျူးတွင် ပြောကြားခဲ့သည်။

ထို့ပြင် ယခုလက်ရှိတွင် ဘရာဇီးလ်အသင်းအတွက် ၄၂ ဂိုးသွင်းယူပေးထားသည့် နေးမာမှာ မိမိသွင်းထားသော ၅၅ ဂိုးစံချိန်ကို မကြာခင် ကျော်ဖြတ်နိုင်မည်ဟုလည်း ထပ်လောင်းပြောကြားခဲ့သည်။