မြန်မာအမျိုးသမီးများ ကြုံတွေ့နေရဆဲ လိင်အကြမ်းဖက်မှု

ဒီဇင်ဘာ ၂ ၊ ၂၀၁၄
M-Media

တိုင်းရင်းသားလူ့အဖွဲ့အစည်းများအပေါ် လူ့အခွင့်အရေး ချိုးဖောက်မှုများကို မြန်မာ့ GDP ကြီးထွားနှုန်းက ဖုံးကွယ်ထားလေသလော ?

ကုလသမဂ္ဂနှင့် နိုင်ငံတကာ အသိုင်းအ၀ိုင်း အချို့မှ လတ်တလောပြင်းထန်စွာ ဝေဖန်နေမှုနှင့် သက်ဆိုင်ခြင်း မရှိသကဲ့သို့ မြန်မာ့ဒီမိုကရေစီ လမ်းကြောင်းကား အာဏာပိုင်များနှင့် စီးပွားရေး လုပ်ငန်းများမှ ပွဲတော်တည်နေသည်မှာ လေးနှစ်တိုင်ကြာမြင့်ခဲ့ပြီဖြစ်သည်။ သို့တစေ တိုင်းပြည်၏ အကူးအပြောင်းဝန်းကျင်မှ အဆိုများက နိုင်ငံတွင်းရှိ အဖယ်ကြဉ်ခံရဆုံး အုပ်စု၏ တကယ့်အရှိတရားကို ပိတ်ဖုံးထားပေသည်။

တိုင်းရင်းနွယ် လူ့အဖွဲ့အစည်းရှိ အမျိုးသမီးများ အဖို့မူ သမ္မတဦးသိန်းစိန်၏ ပြန်လည်ပြုပြင်ရေး အစိုးရအဖွဲ့ကို နိုင်ငံတော်ကျောထောက်နောက်ခံပြု လိင်အကြမ်းဖက်သော လူ့အခွင့်အရေး ချိုးဖောက်ချက်များဖြင့် စွဲမှတ်ထား၏။ လာမည့်အင်္ဂါနေ့သည် အပြည်ပြည်ဆိုင်ရာအမျိုးသမီးများ အပေါ် အကြမ်းမဖက်ရေးနေ့ ဖြစ်ပြီး၊ မြန်မာနိုင်ငံ တစ်ဝှန်း စစ်တပ်၏ မုဒိန်းသားကောင်အဖြစ် အမျိုးသမီးတို့၏ ဘ၀များအား ဆက်လက် အညွန့်ချိုးနေခြင်းကို ပြသရန် အခွင့်အလမ်းကောင်း တစ်ရပ်ဖြစ်သည်။

မြန်မာ့အကူးအပြောင်း ပြောဆိုကြသူများမှာ တိုင်းရင်းသား လူ့အဖွဲ့အစည်းများအကြောင်း သိပ်အသံ မထွက်ကြချေ။ တိုင်းရင်းသားနယ်ပယ်များတွင် အခြေခံ လူ့အခွင့်အရေး ခံစားခွင့်နှင့် မျှတသော တရားစီရင်မှုတို့မှာ ယခင်အတိုင်း အလှမ်းဝေးနေဆဲပင်။ နိုင်ငံတကာမှစေလွှတ်သော ဖွံ့ဖြိုးရေး ပရောဂျက်များက  မြန်မာစစ်တပ်၏ ကိုယ်ကျိုးစီးပွား ပမာဏနှင့် လူ့အခွင့်အရေး ချိုးဖောက်မှုများကိုသာ တဟုန်ထိုး အရှိန်မြင့်မားသွားစေခဲ့သည်။ ဤပြစ်မှု ကျူးလွန်သူများမှာမူ ပြစ်ဒဏ်၏ စက်ကွင်းမှ လွတ်မြောက်နေဆဲဖြစ်သလို၊ ထိုသူတို့ လက်မှလွတ်ပြီး ရှင်သန်ကျန်ရစ်သူများမှာလည်း မိမိတို့ဘ၀ကို ပြန်လည် ထူထောင်ရာတွင် အစိုးရထံမှ မည်သည့် အကူအညီမရ၊ သို့သာမက မိမိတို့ကြုံဆုံရမှုတို့ကို ထုတ်ဖော် မပြောရဲလောက်အောင်ပင် အကြောက်တရားဝင်သည့် အကျိုးဆက်များသာ ဖြစ်ပေါ်နေသည်။

အပြောင်းအလဲ နတ္ထိ
———————-
မြန်မာအမျိုးသမီးများအဖွဲ့ Women’s League of Burma သည် ဤဒုစရိုက်များကို မှတ်တမ်းပြုနိုင်ရန် တိုင်းရင်းသား အမျိုးသမီးများနှင့်အတူ ဆောင်ရွက်နေသည်မှာ ၁၅ နှစ်ကျော် ရှိနေပြီဖြစ်သည်။ ၂၀၁၀ ခုနှစ်မှစ၍ လိင်အကြမ်းဖက်မှုနှင့် လိင်ပိုင်းစော်ကားရန်ကြံစည်မှုများဆိုင်ရာ သီးခြားဖြစ်အင်ပေါင်း ၁၁၈ မှုကို မှတ်တမ်းတင်ထားနိုင်ခဲ့သည်။ ကျွန်မတို့၏နောက်ဆုံး အစီရင်ခံစာတွင် ဖော်ပြသည့် အတိုင်း “မျှော်လင့်ချက်ရှိခဲ့သော် ဖော်ထုတ်ပြောဆိုသူများ ရှိပေဦးမည်” ဟုသာ ဆိုရပါမည်။ ဤပမာဏသည် ယင်းပြဿနာ၏ အတိမ်အနက်ကို ထုတ်ပြနေသလို ထင်တိုင်းကြဲစော်ကားမှုများ ရှိနေကြောင်း ကိုယ်စားပြုချက်ပင်ဖြစ်၏။ လူ့အခွင့်အရေးကာကွယ်သူများမှ တရားမျှတမှု အတွက် လက်တွဲကြိုးပမ်းရာတွင် ဖော်ပြပြောဆိုသည့် ကြုံဆုံလွတ်မြောက်လာသူများမှာ ခြိမ်းခြောက်ခြင်း၊ အနှောင့်အယှက်ပေးခြင်းကို ရင်ဆိုင်ကြရသည်။ ဤသည်ကား ဦးသိန်းစိန်၏ ပြန်လည်ပြုပြင်ရေး အစိုးရလက်အောက်မှ အမျိုးသမီးတို့၏ သရုပ် မှန်ကားချပ်တည်း။ မြန်မာနိုင်ငံရေး အကူးပြောင်းသည် လေးနှစ်ကာလသို့ ၀င်ရောက်လာပြီး ကွဲပြားခြားနားမှု များစွာ ရှိလာသည်ဟုထင်ရသော်လည်း စင်စစ်၌ ဘာဆိုဘာမျှ  မပြောင်းလဲခဲ့ပါ။ ဤအချက်ကို ရှင်းလင်း ထင်ရှားစေသည့် အကြောင်းအချို့ရှိနေသည်။ မြန်မာနိုင်ငံ၏ ဖွဲ့စည်း အုပ်ချုပ်ပုံအခြေခံစည်းမျဉ်းတို့မှာ မဖွယ်ရာမှုများဖြင့်သာ တည်ဆောက် စီရင်ထားသည်။ ညှင်းပန်းမှုများမှ မလှိမ့်တပတ်ပြစ်ဒဏ်ရှောင်နိုင်အောင်၊ လွှတ်တော်တွင်း ဥပဒေပြုချက်မှန်သမျှ အဆုံးသတ် ဆုံးဖြတ်နိုင်အောင်၊ လူ့အခွင့်အရေး ကာကွယ်သူများနှင့် လူမှုလှုပ်ရှားသူများကို မတရားဖမ်းဆီး ထိန်းသိမ်းနိုင်အောင် စစ်တပ်ကို အခွင့်အလမ်း ပံ့ကူပေးထားသည်။ မြန်မာ့ ၂၀၀၈ ဖွဲ့စည်းပုံနှင့် ဥပဒေကြောင်းက လိင်ခွဲခြားမှုအား တရားဝင် အပ်နှင်းထားကြောင်း သိသူနည်းပါးလှ၏။ ဤအချက်နှင့်စပ်လျဉ်း၍ ကုသမဂ္ဂမှ သတိပေးထားသည်။ လိင်ပိုင်းဆိုင်ရာ တဖက်စောင်းနင်းဖြစ်စဉ်များမှာ မြန်မာနိုင်ငံတစ်ဝှမ်း အမျိုးသမီးများအဖို့ လက်တွေ့ကြုံဆုံ ခံစားနေရသည်။ နိုင်ငံတော်ကျောထောက်နောက်ခံ အုပ်စုဖွဲ့ အဓမ္မပြုကျင့်မှု၊ မုဒိန်းမှု၊ တရားစီရင်ခြင်းကို အကွက်ကျကျ တိမ်းရှောင်မှု၊ နိုင်ငံရေးနှင့် လူထုရေးကဏ္ဍ၌ ဖယ်ကြဉ်ခြင်း စသည်တို့ဖြစ်သည်။

စစ်တပ်ကို မလှိမ့်တပတ်ပြစ်ဒဏ်ရှောင် ခွင့်ပေးထားခြင်းက တရားမျှတ မှုရရှိရေးအတွက် အကာအဆီးဖြစ်နေစေသည်။ တရားစီရင်ရေး၊ ရဲဌာန၊ နိုင်ငံရေး ကိုယ်စားလှယ်များ စသော နိုင်ငံ့ အာဏာပိုင်များ၏ လက်ဝင် လျှိုပတ်သက်နေမှုများကြောင့် ထိုအချက်အား ခိုင်မာအားကောင်းသွားစေသည်။ အကြောင်းမှာ စစ်တပ် ကျူးလွန်သည့်ပြစ်မှုများကို လူထုမြင်ကွင်းမှ ကင်းလွတ်သော စစ်ခုံရုံးများ၊ တပ်တွင်းစီရင်ရေးစနစ်ထံ လွှဲပြောင်းပေးနေခြင်းကြောင့် ပွင့်လင်းမြင်သာသည့် အရေးယူမှုဖြစ်လာအောင် စစ်တပ်အား ဖိအား မပေးနိုင်၍ဖြစ်သည်။

စစ်အုပ်စုအဖွဲ့ဝင်တစ်ဦးဦးနှင့် သက်ဆိုင်သော အမှုအခင်းဖြစ်လာလျှင် တရားမျှတမှုရရှိနိုင်ရန် အခွင့်အလမ်းနည်းပါးလှကြောင်း လွတ်မြောက် ကျန်ရစ်သူများနှင့် ဒေသဆိုင်ရာအဆင့် အာဏာပိုင်များက သိထားကြသည်။ တရားမျှတမှုရအောင် ရတတ်သမျှလမ်းကြောင်းများဖြင့် တရားခံအားအရေးယူနိုင်ရေး အတွက် ကြိုးပမ်းကြသူအမျိုးသမီးများမှာ ဒေသတွင်းအဆင့်မှာပင် ပြည်နယ် အာဏာပိုင်များက ရှေ့ဆက်မတိုးရေးကို မကြာခဏဆိုသလို တိုက်တွန်းခံကြရသည်။

ပွင့်လင်းမြင်သာမှုနှင့် တာဝန်ခံမှု ကင်းမဲ့နေခြင်းက နိုင်ငံကျောထောက်နောက်ခံ လိင်အကြမ်းဖက်မှုမှ လွတ်မြောက်ကျန်ရစ်သူများအတွက်ရော ၎င်းတို့အတွက် တရားမျှတမှုရရန် ဆောင်ရွက်နေကြသူ လူ့အခွင့်အရေးကာကွယ်သူများအတွက်ပါ အကြောက်တရား ယဉ်ကျေးမှုကို ဖန်တီးပေးလိုက်လေသည်။ ကျွန်မတို့၏ အစီရင်ခံစာသစ်တွင် အမှန်တရား ထွက်ရှိမလာအောင် စစ်တပ်မှ မည်သို့မည်ပုံ ခြိမ်းခြောက်နှောင့်ယှက်သည်ကို အသေးစိပ်ဖော်ပြထားပါသည်။ လွတ်မြောက်လာသူများနှင့် လူ့အခွင့်အရေး ကာကွယ်သူတို့၏၀န်းကျင်များက ၎င်းတို့၏ ပုဂ္ဂလ လုံခြုံရေးအပေါ် ဖြစ်လာမည့် အန္တရာယ်ကို သတိထားနေရသည်။ တရားမျှတမှုရရှိရေး အခွင့်အလမ်း နည်းပါးလွန်းသဖြင့် လူအများအပြားမှာ သူတို့၏ကိုယ်ပိုင် ဘ၀နှင့်ရင်းပြီး စွန့်စားခြင်းထက် နှုတ်ဆိတ်လိုက်ကြကုန်သည်။ လက်ရှိပြန်လည်ပြုပြင်ရေးနှစ်များ အတွင်း ဤဆိတ်ဆိတ်နေ ယဉ်ကျေးမှုအား ဖြိုခွဲရန် စစ်တပ်နှင့် အစိုးရက ဘာဆိုဘာမျှ မပြုလုပ်ခဲ့။

ဖွံ့ဖြိုးရေးပရောဂျက်များ
————————–
သို့သာမက ဖွံ့ဖြိုးရေးပရောဂျက်များနှင့် အနီးကပ် ဆက်နွှယ်နေသော တိုင်းရင်း လူ့အဖွဲ့အစည်းများထဲ လူ့အခွင့်အရေး ချိုးဖောက်နေခြင်းကို နိုင်ငံတကာမှ အသိအမှတ်ပြုပေး ရပေမည်။ ဤပရောဂျက် အများအပြားသည် သယံဇာတကြွယ်ဝသည့် ဒေသများ၌ ပြုလုပ်နေကြသည်။ ထိုဒေသများဝယ် တိုင်းရင်းလက်နက်ကိုင် အဖွဲ့အစည်းများနှင့် စစ်တပ် အကြား ပဋိပက္ခများ ဖြစ်နေခြင်း၊ ရှေ့ဆက်နေခြင်း၊ အပစ်အခတ်ရပ်စဲရေးသဘောတူညီချက်များကို မကြာခဏ ချိုးဖောက်ခြင်း ရှိနေကြသည်။ စစ်တပ် အင်အား အရှိန်အဟုန်ဖြင့် တိုးချဲ့အားကောင်းလာသည်နှင့် အမျှ ရှမ်းပြည်နယ်၊ ကရင်ပြည်နယ်နှင့် ကချင်ပြည်နယ်များတွင် အခြားဒေသများထက် လူ့အခွင့်အရေး ချိုးဖောက်မှု ကြီးထွားလာခဲ့သည်။

ဤသည်မှာ မြန်မာ့ဖွံ့ဖြိုးမှုဇာတ်လမ်း၏ အခြားတစ်ဖက်မှမြင်ကွင်းဖြစ်သည်။ GDP ကြီးထွားမှုခြေထောက်များအောက်၌ တိုင်းရင်းသားတို့၏ လူ့အခွင့်အရေးများ စတေးခံနေရသည်။ အမျိုးသမီးများ ဘ၀မြှင့်တင်ရေး(NSPAW) အတွက် နိုင်ငံတော် စီမံကိန်းအဖြစ် ကြေငြာချက်များ၊ ယခုနှစ်အစောပိုင်း ဗြိတိန်အစိုးရဦးဆောင်သော ပဋိပက္ခများ၌ လိင်အကြမ်းဖက်မှုအဆုံးသတ်ရေးကော်မတီ၏ ကြေငြာချက်အပေါ် လက်မှတ်ထိုးသဘောတူညီချက်မှုများတွင်လည်း ပြောစရာများ ရှိနေသည်။ပဋိပက္ခအတွင်းလိင်အကြမ်းဖက်မှု၏ ရင်းမြစ်အကြောင်းအပေါ် ပစ်မှတ်ထားခြင်း၊ အမျိုးသမီးအပေါ် ချိုးနှိမ်ခွဲခြားမှုမှန်သမျှ အဆုံးသတ်ခြင်း၊ အနာဂတ်မြန်မာ့ လူ့ထုနှင့်နိုင်ငံရေးတွင် အမျိုးသမီးတို့၏ ပါဝင်မှုအခန်းကဏ္ဍ ခိုင်မာစေခြင်း စသည့် ဦးတည် ရည်ရွယ်မှုများကြောင့် ထိုထိုသောအကြောင်းအရာများမှာ မူအရ လက်ခံကြိုဆိုစရာများချည်းဖြစ်၏။ သို့သော် မြန်မာ့ အကူးအပြောင်းကာလ၌ လက်တွေ့ကျကျပြုပြင်ပြောင်းလဲရေး ကတိက၀တ်များနှင့်အတူ အရေးအရာ အများအပြားမှာ အောက်ခြေ အဆင့်အထိ သက်ရောက်မှု အလွန်တရာ နည်းပါးလျက်ရှိသည်။

အစိုးရအနေနှင့် ၎င်းတို့၏ ကတိက၀တ်အတိုင်း အကောင်အထည်ဖော်ဆောင်ရွက်ချက် တစ်ခုတစ်လေကိုလည်းကောင်း၊ အမျိုးသမီးများစွာကို ထိရောက်စွာ အကျိုးပြုပြောင်းလဲစေသည့် နည်းလမ်းများကိုလည်းကောင်း တွေ့မြင်ရသူ Women’s League of Burma အဖွဲ့ဝင်များအနက် တစ်ဦးမျှမရှိ။ ဒေသတွင်း အရပ်သားလူ့အဖွဲ့အစည်းများမှာ လုံခြုံရေး အန္တရာယ်များနှင့် စိုးရွံ့ကြောက်လန့်ခံပြင်းနေရဆဲ။ မည်သည့်အပြောင်းအလဲမဆို ဗဟိုအဆင့်၌ စတင်ပြုလုပ်ရပါမည်။ ဆယ်စုနှစ်များစွာကြာညောင်းလာသော လူ့အခွင့်အရေး ချိုးဖောက်မှုပုံဟန်များနှင့် မြန်မာ့တိုင်းရင်း အမျိုးသမီးများအပေါ် တရားမျှတမှုငြင်းဆိုချက်များကို ဗဟိုအဆင့်မှ အပြောင်းအလဲ လုပ်နေခြင်း မရှိပါ။ ယခုသော် နိုင်ငံတော်ကျောထောက်နောက်ခံ လိင်အကြမ်းဖက်မှုဒဏ်ခံရပြီး ကြာမြင့်စွာ လျစ်လျူရှုခံရသော မြန်မာ့အမျိုးသမီးများ အတွက် အမြစ်လှန်ပြောင်းလဲမှုကို ကျွန်မတို့ တောင်းဆိုရပါမည်။

xxxxxxxxxxx

Al Jazeera  တွင် ဖော်ပြခဲ့သော Women’s League of Burma ၏ အတွင်းရေးမှူးချုပ် ဒေါ်တင်တင်ညို  ရေးသားသည့် Sexual violence continues for Myanmar women ကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။