မြန်မာ့ဆက်သွယ်ရေး ကဏ္ဍတွင် ဗီယက်နမ် ကုမ္ပဏီ ဒေါ်လာ သန်း ၁၈၀၀ ရင်းနှီးမြှုပ်နှံမည်

ဒီဇင်ဘာ ၁၁ ။ ၂၀၁၄
M-Media

– မြန်မာနိုင်ငံ၏ ဆက်သွယ်ရေး လုပ်ငန်းတွင် ဒေါ်လာ ၂ ဘီလီယံ နီးပါး ပမာဏရှိ ရင်းနှီးမြှုပ်နှံမှုများ ပြုလုပ်ရန်အတွက် ပြည်တွင်းကုမ္ပဏီများနှင့် ပူးပေါင်းဆောင်ရွက် သွားမည်ဟု ဗီယက်နမ် စစ်တပ် ကျောထောက်နောက်ခံပြု ဆက်သွယ်ရေးကုမ္ပဏီ Viettel Global က ပြောကြားလိုက်သည်။

Viettel Global ကုမ္ပဏီ၏ ရှယ်ယာရှင်များ ဒီဇင်ဘာ ၁၀ ရက်နေ့က ပြုလုပ်သော အစည်းအဝေးတွင် ထိုကဲ့သို့ ရင်းနှီးမြှုပ်နှံမှုများပြုလုပ်ရန် ဆုံးဖြတ်ခဲ့ခြင်းဖြစ်ပြီး စုစုပေါင်း ၁.၈ ဘီလီယံ ရင်းနှီးမြှုပ်နှံရန် မျှော်လင့်ထားသည်။

ထိုကုမ္ပဏီမှာ ပြည်တွင်းရှိ ကုမ္ပဏီများနှင့် ပူးပေါင်း၍ Viettel Myanmar ကို ထူထောင်သွားမည်ဖြစ်ပြီး ရင်းနှီးမြှုပ်နှံမှု ပမာဏမှ ဒေါ်လာ သန်း ၈၀၀ ကို Viettel Global က မတည်ပေးသွားမည်ဖြစ်ပြီး ကျန်ငွေများကို နိုင်ငံရပ်ခြား ရင်းနှီးမြှုပ်သူများထံမှ ရရှိရန် ဆောင်ရွက်သွားမည်ဖြစ်သည်။

နိုင်ငံရေးပြုပြင်ပြောင်းလဲမှုများ ပြုလုပ်ခဲ့ပြီးနောက် မြန်မာနိုင်ငံ၏ ဆက်သွယ်ရေး လုပ်ငန်းကို အစိုးရက ဖွင့်ပေးခဲ့ပြီး နိုင်ငံခြားမှ ဆက်သွယ်ရေး ကုမ္ပဏီများ ၀င်ရောက်လာခဲ့ကာ ၂၀၁၄ ခုနှစ် နှစ်လယ်ပိုင်း မှစ၍ ကာတာမှ အော်ရီဒူးကုမ္ပဏီနှင့် နော်ဝေမှ တယ်လီနော ကုမ္ပဏီတို့က ဆက်သွယ်ရေး ၀န်ဆောင်မှုများကို ပေးအပ်ခဲ့သည်။

ဗီယက်နမ်၏ အကြီးဆုံး ဆက်သွယ်ရေးကုမ္ပဏီ Viettel မှ ကိုယ်စားလှယ်က ပြောကြားရာတွင် မိမိတို့ကုမ္ပဏီမှာ မြန်မာနိုင်ငံတွင် ရင်းနှီးမြှုပ်နှံမှုများ ပြုလုပ်ရန် လက်လျှော့မည်မဟုတ်ဘဲ မြန်မာနိုင်ငံ၏ ဆက်သွယ်ရေးကဏ္ဍ ရင်းနှီးမြှုပ်နှံမှု စီမံကိန်းအတွက် တယ်လီနော၊ အော်ရီဒူးတို့နှင့် ပူးပေါင်းကာ ဆက်လက်ဆောင်ရွက် သွားနိုင်သည်ဟု ပြောကြားခဲ့သည်။

Vuettel မှာ ကမ္ဘောဒီးယား၊ လာအို၊ ဟေတီ၊ မိုဇမ်ဘတ်နှင့် အရှေ့တီမောတို့ အပါအ၀င် နိုင်ငံပေါင်း ၈ နိုင်ငံတွင် ဆက်သွယ်ရေးနှင့်ပတ်သက်၍ ရင်းနှီးမြှုပ်နှံမှုများ ပြုလုပ်ထားပြီး အာဖရိကရှိ နိုင်ငံအချို့တွင်လည်း ယခုနှစ်နှောင်ပိုင်းနှင့် လာမည့်နှစ် နှောင်းပိုင်းတို့တွင် ဆက်သွယ်ရေး ၀န်ဆောင်မှုများ ပေးအပ်သွားရန် မျှော်လင့်ထားသည်။

မြန်မာနိုင်ငံ၏ မိုဘိုင်းဖုန်းသုံးစွဲသူဦးရေမှာ ၂၀၁၄ ခုနှစ် အလယ်ပိုင်းတွင် ၆.၅ သန်းရှိလာခဲ့ပြီး နိုင်ငံလူဦးရေ၏ ၁၀.၇ ရာခိုင်နှုန်းရှိကာ မိုဘိုင်းဖုန်း အသုံးပြုနိုင်သည့် လူဦးရေ (အသက် ၁၂ နှစ်မှ ၇၀) ၏ စုစုပေါင်း ၁၃ ရာခိုင်နှုန်းသာရှိကာ အရှေ့တောင် အာရှတွင် အနိမ့်ဆုံးနှုန်း ဖြစ်နေသည်ဟု Viettel က ပြောကြားခဲ့သည်။

ref:tuoi tre news