ခြေစွမ်းဆက်ထိန်းပြီး အမှတ်ကွာဟမှုလျော့ချရန် မန်ယူကွင်းလယ်လူ မာတာ တိုက်တွန်း

ဒီဇင်ဘာ ၂ ၊ ၂၀၁၄
M-Media

– ပရီးမီးယားလိဂ်ဆုဖလားအား စိန်ခေါ်နိုင်သည်အထိ ဖြစ်လာရန်အတွက် မိမိတို့၏ လက်ရှိ ပုံစံကောင်းကို ပွဲကြပ်ကာလများရှိနေသည့် ဒီဇင်ဘာအထိ ဆက်လက်သယ်ဆောင်သွားရန် မန်ယူတိုက်စစ်မျူး မာတာက အသင်းဖော်များအား တိုက်တွန်းလိုက်သည်။

ပြီးခဲ့သည့် ပွဲစဉ် ၁၃ ဟားလ်စီးတီးအသင်းအား ၃ ဂိုးပြတ်ဖြင့်အနိုင်ရခဲ့သော ပွဲမှာ မန်ယူအသင်း၏ ယခုနှစ်ရာသီ ၃ ပွဲဆက်နိုင်ပွဲဖြစ်ပြီး အသင်းမှာလည်း အဆင့် ၄ နေရာသို့ တက်လှမ်းနိုင်ခဲ့သည်။

သို့သော်လည်း ထိပ်ဆုံးမှ ချယ်ဆီးအသင်းနှင့် ၁၁ မှတ်ကွာဟနေပြီး မာတာကမူ အသင်းအနေဖြင့် ယခုပုံစံကောင်းအား နှစ်သစ်အထိဆက်လက်သယ်ဆောင်ကာ အမှတ်ကွာဟမှုများကို လျော့ချနိုင်မည်ဟု မျှော်လင့်နေသည်။

`စနေနေ့က လေးရက်အတွင်း အိုးထရက်ဖို့မှာ ပထမဆုံး ၂ ပွဲမြောက်နိုင်ပွဲကို ကျွန်တော်တို့ ရခဲ့ပါတယ်။ အသင်းဟာ ကောင်းမွန်တဲ့ အခိုက်အတန့်တွေနဲ့အတူ ခိုင်မာတဲ့ စွမ်းဆောင်ရည်မျိုး ရှိနေပါပြီ။ ကွင်းထဲက ကျွန်တော့်ပုံစံကိုလည်း ကျွန်တော် တော်တော်ကြိုက်ပါတယ်´ ဟု မာတာကဆိုပြီး ယခုရလဒ်ကောင်းမှာ ပွဲကြပ်များရှိနေသည့် ဒီဇင်ဘာလထိ ဆက်လက်ရှိနေမည်ဟု မျှော်လင့်ကြောင်း ထပ်လောင်းပြောကြားခဲ့သည်။