ချယ်ဆီးသရေကျ၊ မန်ယူအနိုင်ရပြီး၊ လီဗာပူးလ်တို့ ကံကောင်းခဲ့တဲ့ ပရီးမီးယားလိဂ် ပွဲစဉ် ၁၃

ဒီဇင်ဘာ ၁ ၊ ၂၀၁၄
M-Media

– ပရီးမီးယားလိဂ်ရဲ့ ပွဲစဉ် ၁၃ ကို စနေနေ့မှာ ၇ ပွဲ တနင်္ဂနွေနေ့မှာ ၃ ပွဲကစားခဲ့ပါတယ်။ အဲဒီပွဲတွေထဲမှာ ထိပ်ဆုံးက ချယ်ဆီး သရေကျသွားခဲ့ပြီး ဒုတိယနေရာက ဆောက်သက်တမ် ရှုံးနိမ့် သွားခဲ့ကာ မန်စီးတီး၊ မန်ယူ၊ အာဆင်နယ်တို့ အသီးသီး အနိုင်ရရှိခဲ့ပါတယ်။ ပရီးမီးယားလိဂ်နောက်ဆုံး၅ပွဲဆက် အနိုင်ရခဲ့တဲ့ နယူးကာဆယ်တို့ကတော့ ဒီတစ်ပါတ်မှာ ရှုံးပွဲတွေ့သွားခဲ့ပါတယ်။

ကြသာပတေးနေ့က ဒေါ့မွန်ကို ၂ ဂိုးပြတ်နဲ့နိုင်ပြီး ချန်ပီယံလိဂ်နောက်တစ်ဆင့်ကို တက်ရောက်နိုင်ခဲ့တဲ့ အာဆင်နယ်တို့ စနေနေ့က အစောဆုံးကစားခဲ့တဲ့ ၀က်စ်ဘရွန်းနဲ့ပွဲမှာ ၀ဲလ်ဘတ်ရဲ့ မိနစ် ၆၀ ခေါင်းတိုက်ဂိုးနဲ့ အနိုင်ရရှိခဲ့ပါတယ်။ အဝေးကွင်းမှာ ပွဲကိုစိုးမိုးနိုင်ခဲ့တဲ့ အာဆင်နယ်တို့ ဒီထက်ဂိုးပိုရမယ့် အခွင့်အရေးတွေ ရခဲ့ပေမယ့် အသုံးမချနိုင်ခဲ့တာကြောင့်သာ ဂိုးထပ်မရခဲ့တာပါ။ ဒဏ်ရာကြောင့် ၈ ပတ်လောက် အနားယူနေရတဲ့ အားထားရတဲ့ နောက်ခံလူ ကွန်စီယဲလ်နီနဲ့ တိုက်စစ်မှူး ဂျရူးတို့ ပွဲထွက်လူစာရင်းမှာ ပါဝင်လာခဲ့ပါတယ်။

လီဗာပူးကလည်း အိမ်ကွင်းမှာ ဂလင်းဂျွန်ဆင်ရဲ့ ၈၅ မိနစ်ခေါင်းတိုက်ဂိုးနဲ့ အနိုင်ရပြီး လေးပွဲဆက် ပရီးမီးယားလိဂ် နိုင်ပွဲမရမှုကို ရပ်တန့်နိုင်ခဲ့ပါတယ်။ ဂလင်းဂျွန်ဆင်လည်း ဒီဂိုးကြောင့် ခေါင်းမှာ အနာတရ ဖြစ်ခဲ့ပါတယ်။

ခြေပြန်မှန်လာတဲ့မန်ယူတို့ အိမ်ကွင်းမှာ ဟားလ်စီးတီးကို အကောင်းဆုံး ဧည့်ခံနိုင်ခဲ့ပြီး စမောလင်း၊ ရူနီ၊ ဗန်ပါစီတို့ရဲ့သွင်းဂိုးတွေနဲ့ ဂိုးပြတ်နိုင်ရခဲ့ပါတယ်။ ဗန်ဂါးလက်ထက် ခြေစွမ်းမပြနိုင်တာကြောင့် ဝေဖန်ခံနေရတဲ့ ဗန်ပါစီ ကိုယ်တိုင် ၁ ဂိုးသွင်းပေးခဲ့တဲ့အပြင် ၁ ဂိုး ဖန်တီးပေးနိုင်ခဲ့ပါတယ်။ ဗန်ဂါးလ်ကတော့ ဒီပွဲဟာ ဒီရာသီ အကောင်းဆုံးပွဲလို့ ပွဲအပြီးမှာ ပြောကြားခဲ့ပါတယ်။

ထိပ်ဆုံးကချယ်ဆီးကတော့ ဆန်းဒါးလန်းကို အဝေးကွင်းမှာ ဂိုးမရှိသရေကျခဲ့ပါတယ်။ ဆန်းဒါလန်းဟာ ပြည်တွင်းပွဲတွေမှာ ချယ်ဆီး နောက်ဆုံးရှုံးထားတဲ့အသင်းပါ။ ဒီတစ်ပတ်မှာလည်း ချယ်ဆီးတို့ အိမ်ရှင်အသင်းကို ဖိအားပေးနိုင်ခဲ့ပေမယ့် ဆန်းဒါးလန်းခံစစ်က အံ့သြဖွယ် ကောင်းလွန်နေတာကြောင့် ဇယားထိပ်မှာ ၆ မှတ်ဖြတ်နိုင်မယ့် အခွင့်အရေးကို ချယ်ဆီးတို့ လက်လွှတ်ခဲ့ရပါတယ်။

ဒုတိယနေရာက ဆောက်သက်တမ်နဲ့တွေ့ခဲ့ရတဲ့ မန်စီးတီးတို့ တစ်ယောက်အထုတ်ခံခဲ့ရပေမယ့် အမှားမယွင်းမရှိခဲ့ဘဲ ဒုတိပိုင်းသွင်းဂိုးတွေနဲ့ ၃ ဂိုးပြတ်အနိုင်ရခဲ့ပြီး အမှတ်ပေးဇယား ဒုတိယနေရာကို တက်လာနိုင်ခဲ့ပါတယ်။

ရာသီအစ ရုန်းကန်ခဲ့ရပြီး နောက်ပိုင်းမှာ ၅ ပွဲဆက် အနိုင်ရခဲ့တဲ့ နယူးကာဆယ်ကတော့ ၀က်စ်ဟမ်းကို ၁ ဂိုး ဂိုးမရှိနဲ့ ရှုံးနိမ့်ခဲ့ပြီး နိုင်ပွဲစံချိန် ရပ်တပ်ခဲ့ပါတယ်။ ဒီပွဲရှုံးနိမ့်ခဲ့ပေမယ့် နယူးကာဆယ်တို့ရဲ့ ခြေစွမ်းကတော့ ကျဆင်းခြင်းမရှိပါဘူး။ ဂိုးသွင်းခွင့်အတော်များများရခဲ့ပြီး ဂိုးအဖြစ် မပြောင်းလဲနိုင်တာကြောင့်သာ အရှုံးပေးခဲ့ရတာပါ။

ပွဲစဉ် ၁၃ အပြီးမှာတော့ ချယ်ဆီးကပဲ ဇယားကို ဆက်လက်ဦးဆောင်နေပြီး မန်စီးတီး၊ ဆောက်သက်တမ်၊ မန်ယူ၊ ၀က်စ်ဟမ်း၊ အာဆင်နယ်တို့ အစဉ်လိုက်ရှိနေကြပါတယ်။ လီဗာပူးလ်ကတော့ အဆင့် ၁၁ ကို တက်လာနိုင်ခဲ့ပြီး ဇယားအောက်ခြေမှာ ကျူပီအာရ်၊ ဘန်လေနဲ့ လက်စတာတို့ အသီးသီးရှိနေကြပါတယ်။

ပရီးမီးယားလိဂ် ပွဲစဉ် ၁၃ ရလဒ်များကတော့ အောက်ပါအတိုင်းဖြစ်ပါတယ်။

ဝက်စ်ဘရွန်း ၀-၁ အာဆင်နယ်
ဘန်လေ ၁-၁ အက်စတွန်ဗီလာ
လီဗာပူးလ် ၁-၀ စတုတ်
မန်ယူ ၃-၀ ဟားလ်စီးတီး
ကျူပီအာရ် ၃-၂ လက်စတာ
ဆွမ်ဆီး ၁-၁ ခရစ္စတယ်ပဲလေ့စ်
ဝက်စ်ဟမ်း ၁-၀ နယူးကာဆယ်
ဆန်းဒါးလန်း ၀-၀ ချယ်ဆီး
ဆောက်သက်တမ် ၀-၃ မန်စီးတီး
စပါး ၂-၁ အဲဗာတန်