ထုတ်ပယ်ခံရရန် မိမိက ရေးပန်အစားဆုံးဟု လီဗာပူးလ်နည်းပြ ရော်ဂျာဆို

နိုဝင်ဘာ ၃၀ ၊ ၂၀၁၄
M-Media

– ရာသီအစကတည်းက ကြုံတွေ့ခဲ့ရသော အသင်း၏ ရလဒ်ဆိုးများကြောင့် မိမိမှာ ထုတ်ပယ်ခံရရန် ရေပန်းအစားဆုံး နည်းပြဖြစ်နေသည်ဟု လီဗာပူးလ်နည်းပြ ဘရန်ဒန်ရော်ဂျာက ၀န်ခံပြောကြားလိုက်သည်။

ပြီးခဲ့သည့်နှစ်က ပုံစံကောင်းများပြကာ ပရီးမီးယားလိဂ်ဆုဖလားနှင့် လက်တစ်ကမ်းအကွာသို့ ရောက်ရှိခဲ့သည့် လီဗာပူးလ်မှာ ယခုနှစ်တွင် ခြေစွမ်းပျောက်ဆုံးနေပြီး ၁၂ ပွဲကစားပြီးချိန်တွင် အဆင့် ၁၂ သို့ ရောက်ရှိနေသည်။ ထို့ပြင် ချန်ပီယံလိဂ်တွင်လည်း နောက်တစ်ဆင့်တက်ရန် အုပ်စုနောက်ဆုံးပွဲ၌ ရုန်းကန်ရဖွယ်ရှိနေသည်။

`လွန်ခဲ့တဲ့လ အနည်းငယ်တုန်းကတော့ ကျွန်တော်ဟာ တစ်နှစ်တာအကောင်းဆုံး နည်းပြပါ။ ဒါပေမယ့် ဒီကနေ့မှာတော့ ထုတ်ပယ်ခံရဖို့ ထိပ်ဆုံးကပြေးနေတဲ့နည်းပြ ဖြစ်နေပါတယ်။ ကျွန်တော်တို့ထိန်းချုပ်နိုင်တာနဲ့ ပတ်သက်ပြီး အာရုံစိုက် လုပ်ဆောင်သွားရမှာပါ´ ဟု ရော်ဂျာက သတင်းထောက်များအား ပြောကြားခဲ့သည်။

ထို့ပြင် မိမိတို့အနေဖြင့် ရလဒ်ဆိုးများပေါ်တွင်သာ စွမ်းလမ်းနေရမည်မဟုတ်ဘဲ လက်ရှိ ပစ္စုပ္ပန်ကို အာရုံစိုက်ရမည်ဖြစ်ကြောင်း၊ အချိန်အများကြီးရှိသေးပြီး ပရီးမီးယားလိဂ်တွင် မိမိတို့၏ ရည်ရွယ်ချက်မှာ အဆင့် ၄ အတွင်းဝင်ရန်ဖြစ်ကြောင်း ၎င်းက ထပ်လောင်းပြောကြားခဲ့သည်။

ရော်ဂျာကို ပြီးခဲ့သည့်မေလကမှ လီဗာပူးလ်က နှစ်ရှည်သက်တမ်းတိုးစာချုပ် ချုပ်ဆိုထားခြင်းဖြစ်သည်။