ဗုံးပါသည်ဟု နောက်ပြောင်ခဲ့သည့် ဆရာဝန် ဒေါ်လာ ၁ သိန်းနီးပါး ဒဏ်ရိုက်ခံရ

ဒီဇင်ဘာ ၃ ၊ ၂၀၁၄
M-Media

– အမေရိကန်ပြည်ထောင်စု မိုင်ယာမီလေယာဉ်ကွင်း စစ်ဆေးရေးဂိတ်၌ မိမိ၏အိတ်ထဲ၌ ဗုံးပါဝင်သည်ဟု နောက်ပြောင်ခဲ့သည့် ဆရာဝန်တစ်ဦးမှာ ဒဏ်ငွေ ကန်ဒေါ်လာ ၉ သောင်းခန့် ပေးဆောင်ခဲ့ရသည်ဟု သိရသည်။

အောက်တိုဘာ ၂၂ ရက်နေ့တွင် အဗီယန်ကာသို့သွားမည့် လေယာဉ်ပေါ်သို့ မတက်ခင် စစ်ဆေးရေး ဂိတ်၌ မေးခွန်းများမေးရာ အသက် ၆၀ အရွယ် ဗင်နီဇွဲလား ဆရာဝန် မန်နျူယဲလ် အလ်ဗာရာဒိုက မိမိ၏ ခရီးဆောင်အိတ်ထဲ၌ C-4 ဖောက်ခွဲရေးဗုံး သယ်ဆောင်လာသည်ဟု ပြောကြားခဲ့သည်။

ထို့နောက် ၎င်းက မိမိမှာ နောက်ပြောင်ခြင်းဖြစ်သည်ဟု ပြောကြားခဲ့သော်လည်း လုံခြုံရေးတပ်ဖွဲ့ဝင်များမှာ လေဆိပ်အတွင်း ကယ်ဆယ်ရေးလုပ်ငန်းများ လုပ်ဆောင်ခဲ့ပြီး လေကြောင်းလိုင်းများကိုလည်း ရပ်ဆိုင်းခဲ့ကာ ဗုံး ရှာဖွေရေး တပ်ဖွဲ့တစ်ခုဖြင့် အလ်ဗာရာဒို၏ ခရီးဆောင်အိတ်အား ရှာဖွေခဲ့ကြသည်။

သို့သော်လည်း ဗုံးအားရှာဖွေတွေ့ရှိခြင်းမရှိခဲ့ဘဲ နောက်ပိုင်းတွင် အလ်ဗာရာဒိုအား ဗုံးခွဲရန် ခြိမ်းခြောက်မှု၊ ရာဇ၀တ်မှုဆိုင်ရာ ထိခိုက်နစ်နာစေမှုတို့ဖြင့် တရားစွဲက ဒဏ်ငွေ ၈၉၁၇၂ ဒေါ်လာပေးဆောင်ရန် အမိန့်ချမှတ်ခဲ့သည်။

၎င်း၏ရှေ့နေဖြစ်သူ ဘရီယန်ဘီဘာကမူ မိမိ၏အမှုသည်မှာ နောင်တကြီးစွာ ရနေကြောင်း၊ မည်သူ့ကိုမှ ကြောက်ရွံ့ရန် ရည်ရွယ်ခြင်း မရှိခဲ့ကြောင်း၊ ထိုကဲ့သို့ နောက်ပြောင်မှုမှာ ၎င်း၏ အဆိုးဝါးဆုံး အမှားဖြစ်သည်ဟု ပြောဆိုခဲ့ကြောင်း ထည့်သွင်းပြောကြားခဲ့သည်။

AFP