လက်ဘနွန်၏ ရေနံနှင့် သဘာဝဓာတ်ငွေ့များကို အစ္စရေးမှ ခိုးယူနေ

ဒီဇင်ဘာ ၁၂ ၊ ၂၀၁၄
M-Media

လက်ဘနွန်နိုင်ငံတောင်ပိုင်း ကမ်းခြေရှိ ရေနံနှင့် သဘာဝဓာတ်ငွေ့များကို အစ္စရေးက ရေအောက်မှ တဆင့် ခိုးယူနေခြင်း အခိုင်အမာ သတင်းတစ်ရပ်ကို အမည်မဖော်လိုသူ အပြည်ပြည်ဆိုင်ရာ သိပ္ပံပညာရှင် တစ်ဦးထံမှ ရရှိပြီဖြစ်ကြောင်း လက်ဘနွန် လွှတ်တော်ပြောဆိုခွင့်ရ ပုဂ္ဂိုလ် နဘီးဟ် ဘာရီမှ ပြောကြားသည်။

နိုင်ငံပိုင် သဘာဝဓာတ်ငွေ့အရင်းအမြစ်များအပေါ် စိတ်ဝင်တစား မရှိသော အစိုးရအား ကြည့်၍ တုန်လှုပ်မိသည်ဟုဆိုကာ ဘာရီက ကမ်းလွန်သဘာဝ ဓာတ်ငွေ့ရှာဖွေမှုအား လာမည့်နှစ်အစတွင် တရားဝင် လိုင်စင်ဖြင့် တိုးမြှင့်ဆောင်ရွက်ရန် ပန်ကြားလိုက်သည်။

“လာမယ့်နှစ်ဦးပိုင်း ကစပြီး ဒီအရေးနဲ့ပတ်သက်လို့ ကျွန်တော့်ဖက်က စွမ်းသလောက် လှုံ့ဆော်ဆောင်ရွက်သွားပါမယ်”။

လက်ဘနွန်နှင့် အစ္စရေးသည် ဒေါ်လာသန်းပေါင်းထောင်ချီတန်သော ၈၅၄ စတုရန်းကီလိုမီတာရှိ ရေနံနှင့်သဘာဝဓာတ်ငွေ့ဇုံ တစ်ခုအပေါ် အငြင်းပွားလျက်ရှိနေသည်။ လက်ဘနွန်သည် မြေထဲပင်လယ် အရှေ့ပိုင်းရှိ အခြားတိုင်းပြည်များနှင့်နှိုင်းစာလျှင် ပင်လယ်သယံဇာတ ထုတ်လုပ်ရေး၌ အားနည်းနှေးကွေးနေသေးသည်။

လွန်ခဲ့သည့် သြဂုတ်လက လက်ဘနွန် အစိုးရသည် နိုင်ငံရေး သဘောထားကွဲလွဲမှုများကြောင့် ကမ်းလွန် သဘာဝဓာတ်ငွေ့ရှာဖွေ ထုတ်ဖော်ရေးအတွက် ပထမအသုတ် လိုင်စင်ချပေးရန် ပဉ္စမအကြိမ် စီမံခြင်းကို ရွှေ့ဆိုင်းခဲ့ရသည်။