မြန်မာနိုင်ငံ လူဝင်မှုကြီးကြပ်ရေးနှင့် နယ်စပ် လုံခြုံရေး အတွက် သြစတြေးလျ ကူညီမည်

နိုဝင်ဘာ ၃၀ ၊ ၂၀၁၄
M-Media

တရုတ်-မြန်မာ နယ်စပ် ဂိတ်တခု (Photo: The Irrawaddy)

– မြန်မာနိုင်ငံ၏ လူဝင်မှုကြီးကြပ်ရေး လုပ်ငန်းများနှင့် နယ်စပ်ဒေသများ ထိန်းချုပ်ရေးလုပ်ငန်းများ တောင့်တင်းရန်အတွက် မြန်မာအစိုးရအား ကူညီသွားမည်ဟု သြစတြေးလျက ကြေညာလိုက်သည်။

နှစ်နိုင်ငံ နားလည်မှုစာချွန်လွှာအရ  ၅ နှစ်တာကြာမြင့်မည့် အကူအညီပေးရေး အစီအစဉ်အတွင်း အုပ်ချုပ်ရေး၊ လေ့ကျင့်သင်ကြားရေးနှင့် ဖွံဖြိုးတိုးတက်ရေး၊ နည်းပညာနှင့် စနစ်များ အပါအ၀င် မြန်မာနိုင်ငံ၏ နယ်စပ်ဒေသ စီမံခန့်ခွဲရေး တိုးတက်စေရန် သြစတြေးလျက ကူညီပေးသွာမည် ဖြစ်သည်။

နိုင်ငံခြား ခရီးသွားများအတွက် အီလက်ထရောနစ် ဗီဇာ ထုတ်ပေးရေး အပါအ၀င် အဆိုပါ အစီအစဉ်တွင် ပါဝင်သော အစိတ်အပိုင်းအချို့ကို အကောင်အထည်ဖော်ပြီးဖြစ်သည်။

`ကျွန်တော်တို့ရဲ့ နယ်စပ်ကို ခြိမ်းခြောက်မှုတွေဟာ ကြီးထွားလာပြီး၊ လူကုန်ကူးမှု၊ အကြမ်းဖက်ဝါဒနဲ့ နိုင်ငံပေါင်းစုံက လူတွေပါဝင်တဲ့ ရာဇ၀တ်မှု စတာတွေကို တန်ပြန်တွန်းလှန်ဖို့ ဒေသတွင်း ပူးပေါင်းရေးနည်းလမ်းဟာ အရေးပါပါတယ်´ ဟု သြစတြေးလျ လူဝင်မှုကြီးကြပ်ရေး ၀န်ကြီး စကော့ မော်ရစ်ဆန်က အောက်တိုဘာ ၂၉ ရက်နေ့တွင် ထုတ်ပြန်သော ကြေညာချက်၌ ပြောကြားခဲ့သည်။

အဆိုပါ ဆောင်ရွက်မှုမှာ မြန်မာနိုင်ငံသို့ ခရီးသွားများ ၀င်ရောက်မှု တိုးမြှင့်လာခြင်းနှင့် ပတ်သက်၍ အထောက်အကူဖြစ်စေမည်ဖြစ်ပြီး နိုင်ငံအတွင်း ၀င်ရောက်နေထိုင်ခွင့် လိုအပ်ချက်များ ကိုက်ညီမှုကို တိုးမြှင့် စစ်ဆေးနိုင်မည်ဖြစ်သည်။

`ဒေသတွင်းက နယ်စပ်တွေဟာ ပိုမိုလုံခြုံမယ်ဆိုရင် သြစတေးလျရဲ့ နယ်စပ်ဟာလည်း ပိုမိုလုံခြုံပါလိ့မ်မယ်´ ဟု မော်ရစ်ဆန်က ထည့်သွင်းပြောကြားခဲ့သည်။