နော်ဝေ ဘုရင် ၏ မြန်မာခရီးစဉ်တွင် သမ္မတ ဦးသိန်းစိန်၊ ဒေါ်အောင်ဆန်းစုကြည်တို့နှင့် တွေ့ဆုံခဲ့

ဒီဇင်ဘာ ၂ ၊ ၂၀၁၄
M-Media

– မြန်မာနိုင်ငံ၏ ဖွံ့ဖြိုးတိုးတက်ရေးအစီအစဉ်များအတွက် နှစ်နိုင်ငံအကြား ပူးပေါင်းဆောင်ရွက်မှုများ ပြုလုပ်ရန် နားလည်မှုစာချွန်လွှာ တစ်ခုကို မြန်မာနှင့် နော်ဝေနိုင်ငံ တို့က လက်မှတ်ရေးထိုး ခဲ့ကြသည်ဟု တာဝန်ရှိသူများက ဒီဇင်ဘာ ၂ ရက်နေ့တွင် ပြောကြားလိုက်သည်။

အဆိုပါ နားလည်မှု စာချွန်လွှာကို နော်ဝေဘုင်ကြီး ဟာရဲလ်ဗီ ဦးဆောင်သည့် ကိုယ်စားလှယ် အဖွဲ့နှင့် မြန်မာသမ္မတ ဦးသိန်းစိန် ဦးဆောင်သည့် ကိုယ်စားလှယ်အဖွဲ့တို့ ဒီဇင်ဘာ ၁ ရက်နေ့က နေပြည်တော်၌ တွေ့ဆုံဆွေးနွေးစဉ် လက်မှတ်ရေးထိုးခဲ့ကြခြင်းဖြစ်သည်။

တွေ့ဆုံဆွေးနွေးမှုအတွင်း နှစ်နိုင်ငံဆက်ဆံမှု တိုးတက်ရေး၊ ပြုပြင်ပြောင်းလဲရေးနှင့် ငြိမ်းချမ်းမှုရရေး ကြိုးပမ်မှုများ၊ ပဋိပက္ခအလွန် ပြန်လည်ထူထောင်ရေးလုပ်ငန်း လုပ်ဆောင်မှု၊ သဘာဝ ပတ်ဝန်းကျင် ထိန်းသိမ်းစောင့်ရှောက်ရေး၊ စီးပွားရေး၊ စွမ်းအင်၊ ဆင်းရဲနွမ်းပါးမှု လျှော့ချရေး၊ ခရီးသွားလုပ်ငန်း၊ ကုန်သွယ်ရေး၊ ရင်းနှီးမြှုပ်နှံမှုနှင့် ရွေးကောက်ပွဲ ကျင်းပရေး စသည့် ကိစ္စရပ်များကို ထည့်သွင်းဆွေးနွေးခဲ့ကြသည်။

ဘုရင်ကြီးဟာရဲလ်မှာ ဒီဇင်ဘာ ၂ ရက်နေ့တွင် ရန်ကုန်တက္ကသိုလ်၌ မိန့်ခွန်းပြောကြားခဲ့ပြီး နော်ဝေနိုင်ငံမှ ငွေကြေးထောက်ပံ့ပေးသည့် သဘာဝပတ်ဝန်းကျင်ဆိုင်ရာ အဖွဲ့ ၂ ခုဖြစ်သော Center of Excellence for Greening နှင့် ASEAN Institute for Green Productivity အဖွဲ့တို့ ဖွဲ့စည်းကြောင်းကိုလည်း ကြေညာခဲ့သည်။

ဘုရင်ကြီးမှာ အတိုက်အခံခေါင်းဆောင် ဒေါ်အောင်ဆန်းစုကြည်နှင့်လည်း တွေ့ဆုံခဲ့သည်။

နော်ဝေနိုင်ငံမှာ မြန်မာ့ဒီမိုကရက်တစ် အပြောင်းအလဲနှင့် စီးပွားရေးပြုပြင်ပြောင်းလဲမှုများကို ကူညီပံ့ပိုးပေးနေပြီး မြန်မာနိုင်ငံ၏ ငြိမ်းချမ်းရေးလုပ်ငန်းစဉ်အတွက်လည်း မြန်မာငြိမ်းချမ်းရေးစင်တာနှင့် အော်စလိုငြိမ်းချမ်းစင်တာတို့ ပူးပေါင်းကာ ဆောင်ရွက်လျက်ရှိနေသည်။

နော်ဝေကြက်ခြေနီအဖွဲ့ကလည်း မြန်မာနိုင်အတွင်း ပဋိပက္ခများကြောင့် အိုးအိမ်စွန့်ခွာထွက်ပြေးရသူများကို အကူအညီများ ပေးအပ်လျက်ရှိနေသည်။ နော်ဝေမှာ ၂၀၁၂ ခုနှစ်တွင် မြန်မာနိုင်ငံအပေါ်ထားရှိသည့် ပိတ်ဆို့မှုများကို ပထမဆုံးစတင်ဖယ်ရှားပေးသည့် နိုင်ငံလည်းဖြစ်သည်။

နော်ဝင်ဘုရင်ကြီးမှာ ၎င်း၏ကြင်ယာတော်နှင့်အတူ ၅ ရက်ကြာခရီးစဉ်အဖြစ် ပြီးခဲ့သည့် တနင်္ဂနွေနေ့က ရောက်ရှိလာခြင်းဖြစ်သည်။

ဆင်ဟွာ

ဓါတ်ပုံ-NLD Chairperson,သမ္မတရုံး Website