ဟာဗားနား ဗလီဝတ်ကျောင်း ဆောက်လုပ်ရန် ကျူးဘားအစိုးရ မြေနေရာချပေး

နိုဝင်ဘာ ၂၂ ၊ ၂၀၁၄
M-Media

ကျူးဘားတွင်ဆောက်လုပ်မည့် ဗလီဝတ်ကျောင်းကို တူရကီနိုင်ငံ Istanbul မြို့ရှိ Ortaköy Mosque ၏ ဒီဇိုင်းအတိုင်း ဆောက်လုပ်မည်ဟု သိရသည်။

– မွတ်စလင်များက အမေရိကတိုက်ကို ရှာဖွေတွေ့ရှိခဲ့သည့် အထိမ်းအမှတ်အဖြစ် မြို့တော် ဟာဗားနားတွင် ဆောက်လုပ်မည့် ဗလီဝတ်ကျောင်းတော်အတွက် ကျူးဘားအစိုးရက မြေနေရာ သတ်မှတ်ပေးခဲ့သည်ဟု သိရသည်။

ဟာဗာနားမြို့ဟောင်းခရိုင်ရှိ ၅ ဧကကျယ်သော မြေနေရာတစ်ခုအား သတ်မှတ်ပေးခဲ့ခြင်းဖြစ်ပြီး အဆိုပါမြေနေရာမှာ တူရကီသမ္မတ တိုင်ယစ်ပ်အာဒိုဂန် ပြီးခဲ့သည့် တစ်ပတ် ကျူးဘားနိုင်ငံသို့ လာရောက်စဉ်က အဆိုပြုသွားခဲ့သည့် နေရာလည်းဖြစ်သည်။

“ဒါဟာ ကျွန်တော်တို့ ဖောင်ဒေးရှင်းရဲ့ စီမံကိန်းနဲ့ နှစ်နိုင်ငံအပြန်အလှန် လည်ပတ်မှုကနေ ဖြစ်လာတာဖြစ်ပါတယ်။

ဗလီဝတ်ကျောင်းတော် ဆောက်လုပ်နိုင်မယ့် မြေနေရာကတော့ အဆင်သင့်ဖြစ်နေပါပြီ” ဟု တူရကီ သာသနာရေးဝန်ကြီးဌာန  Diyanet  မှ အထွေထွေမန်နေဂျာ မွတ်စ်တာဖာ တွန်ကန်က နိုဝင်ဘာ ၂၀ ရက်နေ့တွင် Daily Vatan သတင်းစာသို့ ပြောကြားခဲ့သည်။

ထို့ပြင် ဗလီဝတ်ကျောင်းတော် ဆောက်လုပ်မှုအတွက် ဖြစ်နိုင်ခြေများကို ကျူးဘားတာဝန်ရှိသူများနှင့် တူရကီအစိုးရတို့အကြား ဆွေးနွေးညှိနှိုင်းရန်အတွက်လည်း  Diyanet က ဆောင်ရွက်ပေးနေသည်ဟု ၎င်းက ဆိုသည်။

အဆိုပါ ဗလီဝတ်ကျောင်းတော်ကို အစ္စတန်ဘူလ်ရှိ Ortakoy ဗလီဝတ်ကျောင်းတော်အား ပုံတူထား၍ တည်ဆောက်သွားမည်ဖြစ်သည်။

“Ortakoy ဗလီဝတ်ကျောင်းတော်လို ပုံစံတူတည်ဆောက်သွားဖို့ ကျွန်တော်တို့ စဉ်းစားနေပါတယ်” ဟု တွန်ကင်က ဆိုသည်။

ကိုလံဘတ်စ်အရင် နှစ်ပေါင်း ၃၀၀ ကျော်က မွတ်စလင်ခရီးသွားများ အမေရိကတိုက်ကို ရှာဖွေတွေ့ရှိခဲ့သည့် အထိမ်းအမှတ်ဖြစ် ကျူးဘားနိုင်ငံ၏ ပထမဆုံး အဆိုပါ ဗလီဝတ်ကျောင်းတော်ကို ဆောက်လုပ်ရန် အာဒိုဂန်က ပြီးခဲ့သည့် သီတင်းပတ် ကျူးဘားနိုင်ငံသို့ လာရောက်စဉ်က ကြေညာခဲ့ခြင်းဖြစ်သည်။

ထိုသို့ ပြောဆိုမှုအတွက် ဝေဖန်မှုများ ခံခဲ့ရပြီး အာဒိုဂန်က ကိုလံဘတ်စ် ကျူးဘားသို့ စတင်ရောက်ရှိစဉ်က တောင်တစ်ခုပေါ်တွင် တွေ့ရှိခဲ့သည့် ဗလီဝတ်ကျောင်းတော်အကြောင်း ရေးသားထားသော ကိုလံဘတ်စ်၏ ဒိုင်ယာရီကို ထောက်ပြကာ ဝေဖန်သူများကို တုံ့ပြန်ခဲ့သည်။ ထို့ပြင် စာသင်ကျောင်းများတွင် မွတ်စလင်သိပ္ပံပညာရှင်များအကြောင်း သင်ကြားရန်လည်း တိုက်တွန်းခဲ့သည်။

ကျူးဘားအစိုးရကမူ အဆိုပါ ဗလီဝတ်ကျောင်းတော်အား တူရကီတစ်နိုင်ငံတည်းက ဆောက်လုပ်ခြင်းထက် OIC အဖွဲ့ဝင်နိုင်ငံအားလုံးက ပူးပေါင်းဆောက်လုပ်ရန် ပိုမို အလိုရှိနေသည်။

ဟာဗားနားတွင် ဗလီဝတ်ကျောင်းတော် ရှိခဲ့ကြောင်း ရေးသားထားသည့် ကိုလံဘတ်စ်၏ ဒိုင်ယာရီကို တူရကီ သမိုင်းပညာရှင် Youssef Mroueh က ၁၉၉၆ ခုနှစ်တွင် ရေးသားခဲ့သော ဆောင်းပါ တစ်ပုဒ်တွင် စတင်ဖော်ပြခဲ့သည်။

ကိုလံဘတ်စ်မတိုင်ခင် ရာစုနှစ်များစွာအရင်က အာရပ်ခရီးသွားများ၊ အနောက်အာဖရိကမှ လူမည်းများနှင့် အော်တိုမန်အင်ပါယာမှ မွတ်စလင်များမှာ ရေကြောင်းခရီးဖြင့် အမေရိကန်သို့ သွားရောက်ခဲ့သည်ဟူသော သမိုင်းဆိုင်ရာ အထောက်အထားများမှာ အထင်အရှားရှိနေသည်။

ref_OnIslam & Newspapers