လောင်းကစား အကျင့်ဆိုးတစ်ခု

ဒီဇင်ဘာ ၂ ၊ ၂၀၁၄
M-Media
နှင်းဆီခင် ရေးသည်။

ငွေမျောလို့လိုက်ရာမှာ ငွေကလေးနောက်ကငွေကြီးပါ ဆုံးရှုံးတတ်ကြရတာအများစုပါ။ တစ်နည်းပြောရရင် စိတ်ရောလူပါ နစ်မျောပြီး ဇောကပ်ရတာဟာ လောင်းကစားဆိုတဲ့ အကျင့်ဆိုးတစ်ခုကြောင့်ပါပဲ။လူငယ်သဘာဝ တက်ကြွတယ်၊ သွက်လက်ဖျက်လတ်တယ်၊ စူးစမ်းလေ့လာချင်ကြတယ်၊ တိုးတက်တဲ့ ကမ္ဘာကြီးနှင့်အမှီနည်းပညာတွေကို ကျွမ်းကျွမ်းကျင်ကျင်အသုံးချနိုင်စွမ်းရှိကြတာဟာ လူငယ်တွေရဲ့ချီးကျူးလောက်စရာ အရည်အသွေးကောင်းတွေပါ။ ခေတ်မီတိုးတက်လာတာနှင့်အမျှ အဆိုးဘက်ကိုယိမ်းယိုင်သွားရင်း ဘဝပျက်သွားကြရသူတွေဟာ မနည်းမနောပေါ့။ ထက်မြတ်တက်ကြွတဲ့အရာတွေမှာ မူးယစ်ဆေးဝါး၊ အရက်နှင့်ဆေးလိပ်တို့အပြင် လောင်းကစားကလည်း ထိပ်တန်းမှာနေရာယူထားပြန်တယ်။

အထူးသဖြင့်တော့ လူငယ်ယောင်္ကျားလေးတွေဟာ ဘောလုံးပွဲတွေ (ပြည်တွင်း ပြည်ပ) ကို သာသာငမ်းငမ်းကြည့်ရှုရုံတင်မက အလောင်းကစားကိုလည်း သဲကြီးမဲကြီး လုပ်လေ့ရှိကြတယ်။ ကျန်းမာကြံ့ခိုင်မှုကို အလေးထားပြီး ကိုယ်တိုင်လည်း အားကစားလုပ်သလို၊ အားကစားပွဲတွေကို နှစ်နှစ်ခြိုက်ခြိုက် အားပေးတာ လက်ခံနိုင်စရာရှိပေမယ့် မိုးလင်းက မိုးချုပ်ဆိုသလို လောင်းကစား နယ်ပယ်မှာ ကျင်လည်နစ်မွန်းသွားတာ မျိုးကတော့ ဝမ်းနည်းစရာကောင်းလှပါတယ်။ လူတစ်ယောက်ရဲ့ကိုယ်ရည်ကိုယ်သွေးတွေကို သုညအောက် အထိ အနုတ် လက္ခဏာအောက် ကျဆင်းစေတတ်တဲ့ လောင်းကစားမျိုး ကိုတော့ ရှောင်ရှားကြရမှာပါ။ လောင်းကစား ဆိုရာမှာ နည်းနည်းများများ လူ့စိတ်ဓာတ်ကို ယိုယွင်းပျက်စီးစေနိုင်တာကိုး။ အညွှန့်တလူလူနှင့် တိုးတက်မဲ့အနာဂတ် ကာလအတွက်  အဟန့်အတားဖြစ်တဲ့ အပြင်ဝယ်မရတဲ့ အဖိုးတန်အချိန်တွေ အတွက်နှမြောစရာ။

ပြီးခဲ့တဲ့ ၂၀၁၄ ကမ္ဘာ့ဖလားဘောလုံးပွဲ ကာလတုန်းကပေါ့။ မိဘတော်တော်များများဟာ သူတို့ရဲ့သားသမီးတွေ ဘောလုံးပွဲလောင်းရင်း သုံးဖြုန်းပစ်ခဲ့တာတွေအတွက် စိတ်ပင်ပန်းဆင်းရဲဖြစ်ခဲ့ကြရတယ်။ မြန်မာနိုင်ငံရဲ့အိမ်နီးချင်းနိုင်ငံ တစ်နိုင်ငံဖြစ်တဲ့ မလေးရှားနိုင်ငံမှာ သုတေသန စစ်တမ်းကောက်ပြီး လေ့လာကြည့်တဲ့ အခါ ကျောင်းသူကျောင်းသား တော်တော်များများဟာ ပွဲတော်ရက်တွေမှာနှင့် မိသားစုတွေစုံကြတဲ့အခါတွေမှာ လောင်းကစားကို အပျော်သဘောပြုလုပ်လေ့ ရှိကြတယ်။ ငွေကို လွယ်လွယ်ရတာဟာလည်း လောင်းကစားကိုစွဲလမ်းစေတဲ့ အကြောင်းရင်းတစ်ခုပဲပေါ့။ မလေးရှားနိုင်ငံမှာ ၂၀၁၃ ခုနှစ်တုန်းက နိုင်ငံတစ်ဝန်း ကွင်းဆင်းလေ့လာခဲ့ရာမှာ အလယ်တန်းကျောင်းသား ၈၀% ဟာ လောင်းကစားမှာ ပါဝင်ပတ်သက်နေတာကို တွေ့္ဂရှိခဲ့ရတယ်။ တချို့ကသူတို့ရဲ့ သက်တူရွယ်တူတွေဆီက အတုအမြင် အတတ်သင်ခဲ့သလို တချို့ကျပြန်တော့ သူတို့မိဘ အသိုင်းအဝိုင်းကနေ အကျင့်ရခဲ့ကြတယ်။

အားကစား ဝါသနာအိုးတွေက ဘောလုံးပွဲတွေကို အားပါးတရစိတ်လှုပ်ရှားစွာ အားပေးခဲ့ကြတဲ့အချိန်မှာ လောင်းကစားလုပ်သူတွေကလည်း သဲကြီးမဲကြီးဖြစ်ကြ ရတာပေါ့။ လောင်းကစား ဝါသနာကြီးသူတွေဟာ ဘောလုံးပွဲတွေကိုသာမက၊ ချဲထီကိုပါ အရူးအမူးစွဲလမ်းကြတယ်။ မူးယစ်ဆေးစွဲသလို ဖြတ်ရခက်တဲ့ အကျင့်ဆိုး တစ်ခုဖြစ်လာရော။ အမျိုးသားတွေသာမက အမျိုးသမီးတွေပါ ပါဝင်နေတာမျိုး။

နည်းပညာတိုးတက်မှုတွေကို တလွဲအသုံးချကြတာမို့ အင်တာနက်နှင့် ကွန်ပျူတာတွေဟာ လောင်းကစားလုပ်ဖို့ အသုံးချခံပစ္စည်းတွေဖြစ်သွားပြီပေါ့။ ဒါတင်မက Tablet နှင့်တယ်လီဖုန်းတွေက တစ်ဆင့်ကျွမ်းကျွမ်းကျင်ကျင် အသုံးပြုနေကြတယ်လေ။ ဒီတော့အချိန်မရွေး နေရာမရွေး လောင်းကစားလုပ်ဖို့ အခွင့်သာတာလည်း မဆန်းဘူးပေါ့။ တချို့မိဘတွေဟာ စီးပွားရေးအတွက် လုံးပန်းနေကြတာမို့ သားသမီးတွေကို အချိန်ဖဲ့မပေးနိုင်လောက်တဲ့အထိဖြစ်နေတယ်။ ဒီတော့လည်း လူငယ်တော်တော် များများဟာ အကျင့်ဆိုးတွေမှာ မျောပါမှန်းမသိ မျောပါနေကြတာပါပဲ။ တချို့လူငယ်တွေကျပြန်တော့ မိဘတွေရဲ့ ဆိုဆုံးမတာကို နားမဝင်လက်မခံဘဲ ထင်ရာစိုင်းနေကြတယ်။ အပေါင်းအသင်းတွေရဲ့ အကျင့်စရိုက်တွေ လွှမ်းမိုးနေတာမို့ တစ်စစပျက်စီးလာကြရော။ လောင်းကစားမှာ စိတ်အားထက်သန်လာတာနှင့် အမျှ မကောင်းမှုဒုစရိုက်တွေ (ခိုးတာ၊ လုယက်တာ) ကျူးလွန်လာဖို့ သိပ်ကိုနီးစပ်လာတယ်။ ဘဝပျက်တဲ့အထိဖြစ်သွားနိုင်တာမို့ လူငယ်တွေကို အမှောင်ထဲကနေ အလင်းကိုဆွဲခေါ်ယူဖို့ မိဘရော ဆရာသမားတွေမှာပါ တာဝန်ရှိပါတယ်။

လောင်းကစားသမားတွေရဲ့ ဆိုးကျိုးတွေကို သူတို့လေးတွေနားဝင်အောင် ရှင်းပြဖို့လိုတယ်။ အော်ဟစ်ငေါက်ငမ်းတာထက် အလိမ္မာသုံးပြီး ဖျောင်းဖျတာက သိပ်ကိုထိရောက်တယ်ဆိုတာ မမေ့သင့်ပါဘူး။ လူငယ်တွေရဲ့ စူးစမ်းလိုစိတ်၊ စွန့်စားလိုစိတ်နှင့် လူမှုရေးစိတ်ဓာတ်တွေကို လူသားအကျိုးပြုလုပ်ငန်းတွေဖက်ကို ဦးတည်ပေးနိုင်မယ်ဆိုရင် မိသားစုအတွက်သာမက နိုင်ငံအတွက်ပါ အားထားရမဲ့ သူတွေပေါ်ထွက်လာမှာသေချာတယ်။

လောင်းကစားကို အစွဲကြီးစွဲသွားရာက ရာဇဝတ်မှုတွေ ကျူးလွန်တဲ့အထိဖြစ်ကြတာ ဒုနှင့်ဒေးပါ။ ထက်မြတ်တဲ့လူငယ်လေးတွေဖြစ်လာဖို့က အကျင့်ကောင်းတွေမှာ မွေ့လျော်ဖို့အတွက် မိဘတွေအနေနှင့် နွေးထွေးမှု ကြင်နာယုယမှုပေးနိုင်အောင် ကြိုးစားကြရမှာပါ။ ရင်ကဖြစ်တဲ့သားသမီးပဲ မချစ်ဘယ်သူရှိပါ့မလဲလို့ ပြောတတ်ကြတယ်။ တကယ်တော့ ချစ်တာနှင့်နည်းပေးလမ်းပြ လုပ်ပေးနိုင်တာက တစ်လမ်းစီပဲလေ။ သားသမီးတေရဲ့ အတုယူစရာ စံပြမိဘတွေဖြစ်သင့်သလို၊ မိဘတွေအားထားရမဲ့ သားကောင်း သမီးကောင်းတွေဖြစ်လာဖို့လည်း သိပ်ကိုအရေးကြီးပါတယ်လို့။

နှင်းဆီခင်