ရန်ပုံငွေ မရှိတော့၍ ဆီးရီးယား စစ်ပြေး ဒုက္ခသည်များအား ထောက်ပံ့မှု ရပ်ဆိုင်းတော့မည်။

ဒီဇင်ဘာ ၂ ၊ ၂၀၁၄
M-Media

– မိမိတို့တွင် ရန်ပုံငွေ ပြတ်လတ် သွားခြင်းကြောင့် ဆီးရီးယားဒုက္ခသည် ၁.၇ သန်းကျော်အား ရိက္ခာထောက်ပံ့နေမှုများကို ရပ်တန့် ရတော့မည်ဟု ကုလသမဂ္ဂ စားနပ်ရိက္ခာ အစီအစဉ် WFP က ပြောကြားလိုက်သည်။

ယမန်နေ့က ပြောကြားလိုက်ခြင်းဖြစ်ပြီး အိမ်နီးချင်းနိုင်ငံများဖြစ်သည့် ဂျော်ဒန်၊ လက်ဘနွန်၊ အီရတ်နှင့် တူရကီနိုင်ငံများရှိ ဒုက္ခသည်စခန်းများတွင် နေထိုင်နေရသော ဒုက္ခသည်များအတွက် ဒီဇင်ဘာတစ်လ ရိက္ခာထောက်ပံ့ရန် အနည်းဆုံး ကန်ဒေါ်လာ ၆၄ သန်း လိုအပ်သည်ဟု ထည့်သွင်းပြောကြားခဲ့သည်။

`WFP ရဲ့ စားနိပ်ရိက္ခာထောက်ပံ့မှု ရပ်ဆိုင်းလိုက်ခြင်းဟာ ဒီဒုက္ခသည်တွေရဲ့ ကျန်းမာရေးနဲ့ ဘေးအန္တရာယ်ကင်းရှင်းရေးကို ထိခိုက်နိုင်ပြီး သူတို့ကိုလက်ခံထားတဲ့ နိုင်ငံတွေမှာ တင်းမာမှု၊ မတည်ငြိမ်မှုနဲ့ မလုံခြုံမှုတွေ ဖြစ်စေနိုင်ပါတယ်´ ဟု WFP ၏ အမှုဆောင်ဒါရိုက်တာ အာသာရင် ကော်စင်က အလှူငွေထည့်ဝင်ရန် နှိုးဆော်စာတွင် ပြောကြားခဲ့သည်။

၂၀၁၁ ခုနှစ်ကတည်းက စတင်ခဲ့သည့် ဆီးရီးယားစစ်ပွဲအတွင်း ဆီးရီးယားပြည်သူ ၃ သန်းခန့်မှာ အိမ်နီးချင်းနိုင်ငံများသို့ ထွက်ပြေးခဲ့ရသည်။

ကုလ၏ စားနပ်ရိက္ခာထောက်ပံ့မှုအစီအစဉ်အရ ဒုက္ခသည်များမှာ ဒုက္ခသည်စခန်းများရှိရာ ဒေသအတွင်းရှိ ဈေးဆိုင်များတွင် အဓိကစားသောက်ကုန်ဖြစ်သည့် ဂျုံ၊ ဟင်းချက်ဆီနှင့် သကြားတို့ကို ဘောက်ချာများဖြင့် ထုတ်ယူနိုင်ပြီး ကိုယ်ဝန်ဆောင်များနှင့် နို့စို့ကလေးများရှိသည့် အမျိုးသမီးများအတွက်လည်း အထူးဘောက်ချာများကို ပြုလုပ်ပေးထားသည်။

ကုလမှ လတိုင်းတွင် ဆီးရီးယားအတွင်းရှိ ဒုက္ခသည် ၄ သန်းကျော်နှင့် အိမ်နီးချင်းနိုင်ငံများရှိ ဆီးရီးယား ဒုက္ခသည် ၁ သန်းကျော်ကို စားရိက္ခာများ ထောက်ပံ့နေရသည်။

Al Jazeera