ဂျူဗင်တပ်စ်မှာ ချန်ပီယံလိဂ်တွင် ပိုမိုမြင့်မားသော အဆင့်ကို ရောက်ရှိမည်ဟု တိုက်စစ်မှူး ပေါ့ဘာဆို

ဒီဇင်ဘာ ၁၁ ။ ၂၀၁၄
M-Media

– အက်သလက်တီကိုအား သရေကစားကာ နောက်တစ်ဆင့်တက်ရောက်ခဲ့သည့် မိမိတို့အသင်းမှာ ချန်ပီယံလိဂ်တွင် ပိုမိုမြင့်မားသည့် အဆင့်ကို ရောက်ရှိ လိမ့်မည်ဟု ဂျူဗင်တပ်စ်အသင်း တိုက်စစ်မှူး ပေါ့ဘာက ပြောကြားလိုက်သည်။

ဂျူဗင်တပ်စ်မှာ ချန်ပီယံလိဂ်အစပိုင်းတွင် ခြေစွမ်း မပြနိုင်ခဲ့သော်လည်း နောက်ပိုင်း တွင် ပုံစံမှန်ပြန်ရလာခဲ့ပြီး ယနေ့နံနက် ပွဲစဉ်ပြီးနောက် အုပ်စုဒုတိယဖြင့် နောက်တစ်ဆင့်သို့ တက်ရောက်နိုင်ခဲ့သည်။

`ကျွန်တော်တို့အသင်းဟာ ရှေ့ကိုပိုသွားနိုင်တယ်ဆိုတာ ကျွန်တော်တိုိ့ပါတယ်။ ဒါပေမယ့် ပွဲတွေဟာ မလွယ်ကူနိုင်တာကြောင့် ပိုမိုပေးဆပ်ဖို့တော့ လိုပါလိမ့်မယ်´ ဟု ပေါ့ဘာက ပွဲအပြီးတွင် ပြောကြားခဲ့သည်။

ထိုပွဲတွင် အက်သလက်တီကို၏ အပိုင်ဂိုးသွင်းခွင့်အချို့ကို စွမ်းစွမ်းတမံ ကာကွယ်ပေးခဲ့သည့် ၀ါရင့်ဂိုးသမား ဘူဖွန်ကလည်း အသင်း၏ နောက်တစ်ဆင့် တက်မှုအတွက် ချီးကျူးပြောဆိုခဲ့သည်။

`အုပ်စု ပထမ၊ ဒုတိယ နေရာဆိုဟာ နည်းနည်းပဲ ကွာခြားတာပါ။ မကြာခင်မှာပဲ အတောင့်တင်းဆုံးအသင်းနဲ့ ကျွန်တော်တို့ တွေ့ရပါလိမ့်မယ်´ ဟု ပြောကြားခဲ့သည်။

ချန်ပီယံလိဂ် ၁၆ သင်းအဆင့် ရှုံးထွက်ပွဲစဉ်များ မဲခွဲခြင်းကို လာမည့် ဒီဇင်ဘာ ၁၅ ရက်နေ့တွင် ပြုလုပ်သွားမည်ဖြစ်သည်။