အမေရိကန် ကာကွယ်ဝန်ကြီး အသစ် အိုဘားမား ခန့်အပ်

ဒီဇင်ဘာ ၅ ၊ ၂၀၁၄
M-Media

– ဖိအားများကြောင့် ရာထူးမှ နှုတ်ထွက်သွားခဲ့သည့် ကာကွယ်ရေး ၀န်ကြီး ချက်ဟေဂယ်၏  နေရာတွင် ဒုတိယ ကာကွယ်ရေး ၀န်ကြီးဟောင်း အက်ရ်ှတန် ကာတာအား ခန့်အပ်ခဲ့သည်ဟု အိမ်ဖြူတော်က အတည်ပြု ပြောကြားခဲ့သည်။

အသက် ၆၀ အရွယ်ရှိ ကာတာမှာ ဒုတိယ ကာကွယ်ရေး ၀န်ကြီးအဖြစ် ၂၀၁၁ ခုနှစ် အောက်တိုဘာလမှ ၂၀၁၃ ခုနှစ် ဒီဇင်ဘာအထိ တာဝန်ယူခဲ့သူဖြစ်ပြီး ဟေဂယ် ထွက်သွားပြီးနောက် ကာကွယ်ရေး ၀န်ကြီးသစ်ဖြစ်လာရန် ရေပန်းစားနေခဲ့သူဖြစ်သည်။

ကာကွယ်ရေးဝန်ကြီးအဖြစ် ခန့်အပ်ကြောင်းကို အိုဘာမားက ၀ါရှန်တန် စံတော်ချိန် သောကြာနေ့ နံနက်ပိုင်းတွင် တရားဝင်သတင်းထုတ်ပြန်မည်ဖြစ်ပြီး ကာတာမှာ အိုဘားမားလက်ထက် ၆ နှစ်တာကာလအတွင်း စတုတ္ထမြောက် ကာကွယ်ရေးဝန်ကြီး ဖြစ်လာမည်ဖြစ်သည်။

ကာတာမှာ အမေရိကန် လုံခြုံရေးကဏ္ဍတွင် အတွေ့အကြုံရင့် ပုဂ္ဂိုလ်တစ်ဦးဖြစ်ပြီး လက်ထောက် ကာကွယ်ရေး ၀န်ကြီးမဖြစ်ခင်က စစ်ဆင်ရေး အကြီးအကဲ တစ်ဦးလည်း ဖြစ်ခဲ့သည်။ ထိုအရင်က ကာတာမှာ စစ်တပ်အတွက် နည်းပညာနှင့် လက်နက်များ ၀ယ်ယူပေးသူအဖြစ် ၂ နှစ်ကျော် တာဝန်ထမ်းဆောင်ခဲ့သည်။

သမ္မတ ဘီလ်ကလင်တန်၏ လက်ထက်တွင် ကာတာမှာ ကာကွယ်ရေး ၀န်ကြီးဌာန နိုင်ငံခြားရေး ပေါ်လစီ ဒုတိယ၀န်ကြီးအဖြစ်လည်းကောင်း၊ ထိုရာထူးမတိုင်ခင်က ဂျွန်အက်ဖ်ကနေဒီ တက္ကသိုလ် သိပ္ပံနှင့် နိုင်ငံခြားရေးရာ ဒါရိုက်တာအဖြစ်လည်းကောင်း တာဝန်ထမ်းဆောင်ခဲ့သူဖြစ်သည်။

ဟေဂယ်မှာ IS နှင့် အရှေ့အလယ်ပိုင်းအရေး ပေါ်လစီများကြောင့် ဝေဖန်မှုများကိုခံခဲ့ရပြီး ထိုကိစ္စကြောင့်ပင် အိုဘားမားက ရာထူးမှနှုတ်ထွက်ရန် ဖိအားပေးခဲ့ခြင်းဖြစ်ကြောင်း အိမ်ဖြူတော်နှင့် နီးစပ်သည့်အသိုင်းအ၀ိုင်းက ပြောကြားခဲ့သည်။

AP