ISIL ခေါင်းဆောင်၏ ဇနီးနှင့် သားကို ဖမ်းဆီးလိုက်ပြီဟု လက်ဘနွန်ကြေညာ

ဒီဇင်ဘာ ၂ ၊ ၂၀၁၄
M-Media

– ဆီးရီးယားနှင့် အီရတ်တို့ရှိ နယ်မြေများကို သိမ်းယူထားသည့် ISIL အဖွဲ့၏ ခေါင်းဆောင် အဘူဘာကာ အလ် ဘဂ္ဂဒါဒီ၏ ဇနီးနှင့် သားဖြစ်သူ တို့အား နိုင်ငံခြားထောက်လှမ်းရေးနှင့် ပူးပေါင်း၍ လက်ဘနွန်စစ်တပ်က ဖမ်းဆီးလိုက်သည်ဟု လက်ဘနွန် လုံခြုံရေးတာဝန်ရှိသူများက ပြောကြားလိုက်သည်။

ဘဂ္ဂဒါဒီ၏ ဇနီများထဲမှ တစ်ဦးဖြစ်သည့် အမျိုးသမီးမှာ သားဖြစ်သူနှင့်အတူ ဆီးရီးယား နယ်စပ်မှ ဖြတ်ကျော်စဉ် ဖမ်းမိခဲ့ခြင်းဖြစ်ပြီး အဆိုပါ အမျိုသမီးမှာ မှတ်ပုံတင်အတုကို အသုံးပြုထားသည်ဟု အာဏာပိုင်များက ဆိုသည်။ သို့သော်လည်း အဆိုပါ အမျိုးသမီး၏ အမည်နှင့် မည်သည့်နိုင်ငံသားဖြစ်ကြောင်း ရှင်းရှင်းလင်းလင်း ဖော်ပြခဲ့ခြင်း မရှိချေ။

ဖမ်းဆီးပြီးနောက် ၎င်းတို့ ၂ ဦးအား ဘေရွတ်ရှိ ကာကွယ်ရေး ၀န်ကြီးဌာနသို့ စစ်ဆေးမေးမြန်းရန် ခေါ်ဆောင်သွားသည်ဟု သိရသည်။

ပြီးခဲ့သည့်ဇူလိုင်လအတွင်းက ဘဂ္ဂဒါဒီ၏ ဇနီးဖြစ်သူ ဆာဂျာ ဟာမစ် အလ်-ဒူလိုင်မီ၏ ဓာတ်ပုံမှာ အင်တာနက်စာမျက်နှာတွင် ပေါ်ထွက်လာခဲ့ပြီး ယခု ဖမ်းဆီးခံခဲ့ရသူမှာ ဒူလိုင်မီဖြစ်သည်လား ဆိုသည်ကို မသိရှိရသေးပေ။

RT