နာနီမန်ယူပြန်ရောက်မှာလား

နိုဝင်ဘာ ၂၁၊ ၂၀၁၄
M-Media

– ကွင်းလယ်ကစားသမား မားကို့စ်ရိုဂျို၏ အပြောင်းအရွှေ့ တစ်စိတ်တစ်ပိုင်းတွင် ပါဝင်ခဲ့ကာ အငှားဖြင့် စပို့တင်းလစ္စဘွန်းတွင် ကစားနေရသည့် နာနီမှာ မန်ယူအသင်းသို့ ပြန်ရောက်လာဖွယ်ရှိနေသည်ဟု သိရသည်။

နာနီမှာ တနှစ်အငှားစာချုပ်ဖြင့် စပို့တင်းသို့ သွားရောက်ကစားနေခြင်းဖြစ်ပြီး ဒဏ်ရာရကစားသမားများနှင့် ရုန်းကန်နေရသည့် မန်ယူကလည်း ၎င်း၏ ခြေစွမ်းကိုစောင့်ကြည့်နေကာ အသင်းသို့ ပြန်လည်ခေါ်ယူရန် စဉ်းစားနေသည်ဟု သတင်းများထွက်ပေါ်နေသည်။

အင်္ဂါနေ့က အိုးလ်ထရက်ဖို့တွင်ကစားခဲ့သည့် ခြေစမ်းပွဲ၌ အာဂျင်တီးနားအသင်းအား ၁ ဂိုး ဂိုးမရှိဖြင့် အနိုင်ရခဲ့သည့် ပေါ်တူဂီအသင်းတွင် ပါဝင်ကစားခဲ့သော နာနီကလည်း မန်ယူသို့ ပြန်လာချင်သည့် ၎င်း၏ ဆန္ဒကို ဖွင့်ဟခဲ့သည်။

မန်ယူသို့ ပြန်လာနိုင်ချေရှိသလားဟု မေးမြန်းရာ “ဘာလို့ ပြန်မလာနိုင်ရမှာလဲ။ စပို့တင်းကိုသွားတယ်ဆိုတာ ပိုကစားရပြီး အကောင်းဆုံးအခြေအနေကို ပြန်ရောက်ဖို့ပါ။ တကယ်လို့ မန်ယူမှာ အခွင့်အရေးရမယ်ဆိုရင်တော့ ကြည့်ကြတာပေါ့ဗျာ” ဟု ပြန်လည် ဖြေကြားခဲ့သည်။

ပေါ်တူဂီမှာ ထိုပွဲတွင် ဂွာရဲရိုး၏ ခေါင်းတိုက်ဂိုးဖြင့် အနိုင်ရရှိခဲ့ခြင်းဖြစ်ပြီး နာနီကမူ ၎င်းတို့အသင်းမှာ အနိုင်ရထိုက်ကြောင်း၊ ကစားသမားများအားလုံးမှာလည်း စွမ်းဆောင်မှု ကောင်းမွန်ကြောင်း၊ ဖိအားအနည်းငယ်ရှိသော်လည်း အနိုင်ရခဲ့ခြင်းမှာ မိမိတို့အတွင် ကောင်းမွန်ကြောင်း ၎င်းက ထပ်လောင်းပြောကြားခဲ့သည်။