အမေရိကန်တွင် လေသေနတ်ကိုင် ၁၂ နှစ်သားအား လက်မမြှောက်၍ ရဲတပ်ဖွဲ့ ပစ်သတ်

နိုဝင်ဘာ ၂၅ ၊ ၂၀၁၄
M-Media

– ခါးကြားထဲမှ သေနတ်အတု ထုတ်လိုက်သည့်အတွက်ကြောင့် ရဲတပ်ဖွဲ့၏ သေနတ်ဖြင့် ပစ်မှုကို ခံခဲ့ရသည့် အသက် ၁၂ အရွယ် အမေရိကန် လူငယ်တစ်ဦးမှာ ရရှိသော ဒဏ်ရာကြောင့် ယမန်နေ့က သေဆုံးသွားခဲ့သည်ဟု သိရသည်။

အိုဟိုင်းယိုး အရှေ့မြောက်ဘက် ကလီဗ်လန်းဒေသတွင် ယမန်နေ့ နေ့လည်ပိုင်းက ဖြစ်ပွားခဲ့ခြင်းဖြစ်ပြီး အသက် ၁၂ အရွယ် တမီရန် ရွိုက်ဆိုသည့် လူငယ်အား ရဲတပ်ဖွဲ့က လက်မြှောက်ရန် အမိန့်ပေးရာမှ ပစ်ခတ်မှု ဖြစ်ပွားခဲ့ခြင်းဖြစ်သည်။

ရဲတပ်ဖွဲ့က ထိုကဲ့သို့အမိန့်ပေးရာတွင် အဆိုပါလူငယ်မှာ မည်သည့် ပြောဆိုမှုမှ မပြုလုပ်ဘဲ ခါးတွင်ချိတ်ထားသည့် သေနတ်အား ထုတ်ခဲ့သောကြောင့် ရဲတပ်ဖွဲ့က သေနတ်ဖြင့် ၂ ချက် ပစ်ခဲ့ခြင်းဖြစ်သည်ဟု ရဲတပ်ဖွဲ့ ဒုတိယအကြီးအကဲ အဒ်တွမ်ဘာက ပြောကြားခဲ့သည်။

သို့သော်လည်း လူငယ်ထုတ်လိုက်သော သေနတ်မှာ လေသေနတ်သာဖြစ်ပြီး သေနတ်အစစ် မဟုတ်မှန်း သိစေရန် ထိုကဲ့သို့ လေသေနတ်များတွင် တပ်ဆင်ထားသည့် လိမ္မော်ရောင် အန္တရာယ်ကင်းရေး အမှတ်အသားကို ဖျက်ထားသည်ဟု ဆိုသည်။

မိဘများဘက်မှ ရှေ့နေကမူ ရွိုက်စ်မှာ ၎င်း၏ သူငယ်ချင်းများနှင့်အတူ ပန်းခြံသို့ သွားခြင်းဖြစ်ပြီး မည်သည့်အတွက်ကြောင့် ပစ်ခတ်မှု ဖြစ်ပွားရခြင်းကို မသိရှိကြောင်း ပြောကြားခဲ့သည်။

အဆိုပါကိစ္စတွင် ပါဝင်ပတ်သက်သည့် ရဲအရာရှိ ၂ ဦးအား တာဝန်မှ ခွင့်ပေးထားပြီး စုံးစမ်းစစ်ဆေးမှုများကို ပြုလုပ်နေသည်ဟု ကလီဗ်လန်း တရားရုံးမှ ပြောကြားခဲ့သည်။

အမေရိကန်မြို့တစ်မြို့ဖြစ်သည့် ဖာဂူဆန်မြို့တွင် ပြီးခဲ့သည့်လပိုင်းက လူမည်းလူငယ်တစ်ဦးကို ရဲတပ်ဖွဲ့က ပစ်သတ်ခဲ့သောကြောင့် လူထုအုံကြွမှုများ ဖြစ်ပွားခဲ့သေးသည်။

AP