မိမိမှာ အမျိုးသမီး အခွင့်အရေုး ကာကွယ်သူလို့ တူရကီ သမ္မတ အာဒိုဂန်ပြော၊ မီဒီယာများ ပုံဖျက်ဖော်ပြမှုကို ရှုတ်ချ

နိုဝင်ဘာ ၂၇ ၊ ၂၀၁၄
M-Media

၂၀၁၄ အောက်တိုဘာ ၁၄ ရက်၊ ပဲရစ်ရှိ အဲလစ္စီနန်းတော်၌ တွေ့ရသော တူရကီသမ္မတ ရီဆက် သွိုင်ယစ် အာဒိုဂန် (ယာဖက်သူ) – AFP PHOTO / POOL / THIBAULT CAMUS

အမျိုးသားနဲ့အမျိုးသမီးကြားက တန်းတူညီမျှမှု အပေါ် မိမိရဲ့မှတ်ချက်များကို အငြင်းပွားဖွယ်ရာဖြစ်အောင် ပုံဖျက်နေတဲ့ မီဒီယာကို ရှုတ်ချပြီး တူရကီသမ္မတ ရီဆက် သွိုင်ယစ် အာဒိုဂန်က မိမိရဲ့နိုင်ငံရေးဘ၀ တစ်လျှောက်လုံး အမျိုးသမီးအခွင့်အရေးများကို ထောက်ခံအားပေး ဆောင်ရွက်လာခဲ့ကြောင်း အခိုင်အမာ ဆိုလိုက်ပါတယ်။

“အမျိုသားနဲ့အမျိုးသမီးတွေကို (အခါခပ်သိမ်း) တပြေးညီအဖြစ် သတ်မှတ်လိုက်လို့ မဖြစ်နိုင်ပါဘူး။ တန်းတူညီမျှဖြစ်ခြင်းဆိုတာထက် တရားမျှတမှုကို အမျိုးသမီးတွေလိုအပ်တာပါ၊ ကျွန်တော် အဲ့ဒီလိုပြောခဲ့ခြင်းဖြစ်တယ်။ ကျွန်တော့်ရဲ့ နှစ်ပေါင်းလေးဆယ် နိုင်ငံရေးဘ၀ တစ်လျှောက်လုံး အမျိုးသမီးအရေး အတွက် ပုဂ္ဂလဆန်ဆန် ကာကွယ်လာခဲ့တယ်။ ဒါကို မြင်သာအောင်ကြည့်နိုင်မယ်ဆိုရင် ကျွန်တော့်ကိုဖြစ်စေ၊ ကျွန်တော့်လုပ်ဖော်ကိုင်ဖက်များကိုဖြစ်စေ ဘယ်သူမှ သွားပုပ်လေလွင့် စွပ်စွဲနိုင်မှာ မဟုတ်ပါဘူး” လို့ အစ္စတန်ဘူလ်မှာ စီးပွားရေးလုပ်ငန်းရှင်များနဲ့ တွေ့ဆုံစဉ် အာဒိုဂန်က ပြောကြားပါတယ်။

ပြီးခဲ့တဲ့တနင်္လာနေ့က ဘာသာရေးလေးစားတဲ့မွတ်စ်လင်မ်တစ်ဦးဖြစ်သူ အာဒိုဂန်က အပြည်ပြည်ဆိုင်ရာကွန်ဖရင့်တစ်ခုမှာ အမျိုးသမီးဆိုင်ရာအခွင့်အရေးနဲ့ တရားမျှတမှုအကြောင်း ပြောကြားခဲ့တယ်။ အမျိုးသားနဲ့အမျိုးသမီးကို အတူတူပါပဲလို့ သတ်မှတ်လို့မရကြောင်း၊ တူရကီမှာရှိတဲ့ အမျိုးသမီးအရေးလှုပ်ရှားသူများဟာ မိခင်ဘ၀ကို ငြင်းပယ်ဆန့်ကျင်နေကြောင်း သူက ဆိုပါတယ်။

တန်းတူညီမျှဖြစ်ခြင်းဆိုတာထက် တရားမျှတမှုကို အမျိုးသမီးတွေလိုအပ်တာပါ၊ အလုပ်ကြမ်းတွေက အမျိုးသမီးတွေရဲ့ နှူးညံ့သိမ်မွေ့သောသဘောသဘာဝနဲ့ ဆန့်ကျင်နေပါတယ်လို့လည်း ထည့်သွင်းပြောကြားခဲ့ပါတယ်။

“ကျွန်တော့်ကိုထည့်သွင်းထားတဲ့ ပါတီတွင်းမှာပဲ ကြည့်လိုက်ပါ။ အမျိုးသမီးအရေးကို ကျွန်တော် ဘယ်လောက်ထိ အလေးထားသလဲဆိုတာ ထင်ထင်ရှားရှား တွေ့ရမှာဖြစ်တယ်။ ကျွန်တော့်ကို သိက္ခာချသူများအနေနဲ့ မိမိကိုယ်ကို မှန်ထဲပြန်ကြည့်ဖို့လည်း လိုအပ်ပါတယ်”။

တန်းတူညီမျှလိင်အယူအဆကို ပယ်တဲ့ သူ့မှတ်ချက်များဟာ အမျိုးသမီးအခွင့်အရေး လှုပ်ရှားသူများအကြား ဂယက်ရိုက်ပြီး တူရကီနိုင်ငံရေးမြင်ကွင်းထဲ ဆယ်စုနှစ်တစ်ခု လွှမ်းမိုးနေတဲ့ အာဒိုဂန်ဟာ လိင်ပိုင်းဆိုင်ရာစက်ဆုပ်သူပါလို့ စွပ်စွဲခဲ့ကြတယ်။

အာဒိုဂန်က မိမိရဲ့ပြောကြားမှုကို ပုံဖျက်ဖော်ပြခြင်းဟာ ကျင့်ဝတ်ကင်းမဲ့ခြင်းဖြစ်တယ်လို့ ဗုဒ္ဓဟူးနေ့မှာ မီဒီယာတွေအပေါ် ရှုတ်ချပြောဆိုလိုက်ပါတယ်။

အာဒိုဂန်ဟာ ၂၀၀၂ နှစ်နှောင်းပိုင်း အာဏာရလာချိန်ကစပြီး တူရကီနိုင်ငံရေးအပေါ် ကြီးစိုးနေတဲ့ လက်ရှိအာဏာရ AKP ပါတီကို ပူးပေါင်းထူထောင်ခဲ့သူတစ်ဦးဖြစ်ပါတယ်။ သြဂုတ်လအတွင်း သမ္မတဖြစ်လာပြီးနောက် ဖွဲ့စည်းပုံစည်းမျဉ်းနဲ့အညီ ပါတီနဲ့ တရားဝင် ကူးလူးဆက်ဆံမှု ရှိနေပါတယ်။

တူရကီအစိုးရပိုင်းမှာ မိသားစုနဲ့လူမှုရေးရာဝန်ကြီး Aysenur Islam တစ်ဦးတည်းသာ အမျိုးသမီးဝန်ကြီးဖြစ်နေတာကြောင့် AKP ပါတီက လိင်ပိုင်းဆိုင်ရာတန်းတူညီမျှမှု တိုးမြှင့်ဖို့လိုကြောင်း အသံထွက်လာပါတယ်။

အမေရိကတိုက်ကို ပထမဆုံးရှာဖွေတွေ့ရှိသူက မွတ်စ်လင်မ်တွေဖြစ်ပြီး ၀တ်ကျောင်းတစ်ခုကိုပင် တည်ဆောက်ခဲ့တယ်လို့ ပြောကြားချက်ကြောင့် တူရကီမှာရော ကမ္ဘာအ၀ှန်းမှာပါ အာဒိုဂန်အပေါ် အာရုံစိုက်လာပြီး တစ်ပတ်အကြာမှာ အမျိုးသမီးဆိုင်ရာ သူ့မှတ်ချက်အပေါ် အငြင်းပွားမှုထွက်ပေါ်လာခြင်း ဖြစ်ပါတယ်။

Agence France-Presse